ಸಿಡ್ನಿ: ಐಪಿಎಲ್ನಲ್ಲಿ ಅತಿ ಹೆಚ್ಚು ನತದೃಷ್ಟ ತಂಡ ಎಂದೇ ಕರೆಯಲ್ಪಡುವ ಆರ್ಸಿಬಿ ತಂಡ ಈ ಬಾರಿಯಾದರು ಐಪಿಎಲ್ ಟ್ರೋಫಿ ಎತ್ತಿ ಹಿಡಿಯಲಿ ಎಂದು ಕನಸು ಕಾಣುತ್ತಿರುವ ಆರ್ಸಿಬಿ ಅಭಿಮಾನಿಗಳಿಗೆ ಹೊಸದಾಗಿ ತಂಡ ಸೇರಿರುವ ಕೆಲ ಬ್ಯಾಟ್ಸ್ಮನ್ಗಳ ಬ್ಯಾಟಿಂಗ್ ಖುಷಿ ತಂದಿದೆ.
ಆರ್ಸಿಬಿ ತಂಡಕ್ಕೆ 2020ರ ಐಪಿಎಲ್ ಹರಾಜಿನಲ್ಲಿ ಸೇರ್ಪಡೆಗೊಂಡಿರುವ ಆ್ಯರೋನ್ ಫಿಂಚ್ ಹಾಗೂ ಯುವ ವಿಕೆಟ್ ಕೀಪರ್ ಜೋಸ್ ಫಿಲಿಪ್ಪೆ ಬಿಗ್ಬ್ಯಾಶ್ ಲೀಗ್ನಲ್ಲಿ ಅದ್ಭುತ ಪ್ರದರ್ಶನ ತೋರಿಸುತ್ತಿದ್ದಾರೆ. ಇಂದು ಕೂಡ ಫಿಂಚ್- ಫಿಲಿಪ್ಪೆ ಜೊತೆಗೆ ಆರ್ಸಿಬಿ ಆಪತ್ಪಾಂದವ ಎಬಿ ಡಿ ವಿಲಿಯರ್ಸ್ ರನ್ಗಳ ಮಳೆ ಹರಿಸಿದ್ದಾರೆ.
ಶನಿವಾರ ನಡೆದ ಮೊದಲ ಪಂದ್ಯದಲ್ಲಿ ಮೆಲ್ಬೋರ್ನ್ ರೆನೆಗೇಡ್ಸ್ ತಂಡದ ನಾಯಕರಾಗಿರುವ ಆ್ಯರೋನ್ ಫಿಂಚ್ ಸಿಡ್ನಿ ಸಿಕ್ಸರ್ ವಿರುದ್ಧ 68 ಎಸೆತಗಳಲ್ಲಿ 7 ಭರ್ಜರಿ ಸಿಕ್ಸರ್ ಹಾಗೂ 6 ಬೌಂಡರಿ ಸಹಿತ 109 ರನ್ಗಳಿಸಿದರು. ಇದೇ ಪಂದ್ಯದಲ್ಲಿ ಸಿಡ್ನಿ ಸಿಕ್ಸರ್ ಪರ ಆಡಿದ ಜೋಶ್ ಫಿಲಿಪ್ಪೆ 42 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 3 ಸಿಕ್ಸರ್ ಸಹಿತ 61 ರನ್ಗಳಿಸಿ ತಮ್ಮ ತಂಡದ ಗೆಲುವಿಗೆ ನೆರವಾದರು. ಇವರಿಬ್ಬರು ಈ ಬಾರಿ ಆರ್ಸಿಬಿ ತಂಡ ಸೇರಿದ್ದಾರೆ. ಫಿಂಚ್ 4.4 ಕೋಟಿ ಹಾಗೂ ಫಿಲಿಪ್ಪೆ 20 ಲಕ್ಷ ಪಡೆದಿದ್ದಾರೆ.