ಮೆಲ್ಬೋರ್ನ್: ಕ್ರಿಕೆಟ್ ಜಗತ್ತಿನ ಸರ್ವಶ್ರೇಷ್ಠ ಕ್ರಿಕೆಟಿಗ, ಕ್ರಿಕೆಟ್ ದೇವರೆಂದೇ ಖ್ಯಾತಿ ಪಡೆದಿರುವ ಸಚಿನ್ ತೆಂಡೂಲ್ಕರ್ ಆಸ್ಟ್ರೇಲಿಯಾ ಮಹಿಳಾ ಕ್ರಿಕೆಟರ್ ಎಲಿಸ್ ಪೆರ್ರಿ ಅವರ ಮನವಿಗೆ ಸ್ಪಂದಿಸಿ ಒಂದು ಓವರ್ ಬೌಲಿಂಗ್‌ಗೆ ಬ್ಯಾಟಿಂಗ್ ಮಾಡುವ ಮೂಲಕ ಐದೂವರೆ ವರ್ಷಗಳ ಬಳಿಕ ಮತ್ತೆ ಕ್ರಿಕೆಟ್ ಆಡಿದ್ದಾರೆ.
ಸಚಿನ್ ಪೆರ್ರಿ ಎಸೆದ ಮೊದಲ ಎಸೆತದಲ್ಲಿ ಬೌಂಡರಿ, ಎರಡನೇ ಎಸೆತದಲ್ಲಿ 2 ರನ್ ಗಳಿಸಿದರು. ನಂತರದ ಎರಡು ಎಸೆತಗಳನ್ನು ಡಾಟ್ ಮಾಡಿದರು. ಓವರ್‌ನ ಉಳಿದೆರಡು ಎಸೆತಗಳನ್ನು ಸ್ಪಿನ್ನರ್ ಸದರ್ಲೆಂಡ್ ಮಾಡಿದ್ದು, ಆ 2 ಎಸೆತಗಳಲ್ಲಿ ಕವರ್ ಡ್ರೈವ್ ಹಾಗೂ ತಮ್ಮ ನೆಚ್ಚಿನ ಸ್ಟ್ರೈಟ್ ಡ್ರೈವ್ ಮಾಡುವ ಮೂಲಕ ಒಂದೇ ಓವರ್ನಲ್ಲಿ ವಿವಿಧ ಶಾಟ್‌ಗಳನ್ನು ಪ್ರಯೋಗಿಸಿದರು. ಈ ಮೂಲಕ ಕ್ರಿಕೆಟ್ ಅಭಿಮಾನಿಗಳಿಗೆ ದೀರ್ಘಕಾಲದ ನಂತರ ಸಚಿನ್ ಬ್ಯಾಟಿಂಗ್ ನೋಡುವ ಭಾಗ್ಯ ದೊರೆಯಿತು. ಇದೇ ಸಂದರ್ಭದಲ್ಲಿ ತ್ರಿಕೋನ ಸರಣಿಯಲ್ಲಿ ಫೈನಲ್ಗೇರಿದ್ದ ಆಸ್ಟ್ರೇಲಿಯಾ ಮಹಿಳಾ ತಂಡದ ಆಟಗಾರ್ತಿಯರು ಸಚಿನ್ ಜೊತೆ ಫೋಟೋಗೆ ಪೋಸ್ ನೀಡುವ ಮೂಲಕ ಸಂಭ್ರಮಿಸಿದರು.