ಉಪನಾಯಕ ಸೇರಿ ಯುಎಇ ತಂಡದ ಇಬ್ಬರು ಕ್ರಿಕೆಟ್ ಪ್ಲೇಯರ್ಸ್​ಗೆ ಕೊರೊನಾ

ಯುಎಇ ಕ್ರಿಕೆಟ್ ತಂಡದ ಇಬ್ಬರು ಕ್ರಿಕೆಟ್ ಪ್ಲೇಯರ್ಸ್​ಗೆ ಕೊರೊನಾ ವೈರಸ್​ ಇರುವುದು ದೃಢಪಟ್ಟಿದ್ದು, ಅವರನ್ನ ಐಸೋಲೇಷನ್​​ಗೆ ಒಳಪಡಿಸಲಾಗಿದೆ.

ಅಬುದಾಬಿ: ಯುಎಇ ತಂಡದ ಇಬ್ಬರು ಕ್ರಿಕೆಟ್​ ಆಟಗಾರರಿಗೆ ಕೊರೊನಾ ವೈರಸ್ ತಗುಲಿರುವುದು ಕನ್ಫರ್ಮ್​ ಆಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ಅಲ್ಲಿನ ಕ್ರಿಕೆಟ್ ಮಂಡಳಿ ಮಾಹಿತಿ ಪ್ರಕಟಿಸಿದೆ.

ಐರ್ಲೆಂಡ್​ ವಿರುದ್ಧ ಯುಎಇ ತಂಡ ಇಂದು ಮೊದಲ ಏಕದಿನ ಪಂದ್ಯದಲ್ಲಿ ಭಾಗಿಯಾಗಿದ್ದು, ಇದರ ಬೆನ್ನಲ್ಲೇ ಇಬ್ಬರು ಆಟಗಾರರಿಗೆ ಕೊರೊನಾ ಇರುವುದು ದೃಢಪಟ್ಟಿದೆ. ತಂಡದ ಉಪನಾಯಕ ಚಿರಾಗ್​ ಸುರಿ ಹಾಗೂ ಆರ್ಯನ್​ ಲಾಕ್ರಾಗೆ ಕೊರೊನಾ ಸೋಂಕು ತಗುಲಿದೆ.ಇಬ್ಬರು ಪ್ಲೇಯರ್ಸ್​ಗೆ ಸದ್ಯ ಐಸೋಲೇಷನ್​ನಲ್ಲಿ ಇಡಲಾಗಿದ್ದು, ಅವರ ಆರೋಗ್ಯದ ಬಗ್ಗೆ ನಿಗಾ ಇಡಲಾಗಿದೆ. ಪಂದ್ಯದಲ್ಲಿ ಭಾಗಿಯಾಗಿರುವ ಎಲ್ಲ ಪ್ಲೇಯರ್ಸ್​ಗಳಿಗೂ ಈಗಾಗಲೇ ಕೋವಿಡ್ ಪರೀಕ್ಷೆ ನಡೆಸಲಾಗಿದ್ದು, ಅವರ ವರದಿ ನೆಗಟಿವ್ ಬಂದಿದೆ.

ಉಭಯ ತಂಡಗಳ ನಡುವೆ ಈಗಾಗಲೇ ಮೊದಲ ಏಕದಿನ ಪಂದ್ಯ ಆರಂಭಗೊಂಡಿದ್ದು, ಇದರ ಬೆನ್ನಲ್ಲೇ ಈ ಬೆಳವಣಿಗೆ ಕಂಡು ಬಂದಿದೆ. ಹೀಗಾಗಿ ಮುಂದಿನ ಪಂದ್ಯಗಳು ನಡೆಯುವ ಬಗ್ಗೆ ಅನುಮಾನ ಶುರುವಾಗಿದೆ.