ಪತ್ನಿಯ ಕೈಗೆ ತಲೆಕೊಟ್ಟ ಸುರೇಶ್‌ ರೈನಾ; ಕೊನೆಗೆ ಅವರು ಕಾಣಿಸಿದ್ದು ಹೀಗೆ..

ಲಾಕ್​ಡೌನ್​ ತಂದಿಟ್ಟಿರುವ ಸಂಕಷ್ಟಕ್ಕೆ ಇಡೀ ದೇಶವೇ ಬೆಚ್ಚಿಬಿದ್ದಿದೆ. ಸೆಲಿಬ್ರಿಟಿಗಳಿಗೂ ಇದರ ಕಾವು ಜೋರಾಗಿ ತಟ್ಟಿದ್ದು, ಪತ್ನಿಯರಿಂದ ತಲೆಕೂದಲು ತೆಗೆಸಿಕೊಳ್ತಿದ್ದಾರೆ.

ನವದೆಹಲಿ:ದೇಶದಲ್ಲಿ ಲಾಕ್​ಡೌನ್​ ಹೇರಿರುವ ಕಾರಣ ಎಲ್ಲವೂ ಬಂದ್​​ ಆಗಿದೆ. ಇಂತಹ ಸ್ಥಿತಿಯಲ್ಲಿ ತಲೆಕೂದಲು ಕತ್ತರಿಸಿಕೊಳ್ಳಲು ಇನ್ನೊಬ್ಬರ ಸಹಾಯಕ್ಕೆ ಮೊರೆ ಹೋಗಬೇಕಾದ ಅನಿವಾರ್ಯತೆ ನಿರ್ಮಾಣವಾಗಿದೆ. ಸೆಲಿಬ್ರೆಟಿಗಳಿಗೂ ಈ ಸಂಕಷ್ಟ ಬಂದಿರುವ ಕಾರಣ ಪತ್ನಿಯರ ಕೈಯಲ್ಲಿ ತಲೆಕೊಟ್ಟು ಕುಳಿತುಕೊಳ್ಳುತ್ತಿದ್ದಾರೆ.

ಕಳೆದ ಕೆಲ ದಿನಗಳ ಹಿಂದೆ ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ ತಮ್ಮ ಹೆಂಡತಿ ಅನುಷ್ಕಾ ಶರ್ಮಾ ಕೈಯಿಂದ ತಲೆಕೂದಲು ತೆಗೆಸಿಕೊಂಡಿದ್ದ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿತ್ತು. ಇದರ ಬೆನ್ನಲ್ಲೇ ಇದೀಗ ಮತ್ತೋರ್ವ ಆಟಗಾರ ಹೆಂಡತಿ ಕೈಯಿಂದ ತಲೆಕೂದಲು ತೆಗೆಸಿಕೊಂಡಿದ್ದಾರೆ.

ಸುರೇಶ್​ ರೈನಾ ಪತ್ನಿ ಪ್ರಿಯಾಂಕಾ ಟ್ರಿಮ್ಮರ್​​ ಮೂಲಕ ರೈನಾ ಕೂದಲಿಗೆ ಹೊಸ ಲುಕ್ ಕೊಟ್ಟಿದ್ದಾರೆ.