ವೆಲ್ಲಿಂಗ್ಟನ್:ವಿಶ್ವಕಪ್ನಲ್ಲಿ ನ್ಯೂಜಿಲ್ಯಾಂಡ್ ತಂಡವನ್ನು ಅತ್ಯುತ್ತಮವಾಗಿ ನಡೆಸಿ ಫೈನಲ್ಗೆ ತೆಗೆದುಕೊಂಡು ಹೋಗಿದ್ದ ಕೇನ್ ವಿಲಿಯಮ್ಸನ್ಗೆ ಶ್ರೀಲಂಕಾ ವಿರುದ್ಧದ ಟಿ20 ಸರಣಿಯಲ್ಲಿ ವಿಶ್ರಾಂತಿ ನೀಡಿದೆ.
ಶ್ರೀಲಂಕಾ ವಿರುದ್ಧ ಟಿ20 ಸರಣಿಗೆ ವಿಲಿಯಮ್ಸನ್ಗೆ ವಿಶ್ರಾಂತಿ, ಟಿಮ್ ಸೌಥಿಗೆ ನಾಯಕ ಪಟ್ಟ.. - ಶ್ರೀಲಂಕಾ- ನ್ಯೂಜಿಲ್ಯಾಂಡ್
ಶ್ರೀಲಂಕಾ ವಿರುದ್ಧ ಟಿ20 ಸರಣಿಗೆ ಕಿವೀಸ್ ಖಾಯಂ ನಾಯಕ ವಿಲಿಯಮ್ಸನ್ಗೆ ವಿಶ್ರಾಂತಿ ನೀಡಲಾಗಿದ್ದು, ವೇಗಿ ಟಿಮ್ ಸೌಥಿಗೆ ನಾಯಕತ್ವ ನೀಡಲಾಗಿದೆ.
Tim Southee
ಎಲ್ಲಾ ವಿಭಾಗಗಳ ಕಿವೀಸ್ ತಂಡದ ನಾಯಕನಾಗಿರುವ ಕೇನ್ ವಿಲಿಯಮ್ಸನ್ ಹಾಗೂ ಟ್ರೆಂಟ್ ಬೌಲ್ಟ್ಗೆ ವಿಶ್ರಾಂತಿ ನೀಡಲಾಗಿದೆ. ತಂಡದ ಹಿರಿಯ ವೇಗಿ ಟಿಮ್ ಸೌಥಿಗೆ ನಾಯಕತ್ವ ನೀಡಿದ್ದು, ರಾಸ್ ಟೇಲರ್ ಹಾಗೂ ಗಪ್ಟಿಲ್ರಂತಹ ಅನುಭವಿಗಳ ಜೊತೆಗೆ ಕೆಲವು ಯುವ ಆಟಗಾರರಿಗೆ ಕಿವೀಸ್ ಆಯ್ಕೆ ಸಮಿತಿ ಮಣೆ ಹಾಕಿದೆ.
ಇಶ್ ಸೋಧಿ, ಮಿಚೆಲ್ ಸ್ಯಾಂಟ್ನರ್ ಹಾಗೂ ಟಾಡ್ ಆಸ್ಟಲ್ ಸ್ಪಿನ್ ವಿಭಾಗದಲ್ಲಿ ಸ್ಥಾನಪಡೆದುಕೊಂಡಿದ್ದಾರೆ. ಇನ್ನು ಕಿವೀಸ್ ಆಯ್ಕೆ ಸಮಿತಿ ಸೆರಾನ್ಸ್, ಟಾಮ್ ಬ್ರಸ್ ಡೇರಿಲ್ ಮಿಚೆಲ್ರಂತಹ ಹೊಸ ಮುಖಗಳಿಗೂ ಅವಕಾಶ ನೀಡಿದೆ. ಉಳಿದಂತೆ ಗ್ರಾಂಡ್ಹೋಮ್, ಟಿಮ್ ಸೀಫೆರ್ಟ್,ಲೂಕಿ ಫರ್ಗ್ಯೂಶನ್, ಸ್ಕಾಟ್‌ ಕುಗ್ಗೆಲೀಜ್ನ್‌,ಕಾಲಿನ್ ಮನ್ರೋ ತಮ್ಮ ಸ್ಥಾನ ಉಳಿಸಿಕೊಂಡಿದ್ದಾರೆ.