ಸಿಡ್ನಿ :ಭಾರತ ತಂಡದ ಉದಯೋನ್ಮುಖ ಪ್ರತಿಭೆ ಸಂಜು ಸಾಮ್ಸನ್ ಆಸ್ಟ್ರೇಲಿಯಾ ವಿರುದ್ಧದ ಕೊನೆಯ ಟಿ20 ಪಂದ್ಯದಲ್ಲಿ ಅದ್ಭುತ ಕ್ಷೇತ್ರರಕ್ಷಣೆ ಮೂಲಕ ಅಭಿಮಾನಿಗಳ ಮನಗೆದ್ದಿದ್ದಾರೆ.
ಸಿಡ್ನಿಯಲ್ಲಿ ನಡೆಯುತ್ತಿರುವ ಕೊನೆಯ ಟಿ20 ಪಂದ್ಯದ ವೇಳೆ ಮ್ಯಾಕ್ಸ್ವೆಲ್ ಶಾರ್ದುಲ್ ಠಾಕೂರ್ ಎಸೆದ 13ನೇ ಓವರ್ನ 2ನೇ ಎಸೆತದಲ್ಲಿ ದೊಡ್ಡ ಹೊಡೆತ ಪ್ರಯೋಗ ಮಾಡಿದರು. ಬೌಂಡರಿ ಲೈನ್ನಲ್ಲಿದ್ದ ಸಂಜು ಸಾಮ್ಸನ್ ಬೌಂಡರಿ ಗೆರೆ ದಾಟದಂತೆ ನೆಗೆದು ಚೆಂಡನ್ನು ಹಿಡಿದು ಮೈದಾನಕ್ಕೆ ಎಸೆದರು. ಈ ಮೂಲಕ 6 ರನ್ಗಳ ಬದಲಿಗೆ 2 ರನ್ ನೀಡಿ 4 ರನ್ ಉಳಿಸಿದರು.
ಈ ಹಿಂದೆ ಐಪಿಎಲ್ನಲ್ಲಿ ಮತ್ತು ಇದೇ ವರ್ಷದ ಆರಂಭದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧದ ಪಂದ್ಯದಲ್ಲೂ ಇದೇ ರೀತಿಯ ಕ್ಷೇತ್ರರಕ್ಷಣೆ ಮಾಡಿ ಸಿಕ್ಸರ್ ತಡೆಯುವ ಮೂಲಕ ಅಭಿಮಾನಿಗಳ ಮನಗೆದ್ದಿದ್ದರು.
ಕೊಹ್ಲಿ ಬಾರಿಸಿದ ಸಿಕ್ಸರ್ ತಡೆದ ಸ್ಮಿತ್ :ಮೊದಲ ಇನ್ನಿಂಗ್ಸ್ನಲ್ಲಿ ಸಂಜು ಸಾಮ್ಸನ್ ತಡೆದ ಮಾದರಿಯಲ್ಲೇ ಸ್ಟೀವ್ ಸ್ಮಿತ್ ಕೂಡ ಅದ್ಭುತ ಫೀಲ್ಡಿಂಗ್ ಮೂಲಕ ತಂಡಕ್ಕೆ ಅಮೂಲ್ಯವಾದ 4 ರನ್ ಉಳಿಸಿದ್ದರು.
12.4 ನೇ ಓವರ್ನಲ್ಲಿ ಕೊಹ್ಲಿ ಸ್ಟ್ರೈಟ್ ಗ್ರೌಂಡ್ ಮೇಲೆ ಬಾರಿಸಿದ ಚೆಂಡನ್ನು ಬೌಂಡರಿ ಲೈನಲ್ನಲ್ಲಿ ನಿಂತಿದ್ದ ಸ್ಮಿತ್ ನೆಗೆದು ಹಿಡಿದು ಮೈದಾನಕ್ಕೆ ಎಸೆದು ಬೌಂಡರಿ ಒಳಗೆ ಬಿದ್ದರು. ಮತ್ತೊಬ್ಬ ಫೀಲ್ಡರ್ ಚೆಂಡನ್ನು ವಿಕೆಟ್ ಕೀಪರ್‌ಗೆ ಎಸೆದು ತಂಡಕ್ಕೆ 4 ರನ್ ಉಳಿಸಿದರು.
