ಚೊಚ್ಚಲ ಪಂದ್ಯದಲ್ಲೇ ಮಿಂಚಿದ ಪ್ರಿಯಾ.. ಭಾರತಕ್ಕೆ 8 ವಿಕೆಟ್​ಗಳ ಗೆಲುವು!

ಚೊಚ್ಚಲ ಪಂದ್ಯವನ್ನಾಡಿದ ಪ್ರಿಯಾ ಪುನಿಯಾ ಆಕರ್ಷಕ ಅರ್ಧಶತಕ(75*) ಹಾಗೂ ಜೆಮಿಯಾ ರೋಡ್ರಿಗಸ್(55) ರನ್​​ ತಂಡದ ಗೆಲುವಿಗೆ ಸಹಕಾರಿಯಾಯಿತು.

ವಡೋದರ:ದಕ್ಷಿಣ ಆಫ್ರಿಕಾ ಹಾಗೂ ಭಾರತ ಮಹಿಳಾ ತಂಡದ ನಡುವಿನ ಮೊದಲ ಏಕದಿನ ಪಂದ್ಯದಲ್ಲಿ ಆತಿಥೇಯ ಭಾರತೀಯ ವನಿತೆಯರು ಎಂಟು ವಿಕೆಟ್​ಗಳ ಸುಲಭ ಗೆಲುವು ದಾಖಲಿಸಿದ್ದಾರೆ.

ದಕ್ಷಿಣ ಆಫ್ರಿಕಾ ನೀಡಿದ 165 ರನ್​ಗಳ ಗುರಿಯನ್ನು ಬೆನ್ನತ್ತಿದ ಆತಿಥೇಯರು 41.4 ಓವರ್​​ನಲ್ಲಿ ಎರಡು ವಿಕೆಟ್ ನಷ್ಟಕ್ಕೆ ಗುರಿಮುಟ್ಟಿ ಗೆಲುವಿನ ನಗೆ ಬೀರಿದೆ. ಚೊಚ್ಚಲ ಪಂದ್ಯವನ್ನಾಡಿದ ಪ್ರಿಯಾ ಪುನಿಯಾ ಆಕರ್ಷಕ ಅರ್ಧಶತಕ(75*) ಹಾಗೂ ಜೆಮಿಯಾ ರೋಡ್ರಿಗಸ್(55) ರನ್​​ ತಂಡದ ಗೆಲುವಿಗೆ ಸಹಕಾರಿಯಾಯಿತು.

ಅಲ್ಪ ಮೊತ್ತಕ್ಕೆ ಪ್ರವಾಸಿಗರು ಪತನ:

ಮೊದಲು ಬ್ಯಾಟ್ ಮಾಡಿದ ಪ್ರವಾಸಿ ತಂಡ 45.1 ಓವರ್​ನಲ್ಲಿ 164 ರನ್ನಿಗೆ ಸರ್ವಪತನವಾಯಿತು. ದ.ಆಫ್ರಿಕಾ ಪರ ಮರಿಜಾನೆ ಕಪ್​(54), ಲೌರಾ ವೋಲ್ವಾರ್ಡ್(39) ಹಾಗೂ ಸುನೆ​ ಲಸ್(22) ರನ್​ ಕಲೆಹಾಕಿದರು. ಉಳಿದ ಆಟಗಾರರು ಉತ್ತಮ ಕೊಡುಗೆ ನೀಡುವಲ್ಲಿ ವಿಫಲವಾದ ಪರಿಣಾಮ ದೊಡ್ಡ ಗುರಿ ನೀಡುವಲ್ಲಿ ವಿಫಲರಾದರು.ಭಾರತದ ಪರ ಜೂಲನ್ ಗೋಸ್ವಾಮಿ 3 ಹಾಗೂ ಶಿಖಾ ಪಾಂಡೆ, ಏಕ್ತಾ ಬಿಶ್ಟ್, ಪೂನಂ ಯಾದವ್ ತಲಾ 2 ವಿಕೆಟ್ ಪಡೆದರು.