ಸ್ಪೇನಿನ ಲಾ ಲಿಗಾ ಫುಟ್‌ಬಾಲ್​ ಲೀಗ್​ಗೆ ರೋಹಿತ್​ ಶರ್ಮಾ ಬ್ರ್ಯಾಂಡ್​ ಅಂಬಾಸಿಡರ್​

ನಿನ್ನೆಯಷ್ಟೇ ತನ್ನ ಅದ್ಭುತ ಬ್ಯಾಟಿಂಗ್​ ನೆರವಿನಿಂದ ಭಾರತಕ್ಕೆ ಟಿ20 ಸರಣಿ ಗೆದ್ದುಕೊಡುವಲ್ಲಿ ಪ್ರಮುಖ ಪಾತ್ರ ನಿಭಾಯಿಸಿದ್ದ ರೋಹಿತ್ ಶರ್ಮಾ​ ಇಂದು ಪ್ರತಿಷ್ಠಿತ ಫುಟ್‌ಬಾಲ್‌ ಲೀಗ್‌ನ ರಾಯಭಾರಿಯಾಗಿ ನೇಮಕಗೊಳ್ಳುವ ಮೂಲಕ ವಿಶ್ವದಲ್ಲೇ ಈ ಶ್ರೇಯಕ್ಕೆ ಪಾತ್ರನಾದ ಮೊದಲ ಕ್ರಿಕೆಟಿಗ ಹಾಗೂ ಫುಟ್ಬಾಲೇತರ ಕ್ರೀಡಾಪಟು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ.

ಮುಂಬೈ: ಟೀಮ್​ ಇಂಡಿಯಾದ ಸ್ಫೋಟಕ ದಾಂಡಿಗ ರೋಹಿತ್‌ ಶರ್ಮಾ ಸ್ಪೇನ್​ನಲ್ಲಿ ನಡೆಯುವ ಪ್ರತಿಷ್ಠಿತ ಲಾ ಲಿಗಾ ಫುಟ್‌ಬಾಲ್‌ ಲೀಗ್​ಗೆ ಭಾರತದಲ್ಲಿ ರಾಯಭಾರಿಯಾಗಿ ನೇಮಕವಾಗುವ ಮೂಲಕ ಕ್ರಿಕೆಟ್​ ಮಾತ್ರವಲ್ಲ ಫುಟ್ಬಾಲ್​ ಲೋಕದಲ್ಲೂ ಹೊಸ ಹೆಜ್ಜೆಯನ್ನಿಟ್ಟಿದ್ದಾರೆ.

ಲಾ ಲಿಗಾ ಜೊತೆ ಒಪ್ಪಂದ ಮಾಡಿಕೊಂಡಿರುವುದು ನನಗೆ ಅತೀವ ಖುಷಿ ನೀಡಿದೆ. ಲಾಲಿಗಾದಂತಹ ಸುಂದರ ಲೀಗ್​ನಲ್ಲಿ ಹೊಸ ಪಯಣ ಆರಂಭಿಸಿದ್ದೇನೆ. ಭಾರತದಲ್ಲಿ ಫುಟ್ಬಾಲ್​ಗೆ ಅಭಿಮಾನಿಗಳನ್ನು ಸೇರಿಸುವುದರತ್ತ ನನ್ನ ಗಮನ ಕೇಂದ್ರಿಕರಿಸಿದ್ದೇನೆ ಎಂದು ರೋಹಿತ್​ ತಿಳಿಸಿದ್ದಾರೆ. ಫುಟ್ಬಾಲ್​ ಭಾರತದಲ್ಲಿ ಇತ್ತೀಚೆಗೆ ಬೆಳೆಯುತ್ತಿರುವ ಕ್ರೀಡೆ. ದೇಶದಲ್ಲಿ ಕಳೆದ ಐದು ವರ್ಷಗಳಲ್ಲಿ ಫುಟ್‌ಬಾಲ್‌ ಬೆಳವಣಿಗೆ ಗಮನಾರ್ಹವಾಗಿದೆ. ಇದಕ್ಕೆ ಅಭಿಮಾನಿಗಳು ಸೇರಿದಂತೆ ಅದರೊಂದಿಗೆ ಸಂಬಂಧ ಹೊಂದಿರುವ ಎಲ್ಲರಿಗೂ ಈ ಕ್ರೆಡಿಟ್ ಸಲ್ಲುತ್ತದೆ ಎಂದು ರೋಹಿತ್ ಸಂತಸ ವ್ಯಕ್ತಪಡಿಸಿದ್ರು.

ಜಾಗತಿಕ ಮಾರುಕಟ್ಟೆಯಲ್ಲಿ ಲಾ ಲೀಗಾಗೆ ಭಾರತ ಉತ್ತಮ ಮಾರುಕಟ್ಟೆಯಾಗಿದೆ. ನಾವು ಇದಕ್ಕಾಗಿಯೇ ಎರಡು ವರ್ಷದ ಹಿಂದೆ ಇಲ್ಲಿ ಲಾ ಲೀಗಾದ ಒಂದು ಕಛೇರಿಯನ್ನು ಆರಂಭಿಸಿದ್ದೆವು. ಇಲ್ಲಿ ಪುಟ್ಬಾಲ್​ಗೆ ಬಹುಳ ಪ್ರಾಮುಖ್ಯತೆ ಇದೆ ಎಂದು ತಿಳಿದಿದೆ ಎಂದು ಲಾ ಲೀಗಾ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಜೋಸ್ ಆಂಟೋನಿಯೊ ಕಚಾಜಾ ಹೇಳಿದರು.

ಇನ್ನು ರೋಹಿತ್​ ಶರ್ಮಾ ಭಾರತದ ಮಂಚೂಣಿ ಕ್ರಿಕೆಟಿಗ ಅಲ್ಲದ ಅವರು ಫುಟ್ಬಾಲ್​ ಹಾಗೂ ಲಾ ಲೀಗಾದ ಅಭಿಮಾನಿಯಾಗಿರುವುದರಿಂದ ಭಾರತದಲ್ಲಿ ಲಾ ಲೀಗಾಗೆ ಹೆಚ್ಚಿನ ಮನ್ನಣೆ ಸಿಗಲಿದೆ ಎಂದು ಭಾವಿಸಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.