ಆಸೀಸ್ ನೆಲದಲ್ಲಿ ಸಚಿನ್ ದಾಖಲೆಗಳು: ತೆಂಡೂಲ್ಕರ್ ನೆನಪಿನ ಶಕ್ತಿಯನ್ನ ನೀವೇ ನೋಡಿ

ಆಸೀಸ್ ನೆಲದಲ್ಲಿ ಸಚಿನ್ ಹಲವು ದಾಖಲೆಗಳನ್ನು ಬರೆದಿದ್ದಾರೆ. ಈ ಬಗ್ಗೆ ವ್ಯಕ್ತಿಯೊಬ್ಬರು ಕೇಳುವ ಪ್ರಶ್ನೆಗಳಿಗೆ ಸಚಿನ್ ಉತ್ತರಿಸಿದ್ದಾರೆ.

ಹೈದರಾಬಾದ್:ಟೀಂ ಇಂಡಿಯಾ ಕ್ರಿಕೆಟ್ ದಂತಕತೆ ಸಚಿನ್ ತೆಂಡೂಲ್ಕರ್ ಆಸ್ಟ್ರೇಲಿಯಾ ವಿರುದ್ಧ ಅದ್ಭುತ ದಾಖಲೆ ಹೊಂದಿದ್ದಾರೆ. ಪದಾರ್ಪಣೆ ಮಾಡಿದಾಗಿನಿಂದ ಆಸೀಸ್ ನೆಲದಲ್ಲಿ ಸಚಿನ್ ಹಲವು ದಾಖಲೆ ನಿರ್ಮಣ ಮಾಡಿದ್ದು, ಅವುಗಳ ಕುರಿತ ರ‍್ಯಾಪಿಡ್ ಫೈರ್​​ನಲ್ಲಿ ಸಚಿನ್ ಉತ್ತರಿಸಿದ್ದಾರೆ.

ಸಚಿನ್ ಅವರ ಯೂಟ್ಯೂಬ್​ ಚಾನಲ್​ನಲ್ಲಿ ವಿಡಿಯೋವೊಂದನ್ನು ಪೋಸ್ಟ್ ಮಾಡಿದ್ದು, ಅದರಲ್ಲಿ ಸಚಿನ್ ತಮ್ಮ ನೆನಪಿನ ಬುತ್ತಿಯನ್ನು ಬಿಚ್ಚಿಟ್ಟಿದ್ದಾರೆ. 'ನಾನು ಆಸ್ಟ್ರೇಲಿಯಾ ಪ್ರವಾಸ ಇಷ್ಟಪಡುತ್ತಿದ್ದೆ ಮತ್ತು ಸಿಡ್ನಿ ಖಂಡಿತವಾಗಿಯೂ ನನ್ನ ನೆಚ್ಚಿನ ಮೈದಾನವಾಗಿದೆ. ಆಸ್ಟ್ರೇಲಿಯಾದಲ್ಲಿ ನನ್ನ ಅಂಕಿ - ಅಂಶಗಳ ಬಗ್ಗೆ ನನ್ನ ತಂಡವು ನನ್ನನ್ನು ಪ್ರಶ್ನಿಸಿದಾಗ ತುಂಬಾ ಖುಷಿಯಾಯಿತು. ನಾನು ಎಷ್ಟು ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರಿಸಿದೆ?' ಎಂದು ಸಚಿನ್ ಬರೆದುಕೊಂಡಿದ್ದಾರೆ.

ಆಸೀಸ್ ನೆಲದಲ್ಲಿ ಸಚಿನ್ ಹಲವು ದಾಖಲೆಗಳನ್ನು ಬರೆದಿದ್ದಾರೆ. ಈ ಬಗ್ಗೆ ವ್ಯಕ್ತಿಯೊಬ್ಬರು ಕೇಳುವ ಪ್ರಶ್ನೆಗಳಿಗೆ ಸಚಿನ್ ಉತ್ತರಿಸಿದ್ದಾರೆ. ಯಾವುದೇ ದಾಖಲೆಗಳನ್ನು ತೆರೆದು ನೋಡದೆ. ತಮ್ಮ ನೆನಪಿನಲ್ಲಿ ಬುತ್ತಿಯಲ್ಲಿ ಸಂಗ್ರಹವಾಗಿರುವ ಮಾಹಿತಿಯನ್ನು ಸಚಿನ್ ಹಂಚಿಕೊಂಡಿದ್ದಾರೆ.

ಆಸ್ಟ್ರೇಲಿಯಾದಲ್ಲಿ ಪಡೆದ ವಿಕೆಟ್, ಬಾರಿಸಿದ ಅರ್ಧಶತಕಗಳು, ಶತಕಗಳು ಸೇರಿದಂತೆ ಹಲವು ಪ್ರಶ್ನೆಗಳಿಗೆ ಸಚಿನ್ ಉತ್ತರಿಸಿರುವುದನ್ನು ಕಾಣಬಹುದಾಗಿದೆ.