ಪೊಲಾರ್ಡ್​ ಬ್ಯಾಟ್ ಹಿಡಿದು ಪೋಸ್ ​ಕೊಟ್ಟ ಚಹಾಲ್​ಗೆ ಪಂಚ್​ ಕೊಟ್ಟ ಕೊಹ್ಲಿ!!

ವಿಂಡೀಸ್​ ನಾಯಕ ಕೀರನ್ ಪೊಲಾರ್ಡ್​ ಬ್ಯಾಟ್​ ಹಿಡಿದು ಪೋಸ್​ ಕೊಟ್ಟ ಟೀಂ ಇಂಡಿಯಾ ಆಟಗಾರ ಚಹಾಲ್​ಗೆ ವಿರಾಟ್​ ಟಾಂಗ್ ಕೊಟ್ಟಿದ್ದಾರೆ.

ಹೈದರಾಬಾದ್: ಟೀಂ ಇಂಡಿಯಾ ಸ್ಪಿನ್ ಬೌಲರ್​ ಯಜುವೇಂದ್ರ ಚಹಾಲ್ ವಿಂಡೀಸ್​ ನಾಯಕ ಕೀರನ್ ಪೊಲಾರ್ಡ್​ ಬ್ಯಾಟ್​ ಹಿಡಿದು ಪೋಸ್​ ಕೊಟ್ಟಿದ್ದು, ಟೀಂ ಇಂಡಿಯಾ ನಾಯಕ ವಿರಾಟ್​, ಚಹಾಲ್ ಕಾಲೆಳೆದಿದ್ದಾರೆ.

ಕೀರನ್ ಪೊಲಾರ್ಡ್​ ಬ್ಯಾಟ್​ ಹಿಡಿದಿರುವ ಚಹಾಲ್ 10 ಕೆಜಿ ಬ್ಯಾಟ್ 2.5 ಕೆಜಿ ಕೈಯಲ್ಲಿ ಎಂದು ಕ್ಯಾಪ್ಶನ್​ ನೀಡಿ ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ. ಚಹಾಲ್​ ಪೋಟೊ ನೋಡಿ ಕಮೆಂಟ್ ಮಾಡಿರುವ ಕೊಹ್ಲಿ, 'ನಿನ್ನ ತೊಡೆಗಳಿಗಿಂತಲೂ ಪೊಲಾರ್ಡ್ ಕಾಲಿನ ಮೀನು ಖಂಡಗಳು ದಪ್ಪವಾಗಿವೆ' ಎಂದು ಚಹಾಲ್ ಕಾಲೆಳೆದಿದ್ದಾರೆ.

ಚಹಾಲ್ ಕಾಲೆಳೆದ ವಿರಾಟ್ ಕೊಹ್ಲಿ..

ಭಾರತ ವಿಂಡೀಸ್​ ನಡುವಿನ ಮೂರನೇ ಮತ್ತು ಕೊನೆಯ ಏಕದಿನ ಪಂದ್ಯ ಭಾನುವಾರ ಒಡಿಶಾದ ಕಟಕ್​ನಲ್ಲಿ ನಡೆಯಲಿದೆ. ಏಕದಿನ ಸರಣಿಯ ನಿರ್ಣಾಯಕ ಪಂದ್ಯದಲ್ಲಿ ಗೆಲುವು ಸಾಧಿಸಲು ಉಭಯ ತಂಡಗಳು ಭರ್ಜರಿ ತಾಲೀಮು ನಡೆಸುತ್ತಿವೆ. ಈ ಹಿಂದೆ ವಿಂಡೀಸ್ ವಿರುದ್ಧ ನಡೆದ 2 ಏಕದಿನ ಪಂದ್ಯಗಳಲ್ಲೂ ಚಹಾಲ್, ಆಡುವ 11ರ ಬಳಗದಲ್ಲಿ ಕಾಣಿಸಿಕೊಂಡಿರಲಿಲ್ಲ.