ಆಕ್ಲೆಂಡ್: ಭಾರತ ಹಾಗೂ ನ್ಯೂಜಿಲ್ಯಾಂಡ್ ತಂಡಗಳ ನಡುವಿನ 5 ಪಂದ್ಯಗಳ ಟಿ-20 ಸರಣಿ ಶುಕ್ರವಾರ ಆರಂಭವಾಗಲಿದ್ದು, ಭಾರತ ತಂಡದ ನಾಯಕ ಎಂಎಸ್ ಧೋನಿ ದಾಖಲೆ ಮುರಿಯಲು ಕೊಹ್ಲಿ ಹಾಗೂ ವಿಲಿಯಮ್ಸನ್ ಪೈಪೋಟಿ ನಡೆಸುತ್ತಿದ್ದಾರೆ.
ಭಾರತ ತಂಡದ ನಾಯಕನಾಗಿ ಎಂಎಸ್ ಧೋನಿ ಟಿ-20 ಕ್ರಿಕೆಟ್ನಲ್ಲಿ1,112 ರನ್ಗಳಿಸಿ ಅತಿ ಹೆಚ್ಚು ರನ್ಗಳಿಸಿರುವ ವಿಶ್ವದ 2ನೇ ನಾಯಕ ಎಂಬ ದಾಖಲೆ ಬರೆದಿದ್ದಾರೆ.
ಶುಕ್ರವಾರ ನಡೆಯಲಿರುವ ಮೊದಲ ಟಿ-20 ಪಂದ್ಯದಲ್ಲಿ ಭಾರತ ತಂಡದ ನಾಯಕ ಹಾಗೂ ನ್ಯೂಜಿಲ್ಯಾಂಡ್ ತಂಡದ ನಾಯಕ ಧೋನಿ ದಾಖಲೆಯನ್ನು ಮುರಿಯಲು ಪೈಪೋಟಿಗಿಳಿಯಲಿದ್ದಾರೆ. ನಾಯಕನಾಗಿ ವಿಲಿಯಮ್ಸನ್ 1,083 ರನ್ ಗಳಿಸಿದ್ದರೆ, ಕೊಹ್ಲಿ1,032 ರನ್ ಗಳಿಸಿದ್ದಾರೆ.
ವಿಲಿಯಮ್ಸನ್ ನಾಳಿನ ಪಂದ್ಯದಲ್ಲಿ 30 ರನ್ಗಳಿಸಿದರೆ ಧೋನಿ ದಾಖಲೆ ಮುರಿಯಲಿದ್ದಾರೆ. ಇನ್ನು ಕೊಹ್ಲಿ ಈ ದಾಖಲೆಗಾಗಿ 81 ರನ್ ಗಳಿಸಬೇಕಾಗಿದೆ. ದಕ್ಷಿಣ ಆಫ್ರಿಕಾದ ಫಾಫ್ ಡು ಪ್ಲೆಸಿಸ್ 1,273 ರನ್ಗಳೊಂದಿಗೆ ನಾಯಕನಾಗಿ ಅತಿ ಹೆಚ್ಚು ರನ್ ಗಳಿಸಿ ಮೊದಲ ಸ್ಥಾನದಲ್ಲಿದ್ದಾರೆ.
ಭಾರತ ತಂಡ ಕಳೆದ ಬಾರಿ ನ್ಯೂಜಿಲ್ಯಾಂಡ್ ಪ್ರವಾಸ ಕೈಗೊಂಡಿದ್ದಾಗ ಏಕದಿನ ಸರಣಿ ಗೆದ್ದಿತ್ತು. ಆದರೆ ಟಿ-20 ಸರಣಿಯನ್ನು ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ 2-1ರಲ್ಲಿ ಕಳೆದುಕೊಂಡಿತ್ತು.
