ಭಾರತದ ಪಿಚ್​ಗಳೆಂದರೆ ರೂಟ್​ಗೆ ಬಲು ಇಷ್ಟ: ರೆಕಾರ್ಡ್​ ಹೇಗಿದೆ ಗೊತ್ತಾ?

ಇಂಗ್ಲೆಂಡ್ ತಂಡದ ನಾಯಕನಾಗಿರುವ ರೂಟ್​ ಕಳೆದ 3 ಪಂದ್ಯಗಳಲ್ಲಿ ಏಷ್ಯಾದ ಪಿಚ್​​ಗಳಲ್ಲಿ ಸತತ ಶತಕ ಸಾಧನೆ ಮಾಡಿದ್ದಾರೆ. ಭಾರತದ ವಿರುದ್ಧ 17 ಪಂದ್ಯಗಳನ್ನಾಡಿದ್ದು, 1679ರನ್​ ಗಳಿಸಿದ್ದಾರೆ. ಭಾರತದ ನೆಲದಲ್ಲಿ 2012ರಲ್ಲಿ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಅವರು ಆಡಿರುವ 7 ಪಂದ್ಯಗಳಲ್ಲಿ 842 ರನ್​ಗಳಿಸಿದ್ದಾರೆ.

ಚೆನ್ನೈ: ಅದ್ಭುತ ಫಾರ್ಮ್​ನಲ್ಲಿರುವ ಜೋ ರೂಟ್​ ಭಾರತದ ಫಿಚ್​ಗಳಲ್ಲಿ ತಮ್ಮ ಅತ್ಯುತ್ತಮ ಆಟವನ್ನು ಮುಂದುವರಿಸಿದ್ದಾರೆ. ಚೆನ್ನೈನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ 258 ರನ್​​ ಸಿಡಿಸಿರುವುದೇ ಇದಕ್ಕೆ ಸಾಕ್ಷಿ.

ಇಂಗ್ಲೆಂಡ್ ತಂಡದ ನಾಯಕನಾಗಿರುವ ರೂಟ್​ ಕಳೆದ 3 ಪಂದ್ಯಗಳಲ್ಲಿ ಏಷ್ಯಾದ ಪಿಚ್​​ಗಳಲ್ಲಿ ಸತತ ಶತಕ ಸಾಧನೆ ಮಾಡಿದ್ದಾರೆ. ಭಾರತದ ವಿರುದ್ಧ 17 ಪಂದ್ಯಗಳನ್ನಾಡಿದ್ದು, 1679ರನ್​ ಗಳಿಸಿದ್ದಾರೆ. ಭಾರತದ ನೆಲದಲ್ಲಿ 2012ರಲ್ಲಿ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಅವರು ಆಡಿರುವ 7 ಪಂದ್ಯಗಳಲ್ಲಿ 842 ರನ್​ಗಳಿಸಿದ್ದಾರೆ.

ಜೋ ರೂಟ್​

ಶ್ರೀಲಂಕಾ ವಿರುದ್ಧದ ಸರಣಿಯಲ್ಲಿ ರನ್​ಗಳ ಶಿಖರವನ್ನೇ ಕಟ್ಟಿದ್ದ ರೂಟ್​ 2 ಪಂದ್ಯಗಳಿಂದ 426 ರನ್​ ಸಿಡಿಸಿದ್ದರು. ಅದೇ ಪ್ರದರ್ಶನವನ್ನು ಭಾರತದಲ್ಲೂ ಮುಂದುವರಿಸಿದ ಇಂಗ್ಲೆಂಡ್ ಕ್ಯಾಪ್ಟನ್​ ಟೆಸ್ಟ್​ ಕ್ರಿಕೆಟ್​ನಲ್ಲಿ ತಮ್ಮ 5ನೇ ದ್ವಿಶತಕ ದಾಖಲಿಸಿದರು. ಎರಡನೇ ಇನ್ನಿಂಗ್ಸ್​ನಲ್ಲೂ ತ್ವರಿತ 40 ರನ್​ಗಳಿಸಿ ತಂಡ 227ರನ್​ಗಳ ಬೃಹತ್ ಜಯ ಸಾಧಿಸುವಂತೆ ನೆರವಾದರು.

ಏಷ್ಯಾದ ನೆಲದಲ್ಲಿ ರೂಟ್​ ಕಳೆದ 6 ಇನ್ನಿಂಗ್ಸ್​ಗಳಿಂದ 2 ದ್ವಿಶತಕ ಮತ್ತು ಒಂದು ಶತಕದ ನೆರವಿನಿಂದ 684 ರನ್​ ಸಿಡಿಸಿದ್ದಾರೆ. ರೂಟ್​ ಬ್ಯಾಟಿಂಗ್ ಅಂಕಿ - ಅಂಶಗಳನ್ನು ನೋಡಿದರೆ ಅವರಿಗೆ ಭಾರತವೇ ನೆಚ್ಚಿನ ಎದುರಾಳಿ ಎಂದು ತೋರಿಸುತ್ತಿದೆ. ಅವರು ಭಾರತದ ವಿರುದ್ಧ 62.19ರ ಸರಾಸರಿಯಲ್ಲಿ 1679 ರನ್​ಗಳಿಸಿದ್ದಾರೆ. ಭಾರತದಲ್ಲಿ 64.77ರ ಸರಾಸರಿಯಲ್ಲಿ 2 ಶತಕ ಮತ್ತು 5 ಅರ್ಧಶತಕ ಸಹಿತ 842 ರನ್​ಗಳಿಸಿದ್ದಾರೆ.

ಜೋ ರೂಟ್​

ಅಲ್ಲದೇ ಇಂಗ್ಲೆಂಡ್​ ತಂಡ ಕಳೆದ ಪ್ರವಾಸದಲ್ಲಿ 4-0ಯಲ್ಲಿ ಸರಣಿ ಕಳೆದುಕೊಂಡರೂ ರೂಟ್ ಮಾತ್ರ ವಿಶಾಖಪಟ್ಟಣದಲ್ಲಿ 78, ಮೊಹಾಲಿಯಲ್ಲಿ 93, ರಾಜ್​ಕೋಟ್​ನಲ್ಲಿ 128, ನಾಗ್ಪುರ್​ನಲ್ಲಿ 93 ಹಾಗೂ ಮುಂಬೈನಲ್ಲಿ 98ರನ್​ಗಳಿಸಿ ಭಾರತದ ಬೌಲರ್​ಗಳ ವಿರುದ್ಧ ಯಶಸ್ಸು ಸಾಧಿಸಿದ್ದರು.

ರೂಟ್​ ಭಾರತದ ವಿರುದ್ಧ ಮಾತ್ರವಲ್ಲದೇ ಏಷ್ಯಾ ದೇಶಗಳಾದ ಪಾಕಿಸ್ತಾನ ಮತ್ತು ಶ್ರೀಲಂಕಾ ವಿರುದ್ಧವೂ ಅದ್ಭುತ ಪ್ರದರ್ಶನ ತೋರಿದ್ದಾರೆ. ಶ್ರೀಲಂಕಾ ವಿರುದ್ಧ 5 ಪಂದ್ಯಗಳಲ್ಲಿ 65.50 ಸರಾಸರಿಯಲ್ಲಿ 655 ರನ್, ಬಾಂಗ್ಲಾದೇಶದಲ್ಲಿ 2 ಪಂದ್ಯಗಳಲ್ಲಿ 98ರನ್​ಗಳಿಸಿದ್ದಾರೆ. ಪಾಕಿಸ್ತಾನದಲ್ಲಿ ಆಡದಿದ್ದರೂ, ಅವರು ವಿರುದ್ಧ ಯುಎಇನಲ್ಲಿ ನಡೆದಿದ್ದ 3 ಟೆಸ್ಟ್​ ಪಂದ್ಯಗಳಲ್ಲಿ 57.40 ಸರಾಸರಿಯಲ್ಲಿ 287ರನ್​ಗಳಿಸಿದ್ದಾರೆ.

​ಒಟ್ಟಾರೆ ಟೆಸ್ಟ್​ ಕ್ರಿಕೆಟ್​ನ ಪಕ್ಕ ಬ್ಯಾಟ್ಸ್​ಮನ್​ ಆಗಿರುವ ರೂಟ್​ 100 ಟೆಸ್ಟ್​ ಪಂದ್ಯಗಳಿಂದ 20 ಶತಕ, 49 ಅರ್ಧಶತಕ ಸಹಿತ 8507ರನ್​ಗಳಿಸಿ ಪ್ರಸ್ತುತ ಸಕ್ರಿಯರಾಗಿರುವ ಬ್ಯಾಟ್ಸ್​ಮನ್​ಗಳ ಪೈಕಿ ಗರಿಷ್ಠ ರನ್​ ಸ್ಕೋರರ್​ ಆಗಿದ್ದಾರೆ.

ಜೋ ರೂಟ್​

ಕಳೆದ 6 ಇನ್ನಿಂಗ್ಸ್​ಗಳಲ್ಲಿ ಕ್ರಮವಾಗಿ 40, 218, 11,186,1 ಮತ್ತು 218 ರನ್​ಗಳಿಸಿರುವ ರೂಟ್​ರನ್ನು ಭಾರತ ತಂಡ ಮುಂದಿನ 3 ಪಂದ್ಯಗಳಲ್ಲಿ ತೀವ್ರವಾಗಿ ನಿಯಂತ್ರಿಸಲು ಬಯಸುತ್ತಿದೆ. ಅದು ಅನಿವಾರ್ಯ ಕೂಡ ಆಗಿದೆ.

ಇದನ್ನು ಓದಿ:ಇಂಗ್ಲೆಂಡ್ ತಂಡ ನಮಗಿಂತ ಹೆಚ್ಚು ಸ್ಥಿರತೆ, ವೃತ್ತಿಪರ ಪ್ರದರ್ಶನ ತೋರಿದೆ: ವಿರಾಟ್​ ಕೊಹ್ಲಿ