ಸ್ಟ್ರಾಂಗರ್​​​ ಟುಗೆದರ್​... ಹೆಂಡ್ತಿ ಜತೆಗಿನ ವರ್ಕೌಟ್​ ವಿಡಿಯೋ ಶೇರ್​ ಮಾಡಿದ ಹಿಟ್​ಮ್ಯಾನ್​!

ಇಂಡಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ಭಾಗಿಯಾಗಲು ದುಬೈಗೆ ತೆರಳಿರುವ ಟೀಂ ಇಂಡಿಯಾ ಆರಂಭಿಕ ಬ್ಯಾಟ್ಸಮನ್​ ರೋಹಿತ್​ ಶರ್ಮಾ ಸದ್ಯ ವರ್ಕೌಟ್​ ವಿಡಿಯೋ ಶೇರ್​ ಮಾಡಿದ್ದಾರೆ.

ದುಬೈ: ಟೀಂ ಇಂಡಿಯಾ ಆರಂಭಿಕ ಆಟಗಾರ ರೋಹಿತ್​ ಶರ್ಮಾ ಸದ್ಯ ದುಬೈನಲ್ಲಿದ್ದು, ಮುಂಬರುವ ಇಂಡಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ಭಾಗಿಯಾಗಲು ಸಜ್ಜಾಗುತ್ತಿದ್ದಾರೆ. ಇದರ ಮಧ್ಯೆ ಪತ್ನಿ ರಿತಿಕಾ ಜತೆ ವರ್ಕೌಟ್​ ಮಾಡುತ್ತಿರುವ ವಿಡಿಯೋ ಶೇರ್​ ಮಾಡಿದ್ದಾರೆ.

ಮುಂಬೈ ಇಂಡಿಯನ್ಸ್​ ತಂಡದ ಕ್ಯಾಪ್ಟನ್​ ಆಗಿರುವ ರೋಹಿತ್​ ಶರ್ಮಾ ಉದ್ಘಾಟನಾ ಪಂದ್ಯದಲ್ಲೇ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ಸವಾಲು ಎದುರಿಸುವ ಸಾಧ್ಯತೆ ಇದೆ. ಇದೀಗ ಸಾಮಾಜಿಕ ಅಂತರ ಕಡ್ಡಾಯವಾಗಿರುವ ಕಾರಣ ತಮಗೆ ನೀಡಿರುವ ಹೋಟೆಲ್​​​ ರೂಂ ವೊಂದರಲ್ಲಿ ವರ್ಕೌಟ್​ ನಡೆಸಿದ್ದಾರೆ.

ವಿಡಿಯೋ ಶೇರ್​ ಮಾಡಿರುವ ರೋಹಿತ್​ ಶರ್ಮಾ ಸ್ಟ್ರಾಂಗರ್​ ಟುಗೆದರ್​ ಎಂದ ಶಿರ್ಷಿಕೆ ನೀಡಿದ್ದಾರೆ. ಪತ್ನಿ ರಿತಿಕಾ ಹಾಗೂ ಮಗಳು ಸಮೀರಾ ಜತೆ ರೋಹಿತ್​ ಅಬುದಾಭಿಯಲ್ಲಿದ್ದಾರೆ.

ಇಲ್ಲಿಯವರೆಗೆ 188 ಐಪಿಎಲ್​ ಪಂದ್ಯಗಳನ್ನಾಡಿರುವ ಹಿಟ್​ಮ್ಯಾನ್​​ 130ರ ಸರಾಸರಿಯಲ್ಲಿ 4,898 ರನ್​ಗಳಿಕೆ ಮಾಡಿದ್ದಾರೆ. ಪ್ರಸಕ್ತ ಸಾಲಿನ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಟೂರ್ನಿ ಸೆಪ್ಟೆಂಬರ್​​ 19ರಿಂದ ಆರಂಭಗೊಳ್ಳಲಿದ್ದು, ನವೆಂಬರ್​ 10ರಂದು ಮುಕ್ತಾಯವಾಗಲಿದೆ.