ಡರ್ಬನ್: ವೇಗದ ಬೌಲರ್ ಶಬ್ನಿಮ್ ಇಸ್ನಾಯಿಲ್ ಟಿ-20 ಕ್ರಿಕೆಟ್ನಲ್ಲಿ 100 ವಿಕೆಟ್ ಪಡೆದ ದಕ್ಷಿಣ ಆಫ್ರಿಕಾದ ಮೊದಲ ಬೌಲರ್ ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ.
ಅವರು ಶುಕ್ರವಾರ ನಡೆದ ಪಾಕಿಸ್ತಾನ ವನಿತೆಯರ ವಿರುದ್ಧದ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ಅಯೇಷಾ ಜಾಫರ್ ಅವರನ್ನು ಬೌಲ್ಡ್ ಮಾಡುವ ಮೂಲಕ ಈ ದಾಖಲೆಗೆ ಪಾತ್ರರಾದರು. ಅವರು ಈ ಪಂದ್ಯದಲ್ಲಿ ಜಾಫರ್(8) ಜೊತೆಗೆ ಅಲಿಯಾ(2) ಅವರ ವಿಕೆಟ್ ಕೂಡ ಪಡೆದರು.
ವೆಸ್ಟ್ ಇಂಡೀಸ್ ತಂಡದ ಅನಿಸಾ ಮೊಹಮ್ಮದ್ ಟಿ-20 ಕ್ರಿಕೆಟ್ನಲ್ಲಿ ಗರಿಷ್ಠ ವಿಕೆಟ್ ಪಡೆದಿರುವ ಬೌಲರ್ ಎನಿಸಿಕೊಂಡಿದ್ದಾರೆ. ಅವರು 120 ವಿಕೆಟ್ ಪಡೆದಿದ್ದಾರೆ. 2ನೇ ಸ್ಥಾನದಲ್ಲಿ ಆಸ್ಟ್ರೇಲಿಯಾ ಆಲ್ರೌಂಡರ್ ಎಲಿಸ್ ಪೆರ್ರಿ 114 ವಿಕೆಟ್ ಪಡೆದಿದ್ದಾರೆ. ಇಂಗ್ಲೆಂಡ್ ತಂಡದ ಆ್ಯನಿ ಶ್ರುಬ್ಸೋಲ್ 101 ವಿಕೆಟ್ ಪಡೆದಿದ್ದಾರೆ.