ಭಾರತಕ್ಕೆ ಬುಕ್ಕಿ ಸಂಜೀವ್ ಗಡಿಪಾರು​... ಟೀಂ ಇಂಡಿಯಾ ಮಾಜಿ ಕ್ರಿಕೆಟರ್ಸ್​ಗೆ ಶುರುವಾಯ್ತು ನಡುಕ!?

ಅಂತಾರಾಷ್ಟ್ರೀಯ ಕ್ರಿಕೆಟ್‌ ಜಗತ್ತನ್ನು ಬೆಚ್ಚಿ ಬೀಳಿಸಿ, ಅನೇಕ ಪಂದ್ಯಗಳಲ್ಲಿ ಮ್ಯಾಚ್‌ ಫಿಕ್ಸಿಂಗ್‌ ಹಗರಣದಲ್ಲಿ ಭಾಗಿಯಾಗಿದ್ದ ಬುಕ್ಕಿ ಸಂಜೀವ್‌ ಚಾವ್ಲಾ ಭಾರತಕ್ಕೆ ಗಡಿಪಾರು ಆಗಲಿದ್ದು, ಇದೀಗ ಅನೇಕ ಭಾರತೀಯ ಕ್ರಿಕೆಟ್​ ಪ್ಲೇಯರ್ಸ್​(ಮಾಜಿ)ಗಳಲ್ಲಿ ನಡುಕ ಶುರುವಾಗಿದೆ.

ಮುಂಬೈ: ಕ್ರಿಕೆಟ್​ ಪಂದ್ಯಗಳ ಫಿಕ್ಸಿಂಗ್​​ ಪ್ರಕರಣದಲ್ಲಿ ಆರೋಪಿಯಾಗಿ, ತಲೆಮರೆಸಿಕೊಂಡು ಲಂಡನ್​​ನಲ್ಲಿ ನೆಲೆಸಿದ್ದ ಭಾರತೀಯ ಬುಕ್ಕಿ ಸಂಜೀವ್​ ಚಾವ್ಲಾ ಭಾರತಕ್ಕೆ ಹಸ್ತಾಂತರಗೊಂಡಿದ್ದು, ಹೀಗಾಗಿ ಟೀಂ ಇಂಡಿಯಾದ ಅನೇಕ ಮಾಜಿ ಕ್ರಿಕೆಟ್​​ ಪ್ಲೇಯರ್ಸ್​ಗಳಲ್ಲಿ ನಡುಕ ಶುರುವಾಗಿದೆ ಎಂಬ ಮಾತು ಕೇಳಿ ಬರುತ್ತಿದೆ.

2000ರಲ್ಲಿ ದಕ್ಷಿಣ ಆಫ್ರಿಕಾ ಭಾರತದ ಪ್ರವಾಸ ಕೈಗೊಂಡಿದ್ದ ವೇಳೆ ಉಭಯ ತಂಡಗಳ ನಡುವಿನ ಕ್ರಿಕೆಟ್​ ಸರಣಿಯ ಫಲಿತಾಂಶ ಮೊದಲೇ ನಿರ್ಧಾರವಾಗಿತ್ತು ಎಂದು ತಿಳಿದು ಬಂದಿತ್ತು. ಹೀಗಾಗಿ ಇದರ ಬಗ್ಗೆ ಮಾಹಿತಿ ಪಡೆದುಕೊಳ್ಳಲು ಅವರು ಭಾರತಕ್ಕೆ ಬೇಕಾಗಿದ್ದು, ಮ್ಯಾಚ್​ ಫಿಕ್ಸಿಂಗ್​ ನಡೆಸಿರುವ ಕಾರಣ ಅದರ ಮಾಹಿತಿ ಪಡೆದುಕೊಳ್ಳಲು ಭಾರತಕ್ಕೆ ಗಡಿಪಾರು ಮಾಡುವಂತೆ ಅಧಿಕಾರಿಗಳು ಕೇಳಿಕೊಂಡಿದ್ದಾರೆ. ಇನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್​ಗಳಲ್ಲಿ ಫಿಕ್ಸಿಂಗ್​ ನಡೆಸಿರುವ ಆರೋಪ ಇವರ ಮೇಲೆ ಕೇಳಿ ಬಂದಿದೆ.

ಮ್ಯಾಚ್​ ಫಿಕ್ಸಿಂಗ್​​ನಲ್ಲಿ ಅನೇಕ ಭಾರತೀಯ ಪ್ಲೇಯರ್ಸ್​ ಕೂಡ ಭಾಗಿಯಾಗಿರುವ ಆರೋಪ ಕೇಳಿ ಬಂದಿರುವ ಕಾರಣ, ಹೆಚ್ಚಿನ ವಿಚಾರಣೆ ನಡೆಸಲು ಅವರನ್ನ ಈಗಾಗಲೇ ದೆಹಲಿ ಪೊಲೀಸರು ಭಾರತಕ್ಕೆ ಕರೆತಂದಿದ್ದಾರೆ.

ಸಂಜೀವ್​ ಚಾವ್ಲಾ ಮೊಬೈಲ್​​ನಲ್ಲಿ ಅನೇಕ ಅಂತಾರಾಷ್ಟ್ರೀಯ ಕ್ರಿಕೆಟರ್ಸ್​ ಮೊಬೈಲ್​ ನಂಬರ್​​ ಇದ್ದು, ಕೆಲ ಇಂಡಿಯನ್​ ಪ್ಲೇಯರ್ಸ್​ ನಂಬರ್​ ಕೂಡ ಅದರಲ್ಲಿದೆ ಎಂದು ದೆಹಲಿ ಪೊಲೀಸ್ ಕ್ರೈಂ ಬ್ರ್ಯಾಂಚ್​ ತಿಳಿಸಿದೆ.