ಕೊಹ್ಲಿಗಿಂತ ಈ ಮೂವರು ಬೆಸ್ಟ್​ ಎಂದ ಲಂಕನ್​ ಪತ್ರಕರ್ತನಿಗೆ ಆಂಗ್ಲ ಮಾಜಿ ಕ್ರಿಕೆಟಿಗ ತರಾಟೆ

ಶ್ರೀಲಂಕಾದ ಜರ್ನಲಿಸ್ಟ್​ ಡೇನಿಯಲ್​ ಅಲೆಕ್ಸಾಂಡರ್ ಎಂಬುವರು ಭಾರತ ತಂಡ ನ್ಯೂಜಿಲ್ಯಾಂಡ್​ ವಿರುದ್ಧ ಮೊದಲ ಟೆಸ್ಟ್​ ಸೋಲುತ್ತಿದ್ದಂತೆ ಕೊಹ್ಲಿ ಕಾಲೆಳೆಯಲು ಯತ್ನಿಸಿ ಭಾರತೀಯ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಅಲ್ಲದೆ, ಇಂಗ್ಲೆಂಡ್​ ಮಾಜಿ ಕ್ರಿಕೆಟಿಗ ಅಲೆಕ್ಸ್​ ಟ್ಯುಡೋರ್, ಶ್ರೀಲಂಕಾ ಪತ್ರಕರ್ತನಿಗೆ ತಿರುಗೇಟು ನೀಡಿದ್ದಾರೆ.

ಮುಂಬೈ:ವಿಶ್ವದ ಏಕದಿನ​ ಹಾಗೂ ಟೆಸ್ಟ್ ಕ್ರಿಕೆಟ್​ ಶ್ರೇಯಾಂಕದಲ್ಲಿ ಅಗ್ರಸ್ಥಾನದಲ್ಲಿರುವ ಭಾರತ ತಂಡದ ನಾಯಕ ವಿರಾಟ್​ ಕೊಹ್ಲಿಯನ್ನು 3 ಮಾದರಿಯಲ್ಲಿನ ಶ್ರೇಷ್ಠ ಕ್ರಿಕೆಟಿಗ ಎಂಬುದು ಕೇವಲ ಅತಿಶಯೋಕ್ತಿ ಎಂದ ಶ್ರೀಲಂಕಾ ಪತ್ರಕರ್ತನಿಗೆ ಇಂಗ್ಲೆಂಡ್​ ಮಾಜಿ ಕ್ರಿಕೆಟಿಗ ಅಲೆಕ್ಸ್​ ಟ್ಯುಡೋರ್​​ ತಿರುಗೇಟು ನೀಡಿದ್ದಾರೆ.

ಶ್ರೀಲಂಕಾದ ಜರ್ನಲಿಸ್ಟ್​ ಡೇನಿಯಲ್​ ಅಲೆಕ್ಸಾಂಡರ್ ಎಂಬುವರು ಭಾರತ ತಂಡ ನ್ಯೂಜಿಲ್ಯಾಂಡ್​ ವಿರುದ್ಧ ಮೊದಲ ಟೆಸ್ಟ್​ ಸೋಲುತ್ತಿದ್ದಂತೆ ಕೊಹ್ಲಿ ಕಾಲೆಳೆಯಲು ಯತ್ನಿಸಿ ಭಾರತೀಯ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

'ವಿರಾಟ್​ ಕೊಹ್ಲಿ ಸದ್ಯ ಕಿವೀಸ್​ ಸರಣಿಯಲ್ಲಿ ಎಲ್ಲಾ ಮೂರು ಮಾದರಿ ಕ್ರಿಕೆಟ್​ ಪಂದ್ಯಗಳಿಂದ 19, 2,9,15, 51,11, 38,11,45 ರನ್​ಗಳಿಸಿದ್ದಾರೆ. ಒಟ್ಟಾರೆ 9 ಇನ್ನಿಂಗ್ಸ್​ಗಳಲ್ಲಿ ಒಂದು ಅರ್ಧಶತಕದ ನೆರವಿನಿಂದ 201 ರನ್​ ಗಳಿಸಿದ್ದಾರೆ' ಎಂದು ಬರೆದಿದ್ದಾರೆ.

ಬಾಬರ್​ ಅಜಮ್​, ಕೇನ್​ ವಿಲಿಯಮ್ಸನ್, ಸ್ಟಿವ್​ ಸ್ಮಿತ್​

ಜೊತೆಗೆ ಸ್ಟಿವ್​ ಸ್ಮಿತ್​, ಬಾಬರ್​ ಅಜಮ್​ ಮತ್ತು ಕೇನ್​ ವಿಲಿಯಮ್ಸನ್​ ಎಲ್ಲಾ ಮಾದರಿಯ ಕ್ರಿಕೆಟರ್​ಗಳು. ಅವರು ಎಲ್ಲಾ ಮಾದರಿಯ ಕ್ರಿಕೆಟ್​ನಲ್ಲಿ ಎಲ್ಲಿ ಬೇಕಾದರೂ ಆಡಬಲ್ಲರು. ಆದರೆ ಕೊಹ್ಲಿ ಹೆಸರು ಕೇವಲ ಉತ್ಪ್ರೇಕ್ಷೆ ಎಂದು ಟ್ವೀಟ್​ ಮಾಡಿದ್ದಾರೆ.

ಈ ಟ್ವೀಟ್​ ಮಾಡುತ್ತಿದ್ದಂತೆ ಇಂಗ್ಲೆಂಡ್​ ಮಾಜಿ ಕ್ರಿಕೆಟಿಗ ಅಲೆಕ್ಸ್​ ಟ್ಯುಡೋರ್​ ಪ್ರತಿಕ್ರಿಯೆ ನೀಡಿದ್ದು, 'ಕೇವಲ ಜನರು ನಿಮ್ಮ ಟೈಮ್​ಲೈನ್​ ಗಮನಿಸುವುದನ್ನು ಎದುರು ನೋಡುತ್ತಿದ್ದೀರಾ. ಕೇವಲ ಒಂದು ಪ್ರವಾಸದಲ್ಲಿ ವಿಫಲನಾದರೆ ಕೆಲವು ಜನರು ಒಬ್ಬ ಅತ್ಯುತ್ತಮ ಆಟಗಾರನ ಬಗ್ಗೆ ಮಾತನಾಡಲು ಬರುತ್ತಾರೆ' ಎಂದು ತಿರುಗೇಟು ನೀಡಿದ್ದಾರೆ.

ಇನ್ನು ಭಾರತೀಯ ಅಭಿಮಾನಿಗಳಂತೂ ಕೊಹ್ಲಿ ಈ ಹಿಂದಿನ ಸರಣಿಗಳ ಅಂಕಿ ಅಂಶಗಳನ್ನು ಬರೆದು ಅಲೆಕ್ಸಾಂಡರ್​ಗೆ ತಿರುಗೇಟು ನೀಡಿದ್ದಾರೆ.