ನವದೆಹಲಿ: ಪಾಕಿಸ್ತಾನದ ಹಿರಿಯ ಕ್ರಿಕೆಟಿಗ ಶೋಯಬ್ ಮಲಿಕ್ ಟಿ - 20 ಕ್ರಿಕೆಟ್ನಲ್ಲಿ 10 ಸಾವಿರ ರನ್ ಪೂರೈಸಿದ್ದಾರೆ. ಈ ಮೂಲಕ ವೆಸ್ಟ್ ಇಂಡೀಸ್ ತಂಡದ ಕ್ರಿಸ್ ಗೇಲ್ ಹಾಗೂ ಪೊಲಾರ್ಡ್ ನಂತರ ಈ ಸಾಧನೆ ಮಾಡಿದ ಬ್ಯಾಟ್ಸ್ಮನ್ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.
ಪಾಕಿಸ್ತಾನ ನ್ಯಾಷನಲ್ ಟಿ-20 ಲೀಗ್ನಲ್ಲಿ ಖೈಬರ್ ಪಖ್ತುನ್ಖ್ವಾ ತಂಡದ ಪರವಾಗಿ ಆಡಿದ ಮಲಿಕ್ ಬಲೂಚಿಸ್ತಾನ್ ವಿರುದ್ಧ 44 ಎಸೆತಗಳಲ್ಲಿ 74 ರನ್ ಸಿಡಿಸುವ ಮೂಲಕ ಈ ಮೈಲಿಗಲ್ಲು ತಲುಪಿದರು.
10 ಸಾವಿರ ರನ್ ಸಿಡಿಸಿದ ಏಷ್ಯಾದ ಮೊದಲ ಬ್ಯಾಟ್ಸ್ಮನ್ ಎನಿಸಿಕೊಂಡಿರುವ ಮಲಿಕ್ ಟಿ-20 ಕ್ರಿಕೆಟ್ನಲ್ಲಿ 395 ಪಂದ್ಯವನ್ನಾಡಿದ್ದು, 37.41ರ ಸರಾಸರಿ ಹಾಗೂ 125.71 ರ ಸ್ಟ್ರೈಕ್ರೇಟ್ನಲ್ಲಿ 10,027 ರನ್ಗಳಿಸಿದ್ದಾರೆ. ಇವರು ಒಂದು ಶತಕ ಹಾಗೂ 62 ಅರ್ಧಶತಕ ದಾಖಲಿಸಿದ್ದಾರೆ.
ವೆಸ್ಟ್ ಇಂಡೀಸ್ನ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಗೇಲ್ ಟಿ-20 ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ಗಳಿಸಿರುವ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ. ಅವರು 404 ಪಂದ್ಯಗಳಿಂದ 22 ಶತಕ ಹಾಗೂ 105 ಅರ್ಧ ಶತಕಗಳ ಸಹಿತ 13,296 ರನ್ಗಳಿಸಿದ್ದಾರೆ. ಪೊಲಾರ್ಡ್ ನಂತರದ ಸ್ಥಾನದಲ್ಲಿದ್ದು, 518 ಪಂದ್ಯಗಳಿಂದ 10,370 ರನ್ಗಳಿಸಿದ್ದಾರೆ.
