ಧೋನಿಗಾಗಿ ಹೊಸ ಹಾಡೊಂದನ್ನು ಸಿದ್ದಪಡಿಸಿದ ಡ್ವೇನ್​ ಬ್ರಾವೋ: ವಿಡಿಯೋ

ಚೆನ್ನೈ ಸೂಪರ್ ಕಿಂಗ್ಸ್​ ತನ್ನ ಅಧಿಕೃತ ಟ್ವಿಟರ್​ನಲ್ಲಿ ಈ ವಿಚಾರವನ್ನು ತನ್ನ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದೆ. "ಚಾಂಪಿಯನ್​ ಡಿಜಿ ಬ್ರಾವೋ, ಮುಂದಿನ ಹಾಡು, ಹಿಸ್​ ಬ್ರದರ್​, ಹಿಸ್ ಬ್ರದರ್​, ಫ್ರಮ್​ ಅನದರ್​ ಮದರ್​," ಸಿದ್ದಪಡಿಸಿದ್ದಾರೆಂದು ಬರೆದುಕೊಂಡು ವಿಡಿಯೋ ಶೇರ್​ ಮಾಡಿದ್ದಾರೆ.

ಮುಂಬೈ: ವೆಸ್ಟ್​ ಇಂಡೀಸ್ ಆಲ್​ರೌಂಡರ್​ ಡ್ವೇನ್​ ಬ್ರಾವೋ ಸಿಎಸ್​ಕೆ ತಂಡದ ನಾಯಕ ಎಂಎಸ್​ ಧೋನಿ ಅವರ ಹೆಸರಿನಲ್ಲಿ ಹೊಸ ಹಾಡೊಂದನ್ನು ಸಿದ್ದಪಡಿಸುತ್ತಿದ್ದು, ಅದರ ಒಂದು ತುಣುಕನ್ನು ಹಂಚಿಕೊಂಡಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್​ ತನ್ನ ಅಧಿಕೃತ ಟ್ವಿಟರ್​ನಲ್ಲಿ ಈ ವಿಚಾರವನ್ನು ತನ್ನ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದೆ. ಚಾಂಪಿಯನ್​ ಡಿಜಿ ಬ್ರಾವೋ, ಮುಂದಿನ ಹಾಡು, ಹಿಸ್​ ಬ್ರದರ್​, ಹಿಸ್​ ಬ್ರದರ್​, ಫ್ರಮ್​ ಅನದರ್​ ಮದರ್"​ ಧೋನಿಗಾಗಿ ಸಿದ್ದಪಡಿಸಿದ್ದಾರೆಂದು ಬರೆದುಕೊಂಡು ವಿಡಿಯೋ ಶೇರ್​ ಮಾಡಿಕೊಂಡಿದೆ.

" ಸಹೋದರನಾದ ಎಂಎಸ್​ ಧೋನಿಗಾಗಿ ಹೊಸ ಹಾಡೊಂದನ್ನು ಸಿದ್ದಪಡಿಸುತ್ತಿದ್ದು, ಅದರ ಸ್ಯಾಂಪಲ್​ ಹೀಗಿದೆ "ಎಂದು ಹಾಡಿನ ಕೆಲವು ಸಾಲುಗಳನ್ನು ಹೇಳಿದ್ದಾರೆ.

ಬ್ರಾವೋ ಹಾಗೂ ಎಂಎಸ್ ಧೋನಿ ಇಂಡಿಯನ್​ ಪ್ರೀಮಿಯರ್​ ಲೀಗ್​ನ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದಲ್ಲಿ ಟೀಮ್​ ಮೇಟ್​ಗಳಾಗಿದ್ದಾರೆ. ಇಬ್ಬರು ಆಟಗಾರರು ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಬ್ರಾವೋ ಭಾರತ ತಂಡದ ಮಾಜಿ ನಾಯಕನನ್ನು ಸದಾ ಗೌರವದಿಂದ ಕಾಣುತ್ತಾರೆ.

ಬ್ರಾವೋ 2011ರಿಂದ ಸಿಎಸ್​ಕೆ ತಂಡಲ್ಲಿದ್ದಾರೆ. ಅವರು ಸಿಎಸ್​ಕೆ ಪರ 104 ಪಂದ್ಯಗಳನ್ನಾಡಿದ್ದು 121 ವಿಕೆಟ್ ಪಡೆದಿದ್ದಾರೆ. ವಿಂಡೀಸ್​ ಆಲ್​ರೌಂಡರ್​ ಎರಡು ಬಾರಿ(2014-2015) ಪರ್ಪಲ್​​ ಕ್ಯಾಪ್​ ಪಡೆದಿದ್ದಾರೆ.

ಚೆನ್ನೈ ಸೂಪರ್​ ಕಿಂಗ್ಸ್​ ಧೋನಿ ನಾಯಕತ್ವದಲ್ಲಿ 2010,2011 ಹಾಗೂ 2018ರಲ್ಲಿ ಚಾಂಪಿಯನ್ ಪಟ್ಟಕ್ಕೇರಿತ್ತು. ಇನ್ನು 5 ಬಾರಿ ರನ್ನರ್​ ಅಪ್​ ಆಗಿದೆ.