ರಾಂಚಿ: ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ನಾಯಕ ವಿರಾಟ್ ಕೊಹ್ಲಿ ಪ್ರವಾಸಿ ತಂಡದ ಮೇಲೆ ಫಾಲೋ- ಆನ್ ಹೇರಿದ್ದಾರೆ.
ಇಂದು ದಕ್ಷಿಣ ಆಫ್ರಿಕಾ ತಂಡಕ್ಕೆ ಫಾಲೋ- ಆನ್ ಹೇರುವ ಮೂಲಕ ನಾಯಕ ವಿರಾಟ್ ಕೊಹ್ಲಿ ವಿಶೇಷ ದಾಖಲೆ ಬರೆದಿದ್ದಾರೆ. ಈ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ಮೊಹಮ್ಮದ್ ಅಜರುದ್ದೀನ್, ಎಂ.ಎಸ್.ಧೋನಿಯನ್ನು ಹಾಲಿ ನಾಯಕ ಹಿಂದಿಕ್ಕಿದ್ದಾರೆ.
ಅತಿಹೆಚ್ಚು ಫಾಲೋ-ಆನ್ ಹೇರಿದ ಭಾರತೀಯ ನಾಯಕರು:
ತವರಿನಲ್ಲಿ ಒಂದೇ ಸರಣಿಯಲ್ಲಿ ಎರಡು ಬಾರಿ ಫಾಲೋ-ಆನ್ ಹೇರಿದ ಎರಡನೇ ದೃಷ್ಟಾಂತ ಇದಾಗಿದೆ. 1993/94ರಲ್ಲಿ ಶ್ರೀಲಂಕಾ ತಂಡಕ್ಕೆ ಲಖನೌ ಹಾಗೂ ಬೆಂಗಳೂರು ಟೆಸ್ಟ್ ಪಂದ್ಯದಲ್ಲಿ ಫಾಲೋ-ಆನ್ ಹೇರಿತ್ತು.
1964/65ರಲ್ಲಿ ಕೊನೆಯದಾಗಿ ದಕ್ಷಿಣ ಆಫ್ರಿಕಾ ಒಂದೇ ಸರಣಿಯಲ್ಲಿ ಎರಡು ಬಾರಿ ಫಾಲೋ-ಆನ್ಗೆ ಒಳಗಾಗಿತ್ತು. ಸತತ ಎರಡು ಪಂದ್ಯಗಳಲ್ಲಿ ದ.ಆಫ್ರಿಕಾ ಎರಡನೇ ಬಾರಿಗೆ ಫಾಲೋ-ಆನ್ ಸುಳಿಗೆ ಸಿಲುಕಿದೆ. 2001/02ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಇಂತಹುದೇ ಪರಿಸ್ಥಿತಿ ಎದುರಾಗಿತ್ತು.