ಮುಂಬೈ:ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಸೌರವ್ ಗಂಗೂಲಿ ಸತತ ಎರಡನೇ ಬಾರಿಗೆ ಬೆಂಗಾಲ್ ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷರಾಗಿಯೂ ಹಾಗೂ ಮೊಹಮ್ಮದ್ ಅಜರುದ್ದೀನ್ ಹೈದರಾಬಾದ್ ಕ್ರಿಕೆಟ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.
ಬೆಂಗಾಲ್ ಕ್ರಿಕೆಟ್ ಅಸೋಸಿಯೇಷನ್ 5 ಜನರ ಸದಸ್ಯರ ಪ್ಯಾನಲ್ಗೆ ಗಂಗೂಲಿ ತಂಡದ ವಿರುದ್ಧ ಯಾರು ಅರ್ಜಿ ಸಲ್ಲಿಸದ ಹಿನ್ನೆಲೆ ಗಂಗೂಲಿ ಹಾಗೂ ಅವರ ನೇತೃತ್ವದ 5 ಸದಸ್ಯರ ತಂಡವೇ ಎರಡನೇ ಬಾರಿಗೂ ಸಿಎಬಿ ಪ್ಯಾನಲ್ನಲ್ಲಿರಲಿದ್ದಾರೆ.
ಸೌರವ್ ಗಂಗೂಲಿ ಅಧ್ಯಕ್ಷರಾದರೆ, ನರೇಶ್ ಓಜಾ ಉಪಾಧ್ಯಕ್ಷ, ಕಾರ್ಯದರ್ಶಿಯಾಗಿ ಅಭಿಷೇಕ್ ದಾಲ್ಮಿಯ, ಜಂಟಿ ಕಾರ್ಯದರ್ಶಿಯಾಗಿ ಡೆಬಬ್ರತಾ ದಾಸ್, ಖಜಾಂಚಿಯಾಗಿ ದೆಬಾಸಿಶ್ ಗಂಗೂಲಿ ಆಯ್ಕೆಯಾಗಿದ್ದಾರೆ.
ಅಜರುದ್ದೀನ್ಗೆ ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷಗಿರಿ
ಭಾರತ ತಂಡದ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್ ಅವರು ಹೆಚ್ಸಿಎ ಚುನಾವಣೆಯಲ್ಲಿ 143-73 ಅಂತರದಲ್ಲಿ ಗೆದ್ದು ಹೈದರಾಬಾದ್ ಕ್ರಿಕೆಟ್ ಅಸೋಸಿಯೇಷನ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.