ಮಹಿಳಾ ಟಿ20 ಕ್ರಿಕೆಟ್‌ ರ್‍ಯಾಂಕಿಂಗ್​: 2ನೇ ಸ್ಥಾನಕ್ಕೇರಿದ ಶೆಫಾಲಿ ವರ್ಮಾ

744 ಅಂಕಗಳನ್ನು ಹೊಂದಿರುವ ಶೆಫಾಲಿ ವರ್ಮಾ 2ನೇ ಸ್ಥಾನದಲ್ಲಿದ್ದರೆ, ಇವರಿಗಿಂತ 4 ಅಂಕ ಹೆಚ್ಚು ಹೊಂದಿರುವ ಆಸ್ಟ್ರೇಲಿಯಾದ ಬೆತ್​ ಮೂನಿ ಅಗ್ರಸ್ಥಾನದಲ್ಲಿದ್ದಾರೆ. ಭಾರತದ ಮತ್ತೊಬ್ಬ ಸ್ಟಾರ್​ ಬ್ಯಾಟರ್​ ಸ್ಮೃತಿ ಮಂದಾನ 693 ಅಂಕ ಹೊಂದಿದ್ದು 7ನೇ ಸ್ಥಾನದಲ್ಲಿದ್ದಾರೆ. ಜಮೀಮಾ ರೋಡ್ರಿಗಸ್ (9) ಟಾಪ್​ 10ರಲ್ಲಿರುವ ಮತ್ತೊಬ್ಬ ಭಾರತೀಯರಾಗಿದ್ದಾರೆ.

ದುಬೈ: ಭಾರತದ ಯುವ ಬ್ಯಾಟರ್​ ಶೆಫಾಲಿ ವರ್ಮಾ ಐಸಿಸಿ ಮಂಗಳವಾರ ಬಿಡುಗಡೆ ಮಾಡಿರುವ ನೂತನ ಟಿ20 ಬ್ಯಾಟಿಂಗ್ ರ್‍ಯಾಂಕಿಂಗ್​ ಪಟ್ಟಿಯಲ್ಲಿ ಒಂದು ಸ್ಥಾನ ಏರಿಕೆ ಕಂಡು 2ನೇ ಸ್ಥಾನಕ್ಕೆ ಬಡ್ತಿ ಪಡೆದಿದ್ದಾರೆ.

744 ಅಂಕಗಳನ್ನು ಹೊಂದಿರುವ ಶೆಫಾಲಿ 2ನೇ ಸ್ಥಾನದಲ್ಲಿದ್ದರೆ, ಇವರಿಗಿಂತ 4 ಅಂಕ ಹೆಚ್ಚು ಹೊಂದಿರುವ ಆಸ್ಟ್ರೇಲಿಯಾದ ಬೆತ್​ ಮೂನಿ ಅಗ್ರಸ್ಥಾನದಲ್ಲಿದ್ದಾರೆ. ಭಾರತದ ಮತ್ತೊಬ್ಬ ಸ್ಟಾರ್​ ಬ್ಯಾಟರ್​ ಸ್ಮೃತಿ ಮಂದಾನ 693 ಅಂಕ ಹೊಂದಿದ್ದು 7ನೇ ಸ್ಥಾನದಲ್ಲಿದ್ದಾರೆ. ಜಮೀಮಾ ರೋಡ್ರಿಗಸ್(9) ಟಾಪ್​ 10 ರಲ್ಲಿರುವ ಮತ್ತೊಬ್ಬ ಭಾರತೀಯರಾಗಿದ್ದಾರೆ.

ಉಳಿದಂತೆ ಕಿವೀಸ್ ನಾಯಕಿ ಸೋಫಿ ಡಿವೈನ್, ಆಸ್ಟ್ರೇಲಿಯಾದ ಮೆಗ್ ಲ್ಯಾನಿಂಗ್ ಮತ್ತು ಅಲಿಸಾ ಹೀಲಿ ಒಂದು ಸ್ಥಾನ ಮೇಲೇರಿ ಕ್ರಮವಾಗಿ 3,4,5 ನೇ ಸ್ಥಾನದಲ್ಲಿದ್ದಾರೆ.

ದೀಪ್ತಿ ಶರ್ಮಾ(6), ರಾಧಾ ಯಾದವ್​(8) ಪೂನಮ್ ಯಾದವ್​(9) ಬೌಲಿಂಗ್​ ವಿಭಾಗದಲ್ಲಿ ಅಗ್ರ 10ರಲ್ಲಿದ್ದಾರೆ. ಇಂಗ್ಲೆಂಡ್ ತಂಡದ ಸೋಫಿ ಎಕ್ಲನ್​ಸ್ಟನ್ ಮೊದಲ ಸ್ಥಾನದಲ್ಲಿದೆ, ಆಸ್ಟ್ರೇಲಿಯಾದ ಮೇಗನ್ ಶೂಟ್​ ಮತ್ತು ಜೆಸ್ ಜೊನಾಸೆನ್​ 2 ಮತ್ತು 3ನೇ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ: ಮಂದಾನ ಸ್ಫೋಟಕ ಅರ್ಧಶತಕ: ದ.ಆಫ್ರಿಕಾ ವನಿತೆಯ ವಿರುದ್ಧ ಭಾರತಕ್ಕೆ ಜಯ