25 ವರ್ಷದ ಈ ಆಟಗಾರ ನನಗೆ ಪೋಲಾರ್ಡ್​ರನ್ನು ನೆನಪಿಸುತ್ತಿದ್ದಾರೆ : ಅನಿಲ್ ಕುಂಬ್ಳೆ

ಶಾರುಖ್​ ಖಾನ್​ರನ್ನು ಪ್ರೀತಿ ಜಿಂಟಾ ಒಡೆತನದ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ ಸಿಎಸ್​ಕೆ ಮತ್ತು ಡೆಲ್ಲಿ ತಂಡಕ್ಕೆ ಪೈಪೋಟಿ ನೀಡಿ 5.25 ಕೋಟಿ ರೂ. ಗಳಿಗೆ ಖರೀದಿಸಿದೆ..

ಮುಂಬೈ :ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ಸೇರಿರುವ ತಮಿಳುನಾಡಿನ ಬ್ಯಾಟ್ಸ್​ಮನ್ ಶಾರುಖ್​ ಖಾನ್​ ತಂಡದ ಕ್ರಿಕೆಟ್ ಕಾರ್ಯಾಚರಣೆಗಳ ನಿರ್ದೇಶಕನಾಗಿರುವ ಅನಿಲ್​ ಕುಂಬ್ಳೆಯವರಿಂದ ಮೆಚ್ಚುಗೆ ಪಡೆದಿದ್ದಾರೆ.

ಮೊದಲ ಆವೃತ್ತಿಯನ್ನಾಡಲಿರುವ ಶಾರುಖ್​ ತಮಗೆ ಮುಂಬೈ ಇಂಡಿಯನ್ಸ್​ ಆಲ್​ರೌಂಡರ್​ ಕೀರನ್ ಪೊಲಾರ್ಡ್‌ರನ್ನು ನೆನಪಿಸುತ್ತಾರೆ ಎಂದು ಭಾರತದ ಮಾಜಿ ಸ್ಪಿನ್​ ದಿಗ್ಗಜ ಕುಂಬ್ಳೆ 25 ವರ್ಷದ ಆಟಗಾರನನ್ನು ಗುಣಗಾನ ಮಾಡಿದ್ದಾರೆ. ನೆಟ್ಸ್​ನಲ್ಲಿ ಶಾರುಖ್​ಗೆ ಬೌಲಿಂಗ್ ಮಾಡುವಾಗ ಆತನ ಕೌಶಲ್ಯ ಪೋಲಾರ್ಡ್​ರನ್ನು ನೆನಪಿಸಿದೆ ಎಂದು ಕನ್ನಡಿಗ ಹೇಳಿಕೊಂಡಿದ್ದಾರೆ.

ಬ್ಯಾಟಿಂಗ್ ಕೋಚ್ ವಾಸೀಮ್ ಜಾಫರ್ ಜೊತೆ ಶಾರುಖ್ ಖಾನ್

"ಆತ ನನಗೆ ಸ್ವಲ್ಪ ಪೋಲಾರ್ಡ್​ರನ್ನು ನೆನಪಿಸುತ್ತಾನೆ. ನಾನು ಮುಂಬೈ ಇಂಡಿಯನ್ಸ್​ನಲ್ಲಿದ್ದಾಗ ಪೋಲಾರ್ಡ್​ ನೆಟ್ಸ್​ನಲ್ಲಿ ತುಂಬಾ ಅಪಾಯಕಾರಿಯಾಗಿರುತ್ತಿದ್ದುದನ್ನು ನೋಡಿದ್ದೇನೆ. ಅದಕ್ಕಾಗಿ ನಾನು ಅವರಿಗೆ ನೆಟ್ಸ್​ನಲ್ಲಿ ಬೌಲಿಂಗ್ ಮಾಡುವ ವೇಳೆ, ನೇರವಾಗಿ ಹೊಡೆಯಬೇಡಿ ಎಂದು ಅವರಿಗೆ ಮೊದಲೇ ತಿಳಿಸುತ್ತಿದ್ದೆ.

ಆದರೆ, ಇಲ್ಲಿ (ಶಾರುಖ್​ಗೆ) ನಾನು ಬೌಲಿಂಗ್​ ಮಾಡಲು ಪ್ರಯತ್ನಿಸುತ್ತಿಲ್ಲ. ಯಾಕೆಂದರೆ, ನನಗೆ ವಯಸ್ಸಾಗಿದೆ. ನನ್ನ ದೇಹ ಬೌಲಿಂಗ್ ಮಾಡಲು ಸಹಕರಿಸುವುದಿಲ್ಲ. ಹಾಗಾಗಿ, ಶಾರುಖ್‌ಗೆ ನಾನು ಇಲ್ಲಿ ಬೌಲಿಂಗ್ ಖಂಡಿತ ಮಾಡಲು ಹೋಗುವುದಿಲ್ಲ ಎಂದು ಕುಂಬ್ಳೆ ತಿಳಿಸಿದ್ದಾರೆ.

ಶಾರುಖ್​ ಖಾನ್​ರನ್ನು ಪ್ರೀತಿ ಜಿಂಟಾ ಒಡೆತನದ ಪಂಜಾಬ್ ಕಿಂಗ್ಸ್ ಫ್ರಾಂಚೈಸಿ ಸಿಎಸ್​ಕೆ ಮತ್ತು ಡೆಲ್ಲಿ ತಂಡಕ್ಕೆ ಪೈಪೋಟಿ ನೀಡಿ 5.25 ಕೋಟಿ ರೂ. ಗಳಿಗೆ ಖರೀದಿಸಿದೆ.

ಇದನ್ನು ಓದಿ:ಕಳೆದ ಐಪಿಎಲ್ ಪರಿಸ್ಥಿತಿ ಬೇರೆ, ಈ ಬಾರಿ ನಾವೆಲ್ಲರೂ ಆಕ್ರಮಣಕಾರಿ ರಾಹುಲ್ ನೋಡಲಿದ್ದೇವೆ: ಜಾಫರ್​