2021ರ ಐಪಿಎಲ್​ನಿಂದ ಹಿಂದೆ ಸರಿದ ಡೇಲ್​ ಸ್ಟೈನ್: ನಿವೃತ್ತಿ ಬಗ್ಗೆ ಸ್ಪಷ್ಟನೆ

ಟೆಸ್ಟ್​ ಕ್ರಿಕೆಟ್ ತಂಡಕ್ಕೆ ನಿವೃತ್ತಿ ಘೋಷಿಸಿರುವ ದಕ್ಷಿಣ ಆಫ್ರಿಕಾದ ವೇಗಿ 439 ವಿಕೆಟ್​ ಪಡೆಯುವ ಮೂಲಕ ದೀರ್ಘ ಮಾದರಿಯ ಕ್ರಿಕೆಟ್​ನಲ್ಲಿ ಆಫ್ರಿಕನ್ನರ ಪರ ಗರಿಷ್ಠ ವಿಕೆಟ್ ಪಡೆದ ಬೌಲರ್​ ಆಗಿದ್ದಾರೆ. ಅಲ್ಲದೆ ಐಸಿಸಿ ಘೋಷಿಸಿದ ದಶಕದ ಟೆಸ್ಟ್​ ತಂಡದಲ್ಲಿ ಅವಕಾಶ ಪಡೆದಿದ್ದರು.

ಕೇಪ್ ಟೌನ್​:ಇಂಡಿಯನ್ ಪ್ರೀಮಿಯರ್​ ಲೀಗ್​ನಲ್ಲಿ ಆರ್​ಸಿಬಿ ಪರ ಆಡುವ ದಕ್ಷಿಣ ಆಫ್ರಿಕಾದ ವೇಗದ ಬೌಲರ್​ ಡೇಲ್ ಸ್ಟೈನ್, 14ನೇ ಆವೃತ್ತಿಯ ಐಪಿಎಲ್​ನಲ್ಲಿ ಆಡದಿರಲು ನಿರ್ಧರಿಸುವುದಾಗಿ ಶನಿವಾರ ತಿಳಿಸಿದ್ದಾರೆ.

ಕೇವಲ 2021ರ ಐಪಿಎಲ್​ನಿಂದ ಮಾತ್ರ ಹೊರ ಹೋಗುತ್ತಿದ್ದೇನೆ. ಆದರೆ ಈ ನಿರ್ಧಾರವನ್ನು ಆರ್​ಸಿಬಿ ಅಥವಾ ಕ್ರಿಕೆಟ್ ತ್ಯಜಿಸುತ್ತಿದ್ದೇನೆ ಎಂದು ತಿಳಿದುಕೊಳ್ಳುವ ಅಗತ್ಯವಿಲ್ಲ ಎಂದು ಟ್ವೀಟ್​ ಮೂಲಕ ಸ್ಪಷ್ಟಪಡಿಸಿದ್ದಾರೆ.

ಡೇಲ್​ ಸ್ಟೈನ್​

"ಈ ವರ್ಷದ ಐಪಿಎಲ್‌ನಲ್ಲಿ ನಾನು ಆರ್‌ಸಿಬಿ ತಂಡಕ್ಕೆ ಲಭ್ಯನಾಗುವುದಿಲ್ಲ ಎಂದು ಎಲ್ಲರಿಗೂ ತಿಳಿಸಲು ಇದೊಂದು ಚಿಕ್ಕ ಸಂದೇಶ. ಆದರೆ ನಾನು ಮತ್ತೊಂದು ತಂಡಕ್ಕಾಗಿ ಆಡುವ ಯೋಜನೆಯನ್ನು ಹೊಂದಿಲ್ಲ, ಆ ಟೂರ್ನಿ ನಡೆಯುವ ಸಂದರ್ಭದಲ್ಲಿ ವಿಶ್ರಾಂತಿ ಬಯಸಿದ್ದೇನೆ. ನನ್ನನ್ನು ಅರ್ಥಮಾಡಿಕೊಂಡಿದ್ದಕ್ಕಾಗಿ ಆರ್‌ಸಿಬಿಗೆ ಧನ್ಯವಾದಗಳು. ಆದರೆ ನಾನು ನಿವೃತ್ತನಾಗಿಲ್ಲ" ಎಂದು ಅವರು ತಿಳಿಸಿದ್ದಾರೆ.

ಟೆಸ್ಟ್​ ಕ್ರಿಕೆಟ್ ತಂಡಕ್ಕೆ ನಿವೃತ್ತಿ ಘೋಷಿಸಿರುವ ದಕ್ಷಿಣ ಆಫ್ರಿಕಾದ ವೇಗಿ, 439 ವಿಕೆಟ್​ ಪಡೆಯುವ ಮೂಲಕ ದೀರ್ಘ ಮಾದರಿಯ ಕ್ರಿಕೆಟ್​ನಲ್ಲಿ ಆಫ್ರಿಕನ್ನರ ಪರ ಗರಿಷ್ಠ ವಿಕೆಟ್ ಪಡೆದ ಬೌಲರ್​ ಆಗಿದ್ದಾರೆ. ಅಲ್ಲದೆ ಐಸಿಸಿ ಘೋಷಿಸಿದ ದಶಕದ ಟೆಸ್ಟ್​ ತಂಡದಲ್ಲಿ ಅವಕಾಶ ಪಡೆದಿದ್ದರು.

37 ವರ್ಷದ ಈ ವೇಗಿ ಐಪಿಎಲ್​ನಲ್ಲಿ 95 ಪಂದ್ಯಗಳಿಂದ 97 ವಿಕೆಟ್ ಪಡೆದಿದ್ದಾರೆ. 13ನೇ ಆವೃತ್ತಿಯ ಐಪಿಎಲ್​ನಲ್ಲಿ ಕೇವಲ 3 ಪಂದ್ಯಗಳನ್ನಾಡಿದರೂ ಒಂದೇ ಒಂದು ವಿಕೆಟ್​ ಪಡೆದಿದ್ದರು. ಆರ್​ಸಿಬಿ 13ನೇ ಆವೃತ್ತಿಯಲ್ಲಿ 4ನೇ ಸ್ಥಾನಿಯಾಗಿ ಲೀಗ್​ ಮುಗಿಸಿತ್ತು.

ಓದಿ: ಪಾಕ್‌ ಕ್ರಿಕೆಟಿಗರು ಸುಳ್ಳು ವಯಸ್ಸು ಹೇಳುತ್ತಿರುವುದು ಆಸಿಫ್‌ ಹೇಳಿಕೆಯಿಂದ ಬಹಿರಂಗ!