ಶ್ರೀಲಂಕಾ ವಿರುದ್ಧ 134 ರನ್​ಗಳ ಅಮೋಘ​ ಜಯ ಸಾಧಿಸಿದ ಆಸ್ಟ್ರೇಲಿಯಾ

ಡೇವಿಡ್​ ವಾರ್ನರ್​ ಶತಕ ಹಾಗೂ ಬೌಲರ್​ಗಳ ಅದ್ಭುತ ಪ್ರದರ್ಶನದ ನೆರವಿನಿಂದ ಶ್ರೀಲಂಕಾ ತಂಡವನ್ನು 134 ರನ್​ಗಳಿಂದ ಮಣಿಸಿರುವ ಆಸ್ಟ್ರೇಲಿಯಾ ಸರಣಿಯಲ್ಲಿ 1-0ರ ಮುನ್ನಡೆ ಸಾಧಿಸಿದೆ.

ಅಡಿಲೇಡ್​: ಬ್ಯಾಟಿಂಗ್​ ಹಾಗೂ ಬೌಲಿಂಗ್​ನಲ್ಲಿ ಅದ್ಭುತ ಪ್ರದರ್ಶನ ತೋರಿದ ಆಸ್ಟ್ರೇಲಿಯಾ ತಂಡ ಶ್ರೀಲಂಕಾ ವಿರುದ್ಧದ ಮೊದಲ ಪಂದ್ಯದಲ್ಲಿ 134 ರನ್​ಗಳ ಭರ್ಜರಿ ವಿಜಯ ಸಾಧಿಸಿದೆ.

ಮೊದಲು ಬ್ಯಾಟಿಂಗ್​ ಮಾಡಿದ ಆಸ್ಟ್ರೇಲಿಯಾ ಅಬ್ಬರದ ಬ್ಯಾಟಿಂಗ್ ನಡೆಸಿ ಶ್ರೀಲಂಕಾ ಬೌಲಿಂಗ್​ ದಾಳಿಯನ್ನು ಧ್ವಂಸ ಮಾಡಿದೆ. ಆರಂಭಿಕರಾಗಿ ಕಣಕ್ಕಿಳಿದ ವಾರ್ನರ್​ 4 ಸಿಕ್ಸರ್​ 10 ಬೌಂಡರಿ ಸಹಿತ 100 ರನ್​ ಗಳಿಸಿದರು. ಇವರಿಗೆ ಸಾಥ್​ ನೀಡಿದ ಆ್ಯರೋನ್​ ಫಿಂಚ್​ 36 ಎಸೆತಗಳಲ್ಲಿ 64, ಮ್ಯಾಕ್ಸ್​ವೆಲ್ 28 ಎಸೆತಗಳಲ್ಲಿ​ 62 ರನ್​ ಸಿಡಿಸಿ 233 ರನ್​ಗಳ ಬೃಹತ್​ ಮೊತ್ತಕ್ಕೆ ಕಾರಣರಾದರು.

234 ರನ್​ಗಳ ದೊಡ್ಡ ಮೊತ್ತದ ಗುರಿ ಪಡೆದ ಶ್ರೀಲಂಕಾ ಕೇವಲ 99 ರನ್​ಗಳಿಗೆ ಆಲೌಟ್​ ಆಗುವ ಮೂಲಕ 134 ರನ್​ಗಳ ಹೀನಾಯ ಸೋಲನುಭವಿಸಿತು. ದಾಸುನ್​ ಸನಾಕ 17 ರನ್​ಗಳಿಸಿದ್ದೇ ತಂಡದ ಗರಿಷ್ಠ ಸ್ಕೋರರ್‌​ ಎನಿಸಿಕೊಂಡರು.

ಮಿಚೆಲ್​ ಸ್ಟಾರ್ಕ್​ 2 , ಆ್ಯಡಂ ಝಂಪಾ 3, ಪ್ಯಾಟ್​ ಕಮ್ಮಿನ್ಸ್​ 2 ಹಾಗೂ ಅಶ್ಟನ್​ ಅಗರ್​ 1 ವಿಕೆಟ್​ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಶತಕಗಳಿಸಿದ ಡೇವಿಡ್​ ವಾರ್ನರ್​ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದ್ರು.