ಮ್ಯಾಚ್​ ಫಿಕ್ಸಿಂಗ್​: ಅಫ್ಘಾನಿಸ್ತಾನ ಸ್ಟಾರ್​ ಪ್ಲೇಯರ್​ಗೆ​ 6 ವರ್ಷ ನಿಷೇಧ

2018ರ ಅಫ್ಘಾನಿಸ್ತಾನ ಪ್ರೀಮಿಯರ್ ಲೀಗ್ ಟಿ-20ಯ ಉದ್ಘಾಟನಾ ಆವೃತ್ತಿ ಮತ್ತು 2019 ರ ಬಿಪಿಎಲ್ ಆವೃತ್ತಿಯ ಸಂದರ್ಭದಲ್ಲಿ ಶಫೀಕ್​ ಎಸಿಬಿ ಭ್ರಷ್ಟಾಚಾರ ನಿಗ್ರಹದ ನೀತಿ ಸಂಹಿತೆಯನ್ನು ಉಲ್ಲಂಘನೆ ಮಾಡಿದ್ದರು. ತಮ್ಮ ಮೇಲಿದ್ದ ನಾಲ್ಕು ಅರೋಪಗಳನ್ನು ಅವರೇ ಒಪ್ಪಿಕೊಂಡ ಮೇಲೆ ಎಸಿಬಿ, ಅವರಿಗೆ 6 ವರ್ಷಗಳ ಕಾಲ ಎಲ್ಲ ಮಾದರಿಯ ಕ್ರಿಕೆಟ್​ನಿಂದ ನಿಷೇಧ ಹೇರಿದೆ.

ನವದೆಹಲಿ: ಅಫ್ಘಾನಿಸ್ತಾನ ತಂಡದ ಸ್ಫೋಟಕ ಬ್ಯಾಟ್ಸ್​ಮನ್​ ಹಾಗೂ ವಿಕೆಟ್​ ಕೀಪರ್​ ಶಫೀಕುಲ್ಲಾ ಶಫೀಕ್ ಎಸಿಬಿ ಭ್ರಷ್ಟಾಚಾರ ನಿಗ್ರಹ ಸಂಹಿತೆ ಉಲ್ಲಂಘನೆ ಮಾಡಿದ ಆರೋಪದ ಹಿನ್ನೆಲೆ 6 ವರ್ಷ ಕ್ರಿಕೆಟ್​ನಿಂದ ನಿಷೇಧಕ್ಕೊಳಗಾಗಿದ್ದಾರೆ.

2018ರ ಅಫ್ಘಾನಿಸ್ತಾನ ಪ್ರೀಮಿಯರ್ ಲೀಗ್ ಟಿ-20ಯ ಉದ್ಘಾಟನಾ ಆವೃತ್ತಿ ಮತ್ತು 2019 ರ ಬಿಪಿಎಲ್ ಆವೃತ್ತಿಯ ಸಂದರ್ಭದಲ್ಲಿ ಶಫೀಕ್​ ಎಸಿಬಿ ಭ್ರಷ್ಟಾಚಾರ ನಿಗ್ರಹದ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ್ದರು. ತಮ್ಮ ಮೇಲಿದ್ದ ನಾಲ್ಕು ಅರೋಪಗಳನ್ನು ಅವರೇ ಒಪ್ಪಿಕೊಂಡ ಮೇಲೆ ಎಸಿಬಿ ಅವರಿಗೆ 6 ವರ್ಷಗಳ ಕಾಲ ಎಲ್ಲ ಮಾದರಿ ಕ್ರಿಕೆಟ್​ನಿಂದ ನಿಷೇಧ ಹೇರಿದೆ.

ಶಫೀಕುಲ್ಲಾ ಮ್ಯಾಚ್​ ಫಿಕ್ಸಿಂಗ್​ನಲ್ಲಿ ಭಾಗಿಯಾಗಿರುವ ಮೂಲಕ ಎಸಿಬಿಯ 2.1.1 ನಿಯಮ ಉಲ್ಲಂಘನೆ, ಫಿಕ್ಸ್​ ಮಾಡಿಕೊಂಡು ಅದರಿಂದ ಹಣ ಪಡೆಯುವ ಮೂಲಕ 2.1.3 ನಿಯಮ ಉಲ್ಲಂಘನೆ ಹಾಗೂ ಭ್ರಷ್ಟಾಚಾರಕ್ಕೆ ಒತ್ತಡ ಬಂದ ವಿಷಯವನ್ನು ಕ್ರಿಕೆಟ್ ಮಂಡಳಿಯ ಗಮನಕ್ಕೆ ತಾರದೇ ಇರುವುದಕ್ಕೆ ಎರಡು ಆರೋಪ ದಾಖಲಾಗಿದೆ.

30 ವರ್ಷದ ಶಫೀಕ್​ 24 ಏಕದಿನ 46 ಟಿ -20, ಪಂದ್ಯಗಳನ್ನಾಡಿದ್ದಾರೆ. ಇವರು ಕೊನೆಯ ಬಾರಿಗೆ 2019 ಸೆಪ್ಟಂಬರ್​ನಲ್ಲಿ ಬಾಂಗ್ಲಾದೇಶದ ವಿರುದ್ಧ ಆಡಿದ್ದರು.