ಸಿಡ್ನಿ:ಆಸ್ಟ್ರೇಲಿಯಾ-ನ್ಯೂಜಿಲ್ಯಾಂಡ್ ತಂಡಗಳ ನಡುವೆ ಮೂರನೇ ಟೆಸ್ಟ್ ಪಂದ್ಯ ಆರಂಭಗೊಂಡಿದ್ದು, ಟಾಸ್ ಗೆದ್ದ ಕಾಂಗರೂ ಪಡೆ ಬ್ಯಾಟಿಂಗ್ ಆಯ್ದುಕೊಂಡಿದ್ದು, ಮೊದಲ ದಿನದ ಅಂತ್ಯಕ್ಕೆ ತಂಡ 3ವಿಕೆಟ್ನಷ್ಟಕ್ಕೆ 283ರನ್ಗಳಿಕೆ ಮಾಡಿದೆ. ಇದರ ಮಧ್ಯೆ ಅಪರೂಪದ ಘಟನೆವೊಂದು ನಡೆದಿದೆ.
ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಟೆಸ್ಟ್ ಪಂದ್ಯ ನಡೆಯುತ್ತಿದ್ದು, ಡೇವಿಡ್ ವಾರ್ನರ್ ವಿಕೆಟ್ ಬೀಳುತ್ತಿದ್ದಂತೆ ಮೈದಾನಕ್ಕೆ ಬಂದ ಆಸ್ಟ್ರೇಲಿಯಾದ ಮಾಜಿ ಕ್ಯಾಪ್ಟನ್ ಸ್ಟಿವ್ ಸ್ಮಿತ್ ಮೊದಲ ರನ್ಗಳಿಕೆ ಮಾಡಲು ಬರೋಬ್ಬರಿ 39 ಎಸೆತ ತೆಗೆದುಕೊಂಡಿರುವ ಘಟನೆ ನಡೆದಿದೆ.
ಬರೋಬ್ಬರಿ 6 ಓವರ್ ಎದುರಿಸಿದ್ರೂ ಸ್ಮಿತ್ ಯಾವುದೇ ರೀತಿಯ ರನ್ಗಳಿಕೆ ಮಾಡಿಲ್ಲ. ಕೊನೆಯದಾಗಿ ನೀಲ್ ವ್ಯಾಗ್ನರ್ ಓವರ್ನಲ್ಲಿ ಸಿಂಗಲ್ ರನ್ಗಳಿಕೆ ಮಾಡಿದ್ದಾರೆ. ಈ ವೇಳೆ ನ್ಯೂಜಿಲ್ಯಾಂಡ್ ತಂಡದ ಪ್ಲೇಯರ್ ವ್ಯಾಗ್ನರ್ ಅವರಿಗೆ ನಗುಮುಖದಿಂದಲೇ ಅಭಿನಂದನೆ ಸಲ್ಲಿಕೆ ಮಾಡಿದ್ದು, ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ಇನ್ನು 63ರನ್ಗಳಿಕೆ ಮಾಡಿದ್ದ ವೇಳೆ ಸ್ಮಿತ್ ಗ್ರ್ಯಾಂಡ್ಹೋಮ್ ಓವರ್ನಲ್ಲಿ ವಿಕೆಟ್ ನೀಡಿ ಪೆವಿಲಿಯನ್ ಸೇರಿಕೊಂಡಿದ್ದಾರೆ. ಇದೇ ಪಂದ್ಯದಲ್ಲಿ ಮಾರ್ನಸ್ ಲಾಬುಶೇನ್ ಅಜೇಯ 130ರನ್ಗಳಿಕೆ ಮಾಡಿ ನಾಳೆಗೆ ಬ್ಯಾಟಿಂಗ್ ಕಾಯ್ದಿರಿಸಿಕೊಂಡಿದ್ದಾರೆ.
