ವಿಜಯ್ ಹಜಾರೆ ಟ್ರೋಫಿಯಲ್ಲಿ ಫೈನಲ್ ಪ್ರವೇಶಿಸಿದ ಕರ್ನಾಟಕ..ಕೆಎಸ್​ಸಿಎನಿಂದ ಉಚಿತ ಟಿಕೆಟ್!

ವಿಜಯ್ ಹಜಾರೆ ಟ್ರೋಫಿಯ ಸೆಮಿಫೈನಲ್​ ಪಂದ್ಯದಲ್ಲಿ ಛತ್ತಿಸ್​ಗಢ ತಂಡವನ್ನ ಮಣಿಸಿ ಕರ್ನಾಟಕ ತಂಡ ಫೈನಲ್​ ಪ್ರವೇಶಿಸಿದೆ.

ಬೆಂಗಳೂರು: ರಾಹುಲ್ ಮತ್ತು ಪಡಿಕ್ಕಲ್ ಅಬ್ಬರದ ಆಟದ ನೆರವಿನಿಂದ ವಿಜಯ್​ ಹಜಾರೆ ಟ್ರೋಫಿಯ ಸೆಮಿಫೈನಲ್​ ಪಂದ್ಯದಲ್ಲಿ ಕರ್ನಾಟಕ ತಂಡ 9 ವಿಕೆಟ್​ಗಳ ಭರ್ಜರಿ ಜಯ ದಾಖಲಿಸಿದ್ದು, ಫೈನಲ್ ಪ್ರವೇಶಿಸಿದೆ.

ಛತ್ತಿಸ್​​ಗಢ ನೀಡಿದ 224 ರನ್​ಗಳ ಗುರಿ ಬೆನ್ನಟ್ಟಿದ ಕರ್ನಾಟಕ ತಂಡಕ್ಕೆ ಆರಂಭಿಕ ಆಟಗಾರರಾದ ದೇವದತ್ತ ಪಡಿಕ್ಕಲ್ ಮತ್ತು ಕೆ.ಎಲ್.ರಾಹುಲ್ ​ಮೊದಲ ವಿಕೆಟ್​ಗೆ 155 ರನ್​ಗಳಸಿಸುವ ಮೂಲಕ ಭದ್ರ ಬುನಾದಿ ಹಾಕಿದ್ರು. ಎದುರಾಳಿ ಬೌಲರ್​ಗಳ ಮೇಲೆ ಸವಾರಿ ಮಾಡಿದ ಪಡಿಕ್ಕಲ್ ಭರ್ಜರಿ 3 ಸಿಕ್ಸರ್ ಮತ್ತು 7 ಬೌಂಡರಿಗಳ ನೆರವಿನಿಂದ 92 ರನ್​ಗಳಿಸಿ ಔಟ್​ ಆದ್ರು.

ಈ ವೇಳೆ ಜೊತೆಯಾದ ಮಯಾಂಕ್​ ಅಗರ್ವಾಲ್ ಮತ್ತು ರಾಹುಲ್​ ತಂಡವನ್ನ ಗೆಲುವಿನ ದಡ ಮುಟ್ಟಿಸಿದ್ರು. ಅಂತಿಮವಾಗಿ ಕರ್ನಾಟಕ ತಂಡ 40 ಓವರ್​ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 229 ರನ್ ​ಗಳಿಸಿ ಜಯದ ದಡ ಮುಟ್ಟಿತು. ತಂಡದ ಪರ ದೇವದತ್ತ ಪಡಿಕ್ಕಲ್ 92, ಕೆಲ್ ರಾಹುಲ್88 , ಮಯಾಂಕ್​ ಅಗರ್ವಾಲ್ 47 ರನ್ ಗಳಿಸಿದ್ರು.

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ​ನಡೆಸಿದ ಛತ್ತೀಸ್​​ಗಢ ತಂಡಕ್ಕೆ ಆರಂಭಿಕ ಅಘಾತ ಎದುರಾಯ್ತು. ಭರ್ಜರಿ ಪ್ರದರ್ಶನ ತೋರಿದ ಬೌಲರ್​ಗಳು ಎದುರಾಳಿ ತಂಡ ಚೇತರಿಸಿಕೊಳ್ಳಲು ಕೂಡ ಆವಕಾಶ ನೀಡಲಿಲ್ಲ. 100 ರನ್​ ಗಳಿಸುವಷ್ಟರಲ್ಲಿ ಪ್ರಮುಖ 5 ವಿಕೆಟ್ ಕಳೆದುಕೊಂಡಿತು.

ಒಂದೆಡೆ ವಿಕೆಟ್​ ಬೀಳುತಿದ್ದರೂ ಕ್ರಿಸ್​ ಕಚ್ಚಿನಿಂತ ಅಮಂದೀಪ್ ಖರೆ 78 ರನ್​ಗಳಿಸುವ ಮೂಲಕ ತಂಡಕ್ಕೆ ಆಸರೆಯಾದ್ರು. ಕೆಳ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ ಸುಮಿತ್ ರೈಕರ್ 40 ರನ್​ಗಳಿಸುವ ಮೂಲಕ ತಂಡದ ಮೊತ್ತ 200ರ ಗಡಿ ದಾಟಿಸಿದ್ರು.

ಅಂತಿಮವಾಗಿ ಛತ್ತೀಸ್​ಗಢ ತಂಡ 49.4 ಓವರ್​ಗಳಲ್ಲಿ ತನ್ನೆಲ್ಲ ವಿಕೆಟ್​ ಕಳೆದುಕೊಂಡು 223 ರನ್​ ಕಲೆಹಾಕಿತು. ತಂಡದ ಪರ ಅಮಂದೀಪ್ ಖರೆ 78, ಸುಮಿತ್ ರೈಕರ್​ 40, ಅಜಯ್​ ಜಾದವ್ ಮಂಡಲ್ 26ರನ್​ ಗಳಿಸಿದ್ರು. ಕರ್ನಾಟಕ ಪರ ಉತ್ತಮ ಬೌಲಿಂಗ್ ಪ್ರದರ್ಶಿಸಿದ ಕೌಶಿಕ್ 4 ವಿಕೆಟ್​ ಕಬಳಿಸಿದ್ರು. ಅಭಿಮನ್ಯು ಮಿಥುನ್ 2, ಕೆ.ಗೌತಮ್ 2, ಪ್ರವೀಣ್ ದುಬೆ 2 ವಿಕೆಟ್​ ಪಡೆದು ಮಿಂಚಿದ್ರು.

ಕೆಎಸ್​ಸಿಎನಿಂದ ಉಚಿತ ಟಿಕೆಟ್

ಫೈನಲ್ ಪಂದ್ಯಕ್ಕೆ ಉಚಿತ ಟಿಕೆಟ್:

ಇದೇ ಶುಕ್ರವಾರ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕರ್ನಾಟಕ ಮತ್ತು ತಮಿಳುನಾಡು ತಂಡಗಳು ಫೈನಲ್​ನಲ್ಲಿ ಸೆಣಸಾಡಲಿದ್ದು, ಇದಕ್ಕಾಗಿ ಉಚಿತವಾಗಿ ಟಿಕೆಟ್ ನಿಡಲಾಗುತ್ತದೆ. ಚಿನ್ನ ಸ್ವಾಮಿ ಕ್ರೀಡಾಂಗಣದ P3 ಸ್ಟಾಂಡ್​ನ ಟಿಕೆಟ್​ಗಳನ್ನ ಉಚಿತವಾಗಿ ನೀಡಲಾಗುತ್ತದೆ ಎಂದು ಕೆಎಸ್​ಸಿಎ ತಿಳಿಸಿದೆ.