ಕೋವಿಡ್​​-19 ಹೋರಾಟಕ್ಕೆ ಕೈಜೋಡಿಸಿದ ಸಾನಿಯಾ... PM CARES ನಿಧಿಗೆ 1.25 ಕೋಟಿ ರೂ. ದೇಣಿಗೆ

ರಕ್ಕಸ ಕೊರೊನಾ ವಿರುದ್ಧ ಹೋರಾಡಲು ಪ್ರಧಾನಿ ಮೋದಿ ಮನವಿ ಮಾಡಿಕೊಳ್ಳುತ್ತಿದ್ದಂತೆ ಇಡೀ ದೇಶದ ಜನರು ಅವರ ಬೆನ್ನಿಗೆ ನಿಂತಿದ್ದು, ತಮ್ಮ ಕೈಯಿಂದ ಆದಷ್ಟು ಸಹಾಯ ಮಾಡುತ್ತಿದ್ದಾರೆ.

ನವದೆಹಲಿ:ಮಹಾಮಾರಿ ಹಾಗೂ ಜಾಗತಿಕ ಪಿಡುಗು ಕೊರೊನಾ ದಿನದಿಂದ ದಿನಕ್ಕೆ ವ್ಯಾಪಕವಾಗಿ ಹರಡುತ್ತಿರುವ ಕಾರಣ ದೇಶದಲ್ಲಿ ಲಾಕ್​ಡೌನ್​ ಆದೇಶ ಹೊರಹಾಕಲಾಗಿದೆ. ಇದರಿಂದ ತುರ್ತುಪರಿಸ್ಥಿತಿ ನಿರ್ಮಾಣಗೊಂಡಿದ್ದು, ಅದರ ವಿರುದ್ಧ ಹೋರಾಡಲು ಪಿಎಂ ಕೇರ್ಸ್​​ ನಿಧಿಗೆ ಹಣ ನೀಡುವಂತೆ ನಮೋ ಮನವಿ ಮಾಡಿಕೊಂಡಿದ್ದಾರೆ.

ಕೋವಿಡ್​-19 ವಿರುದ್ಧದ ಹೋರಾಟಕ್ಕೆ ಕೈಜೋಡಿಸುವಂತೆ ನಮೋ ಮನವಿ ಮಾಡಿಕೊಳ್ಳುತ್ತಿದ್ದಂತೆ ಪಿಎಂ ಕೇರ್ಸ್​ ನಿಧಿಗೆ ಕೋಟ್ಯಂತರ ರೂ ಹರಿದು ಬರುತ್ತಿದೆ. ಅನೇಕ ಸಂಘ-ಸಂಸ್ಥೆಗಳು, ಕಂಪನಿಗಳು, ಬಾಲಿವುಡ್​ ಸ್ಟಾರ್ಸ್​ ಇದೀಗ ತಮ್ಮ ಕೈಯಿಂದ ಆದ ಸಹಾಯ ನೀಡಿದ್ದು, ಇದೀಗ ಟೆನ್ನಿಸ್​ ತಾರೆ ಸಾನಿಯಾ ಮಿರ್ಜಾ 1.25 ಕೋಟಿ ರೂ ಪಿಎಂ ಕೇರ್ಸ್​ ನಿಧಿಗೆ ದೇಣಿಗೆ ನೀಡಿದ್ದಾರೆ. ಕೊರೊನಾ ವೈರಸ್​ನಿಂದ ಬಳಲುತ್ತಿರುವವರ ಸಹಾಯಕ್ಕೆ ನಿಂತಿರುವ ಟೆನ್ನಿಸ್​ ಆಟಗಾರ್ತಿ ಇದೀಗ ತಮ್ಮ ಕೈಯಿಂದ ಆದ ಸಹಾಯ ನೀಡಿದ್ದಾರೆ. ಇದರ ಜತೆಗೆ ಟೀಂ ಇಂಡಿಯಾ ಮಹಿಳಾ ತಂಡದ ಆಟಗಾರ್ತಿ ದೀಪ್ತಿ ಶರ್ಮಾ 50 ಸಾವಿರ ರೂಪಾಯಿ ದೇಣಿಗೆ ನೀಡಿದ್ದಾರೆ.

ಈಗಾಗಲೇ ಸುರೇಶ್​ ರೈನಾ 31 ಕೋಟಿ ಪಿಎಂ ಕೇರ್ಸ್​ ನಿಧಿಗೆ ಹಾಗೂ 212 ಲಕ್ಷ ಯುಪಿ ಸಿಎಂ ನಿಧಿಗೆ ನೀಡಿದ್ದು, ಸಚಿನ್​ ತೆಂಡೂಲ್ಕರ್​ ಕೂಡ 25 ಲಕ್ಷ ಪಿಎಂ ಕೇರ್ಸ್​ ನಿಧಿ ಹಾಗೂ 25 ಲಕ್ಷ ಮಹಾರಾಷ್ಟ್ರ ಸಿಎಂ ಪರಿಹಾರ ನಿಧಿಗೆ ನೀಡಿದ್ದಾರೆ. ಉಳಿದಂತೆ ಬಿಸಿಸಿಐ ಅಧ್ಯಕ್ಷ ಸೌರವ್​ ಗಂಗೂಲಿ, ಹಿಮಾ ದಾಸ್​, ಪಿವಿ ಸಿಧು, ಕುಸ್ತುಪಟು ಭಜರಂಗಿ ಪೂನಿಯಾ ಧನ ಸಹಾಯ ಮಾಡಿದ್ದಾರೆ. ದೇಶದಲ್ಲಿ 1071 ಕೋವಿಡ್​​ ಕೇಸ್​ಗಳಿವೆ. ಅದರಲ್ಲಿ 99 ಜನರು ಗುಣಮುಖರಾಗಿದ್ದು, ಒಟ್ಟು 30 ಜನರು ಸಾವನ್ನಪ್ಪಿದ್ದಾರೆ.