ಹಿಂಗೇ ಬ್ಯಾಟ್​​ ಬೀಸಿದ್ರೆ ವಿರಾಟ್​​ ಕೊಹ್ಲಿ ಏಕದಿನದಲ್ಲೇ 75 - 80 ಶತಕ : ಮಾಜಿ ಆಟಗಾರನ ಭವಿಷ್ಯ!

ಹಿಂಗೇ ವಿರಾಟ್​ ಬ್ಯಾಟ್​ ಬೀಸಿದ್ರೆ ಏಕದಿನ ಒಂದರಲ್ಲೇ 75-80 ಶತಕ ಸಿಡಿಸಬಲ್ಲರು ಎಂದು ಟೀಂ ಇಂಡಿಯಾ ಮಾಜಿ ಪ್ಲೇಯರ್​ ಒಬ್ಬರು ಭವಿಷ್ಯ ನುಡಿದಿದ್ದಾರೆ.

ನವದೆಹಲಿ:ವೆಸ್ಟ್​ ಇಂಡೀಸ್​ ವಿರುದ್ಧ ನಿನ್ನೆ ನಡೆದ 2ನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ 42ನೇ ಶತಕ ಸಿಡಿಸಿ ಮಿಂಚಿದ್ದು, ಇದೇ ರೀತಿ ಅವರ ಬ್ಯಾಟಿಂಗ್​​ ನಡೆಸಿದ್ರೆ ಏಕದಿನದಲ್ಲೇ 75-80 ಶತಕ ಸಿಡಿಸ್ತಾರೆ ಎಂದು ಟೀಂ ಇಂಡಿಯಾ ಮಾಜಿ ಪ್ಲೇಯರ್ ವಾಸಿಂ ಜಾಫರ್​​ ಭವಿಷ್ಯ ನುಡಿದಿದ್ದಾರೆ.

ಟೀಂ ಇಂಡಿಯಾ ಪರ 31 ಟೆಸ್ಟ್​​ ಪಂದ್ಯಗಳನ್ನಾಡಿರುವ ವಾಸೀಂ ಜಾಫರ್​ ತಮ್ಮ ಟ್ವಿಟರ್​ ಅಕೌಂಟ್​​ನಲ್ಲಿ ಈ ರೀತಿಯಾಗಿ ಬರೆದುಕೊಂಡಿದ್ದು, 11 ಇನ್ನಿಂಗ್ಸ್​​ಗಳಾದ ಬಳಿಕ ವಿರಾಟ್​​ ಮತ್ತೊಂದು ಅಂತಾರಾಷ್ಟ್ರೀಯ ಶತಕ ಸಿಡಿಸಿದ್ದು, ನನ್ನ ಪ್ರಕಾರ ಅವರು 75-80 ಶತಕ ಸಿಡಿಸುತ್ತಾರೆ ಎಂದು ಹೇಳಿದ್ದಾರೆ.

ಈಗಾಗಲೇ ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್​ ಸೌರವ್​ ಗಂಗೂಲಿ ಏಕದಿನದಲ್ಲಿ ಗಳಿಕೆ ಮಾಡಿದ್ದ 11,363ರನ್​ ದಾಖಲೆ ಬ್ರೇಕ್​ ಮಾಡಿರುವ ಕೊಹ್ಲಿ 11,406ರನ್​ಗಳಿಕೆ ಮಾಡಿ ಭಾರತದ ಪರ ಅತಿ ಹೆಚ್ಚು ರನ್​ಗಳಿಕೆ ಮಾಡಿರುವ ಪೈಕಿ 2ನೇ ಸ್ಥಾನದಲ್ಲಿದ್ದಾರೆ. 463 ಪಂದ್ಯಗಳಿಂದ 18,426ರನ್​ಗಳಿಕೆ ಮಾಡಿ ಮೊದಲ ಸ್ಥಾನದಲ್ಲಿದ್ದಾರೆ.

ವೆಸ್ಟ್​ ಇಂಡೀಸ್​ ವಿರುದ್ಧ ನಿನ್ನೆ ನಡೆದ ಪಂದ್ಯದಲ್ಲಿ ಟೀಂ ಇಂಡಿಯಾ 59 ರನ್​ಗಳ ಅಂತರದಿಂದ ಗೆಲುವು ದಾಖಲು ಮಾಡಿಕೊಂಡಿದ್ದು, ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಪಡೆದುಕೊಂಡಿದೆ. ಈಗಾಗಲೇ ಮೊದಲ ಏಕದಿನ ಪಂದ್ಯ ಮಳೆಯಿಂದ ರದ್ದುಗೊಂಡಿತ್ತು.