ಟಿ-20 ಕ್ರಿಕೆಟ್​ನಲ್ಲಿ ಹೆಚ್ಚು ಬಾರಿ ಡಕ್​ ಔಟ್.. ಕಳಪೆ ದಾಖಲೆಗೆ ಪಾತ್ರನಾದ ಪಾಕ್​ ಬ್ಯಾಟ್ಸ್​ಮನ್​

ಟಿ-20 ಕ್ರಿಕೆಟ್​ನಲ್ಲಿ ಹೆಚ್ಚು ಬಾರಿ ಡಕ್​ಔಟ್​ ಆಗಿರುವವರಲ್ಲಿ ದಿಲ್ಶನ್ - ಉಮರ್​ ಅಕ್ಮಲ್​​ ಮೊದಲ ಸ್ಥಾನದಲ್ಲಿದ್ದರೆ, ಐರ್ಲೆಂಡ್​ನ ಕೆವಿನ್ ಒಬ್ರಿಯಾನ್​(9), ಇಂಗ್ಲೆಂಡ್​ನ ಲೂಕ್​ ರೈಟ್(9), ಲಂಕಾದ ತಿಸ್ಸಾರಾ ಪೆರೆರಾ, ಪಾಕ್​ ಮಾಜಿ ಆಲ್​ರೌಂಡರ್ ಶಾಹಿದ್​ ಅಫ್ರಿದಿ, ಐರ್ಲೆಂಡ್​ನ ಪಾಳ್​ ಸ್ಟರ್ಲಿಂಗ್​ ತಲಾ 8 ಬಾರಿ ಡಕ್​ ಔಟ್​ ಆಗಿ ನಂತರದ ಸ್ಥಾನದಲ್ಲಿದ್ದಾರೆ.

ಲಾಹೋರ್​:ಹಲವು ತಿಂಗಳುಗಳ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಮರಳಿದ್ದ ಪಾಕಿಸ್ತಾನ ತ ತಂಡದ ಉಮರ್ ಅಕ್ಮಲ್ ಸತತ ಎರಡು ಪಂದ್ಯಗಳಲ್ಲಿ ಡಕ್​ಔಟ್​ ಆಗುವ ಮೂಲಕ ಕಳಪೆ ದಾಖಲೆಗೆ ಭಾಜನರಾಗಿದ್ದಾರೆ.

ಸೋಮವಾರ ನಡೆದ ಶ್ರೀಲಂಕಾ ವಿರುದ್ಧದ 2ನೇ ಟಿ-20 ಪಂದ್ಯದಲ್ಲಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದಾರೆ. ಅವರು ಮೊದಲನೇ ಪಂದ್ಯದಲ್ಲೂ ಶೂನ್ಯಕ್ಕೆ ಔಟಾಗಿದ್ದರು. ಈ ಮೂಲಕ ಅಂತಾರಾಷ್ಟ್ರೀಯ ಟಿ-20 ಕ್ರಿಕೆಟ್​ನಲ್ಲಿ 10 ಬಾರಿ ಡಕ್​ ಔಟ್​ ಆಗಿದ್ದ ಶ್ರೀಲಂಕಾದ ಮಾಜಿ ಆಟಗಾರ ತಿಲಕರತ್ನೆ ದಿಲ್ಷಾನ್ ಅವರ ಜೊತೆಗೆ ಬೇಡದ ದಾಖಲೆಗೆ ಉಮರ್​ ಅಕ್ಮಲ್​ ಪಾತ್ರರಾಗಿದ್ದಾರೆ. ಅಲ್ಲದೆ ಮೊದಲ ಬಾಲಿನಲ್ಲೇ 6 ಬಾರಿ ಡಕ್​ಔಟ್​ ಆಗಿರುವ ದಾಖಲೆಯೂ ಉಮರ್​ ಪಾಲಾಗಿದೆ.

ಈ ಲಿಸ್ಟ್​ನಲ್ಲಿ ದಿಲ್ಶನ್-ಉಮರ್​ ಅಕ್ಮಲ್​​ ಮೊದಲ ಸ್ಥಾನದಲ್ಲಿದ್ದರೆ, ಐರ್ಲೆಂಡ್​ನ ಕೆವಿನ್ ಒಬ್ರಿಯಾನ್​(9), ಇಂಗ್ಲೆಂಡ್​ನ ಲೂಕ್​ ರೈಟ್(9), ಲಂಕಾದ ತಿಸ್ಸಾರಾ ಪೆರೆರಾ, ಪಾಕ್​ ಮಾಜಿ ಆಲ್​ರೌಂಡರ್ ಶಾಹಿದ್​ ಅಫ್ರಿದಿ, ಐರ್ಲೆಂಡ್​ನ ಪಾಳ್​ ಸ್ಟರ್ಲಿಂಗ್​ ತಲಾ 8 ಬಾರಿ ಡಕ್​ ಔಟ್​ ಆಗಿ ನಂತರದ ಸ್ಥಾನದಲ್ಲಿದ್ದಾರೆ.

ಭಾರತದ ಪರ ಟಿ-20 ಕ್ರಿಕೆಟ್​ನಲ್ಲಿ 4 ಶತಕ ಬಾರಿಸಿರುವ ರೋಹಿತ್​ ಶರ್ಮಾ ಅತಿ ಹೆಚ್ಚು ಡಕ್​ ಔಟ್​ ಆಗಿರುವ ಕಳಪೆ ದಾಖಲೆಯನ್ನು ಹೊಂದಿದ್ದಾರೆ. ಅವರು 6 ಬಾರಿ ಸೊನ್ನೆ ಸುತ್ತಿದ್ದಾರೆ.