ಕರ್ನಾಟಕ ಗೆಲುವಿನ ನಾಗಾಲೋಟಕ್ಕೆ ಬ್ರೇಕ್​​​... ಮುಂಬೈ ವಿರುದ್ಧ ಸೋತ ಮನೀಷ್​​​ ಪಡೆ!

ಸಯ್ಯದ್ ಮುಶ್ತಾಕ್ ಅಲಿ ಟಿ-20 ಕ್ರಿಕೆಟ್​​ ಸರಣಿಯಲ್ಲಿ ಮುಂಬೈ ವಿರುದ್ಧ ಮನೀಷ್​ ಪಾಂಡೆ ನೇತೃತ್ವದ ಕರ್ನಾಟಕ ತಂಡ ಸೋಲು ಕಂಡಿದ್ದು, ಈ ಮೂಲಕ ಹಿನ್ನಡೆಗೆ ಒಳಗಾಗಿದೆ.

ಸೂರತ್​​:ಸಯ್ಯದ್ ಮುಶ್ತಾಕ್ ಅಲಿ ಟಿ-20 ಕ್ರಿಕೆಟ್​​ ಸರಣಿಯಲ್ಲಿ ಕರ್ನಾಟಕದ ಗೆಲುವಿನ ನಾಗಾಲೋಟಕ್ಕೆ ಬ್ರೇಕ್​ ಬಿದ್ದಿದೆ. ಮುಂಬೈ ವಿರುದ್ಧ ನಡೆದ ಪಂದ್ಯದಲ್ಲಿ ಸೋಲು ಕಾಣುವ ಮೂಲಕ ಹಿನ್ನಡೆ ಅನುಭವಿಸಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ ಕರ್ನಾಟಕ ತಂಡ ಆರಂಭದಲ್ಲೇ ಕೆ.ಎಲ್.ರಾಹುಲ್​ ವಿಕೆಟ್​ ಕಳೆದುಕೊಳ್ತು. ತಾವು ಎದುರಿಸಿದ 2ನೇ ಎಸೆತದಲ್ಲೇ ಶೂನ್ಯಕ್ಕೆ ಕೆ.ಎಲ್.ರಾಹುಲ್​ ವಿಕೆಟ್​ ಒಪ್ಪಿಸಿದರು. ಇದಾದ ಬಳಿಕ ಕ್ಯಾಪ್ಟನ್​ ಮನೀಷ್ ಪಾಂಡೆ(4), ಕರುಣ್​ ನಾಯರ್​​​(8) ರನ್​ಗಳಿಗೆ ವಿಕೆಟ್​ ಒಪ್ಪಿಸಿದ್ದರಿಂದ ತಂಡ ಕೇವಲ 19 ರನ್​ಗಳಿಗೆ ಮೂರು ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಒಳಗಾಯಿತು. ಈ ವೇಳೆ ಪಡಿಕ್ಕಲ್​​(57) ಹಾಗೂ ರೋಹನ್​ ಕದಂ(71) ತಂಡಕ್ಕೆ ಸ್ವಲ್ಪ ಮಟ್ಟದ ಚೇತರಿಕೆ ನೀಡಿ ತಂಡದ ಮೊತ್ತ 150ರ ಗಡಿ ದಾಟುವಂತೆ ಮಾಡಿದ್ರು.

ತಂಡ 20 ಓವರ್​​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು 171 ರನ್​ ಗಳಿಸಿತು. ಇದರ ಬೆನ್ನತ್ತಿದ್ದ ಮುಂಬೈ ತಂಡ ಆರಂಭದಲ್ಲಿ ಸ್ಫೋಟಕ ಪ್ರಾರಂಭ ಪಡೆದುಕೊಳ್ತು. ಪೃಥ್ವಿ ಶಾ ತಾವು ಎದುರಿಸಿದ 17 ಎಸೆತಗಳಲ್ಲಿ 30 ರನ್​ ಗಳಿಸಿದ್ರು.

12 ರನ್ ​ಗಳಿಸಿ ಆದಿತ್ಯ ತಾರೆ ಹಾಗೂ 14 ರನ್​ ಗಳಿಸಿದ್ದ ಶ್ರೇಯಸ್​ ಅಯ್ಯರ್​ ವಿಕೆಟ್​ ಕಳೆದುಕೊಂಡಾಗ ಕಣಕ್ಕಿಳಿದ ಮುಂಬೈ ತಂಡದ ನಾಯಕ ಸೂರ್ಯ ಕುಮಾರ್ ಯಾದವ್ ಸ್ಫೋಟಕ ಆಟಕ್ಕೆ ಕರ್ನಾಟಕ ಸೋಲು ಕಾಣುವಂತಾಯಿತು. 11 ಬೌಂಡರಿ, ನಾಲ್ಕು ಸಿಕ್ಸರ್​ ಸೇರಿದಂತೆ ಅಜೇಯ 94 ರನ್ ​ಗಳಿಸಿ ತಂಡ 19 ಓವರ್‌ಗಳಲ್ಲಿಯೇ ಮೂರು ವಿಕೆಟ್ ಕಳೆದುಕೊಂಡು 174 ರನ್ ​ಗುರಿ ತಲುಪಿ ಜಯಶಾಲಿಯಾಯಿತು.

ಸಂಕ್ಷಿಪ್ತ ಸ್ಕೋರ್​​: ಕರ್ನಾಟಕ 171/6(20ಓವರ್​); ರೋಹನ್​ ಕದಂ 71, ಪಡಿಕ್ಕಲ್​ 57 ( ಶಾರ್ದೂಲ್ ಠಾಕೂರ್ ​​2-29)
ಮುಂಬೈ: 174/3(19 ಓವರ್​) ಸೂರ್ಯಕುಮಾರ್​ ಯಾದವ್​​ ಅಜೇಯ 94 ರನ್​, ಪೃಥ್ವಿ ಶಾ 30(ಶ್ರೇಯಸ್ ಗೋಪಾಲ್​​ 1-19)
ಮುಂಬೈ ತಂಡಕ್ಕೆ 7 ವಿಕೆಟ್​ಗಳ ಭರ್ಜರಿ ಗೆಲುವು