ಹತಾಶೆಯ ಆ ಒಂದು ಟ್ವೀಟ್​ ನಂತರ ರೋಹಿತ್​ ಬ್ಯಾಟಿಂಗ್​ ದಾಖಲೆ ಹೇಗಿದೆ ಗೊತ್ತಾ? ನೋಡಿದ್ರೇ ಶಾಕ್​ ಗ್ಯಾರಂಟಿ!

ಭಾರತದ ಬ್ಯಾಟಿಂಗ್​ ಶಕ್ತಿಯಾಗಿರುವ ರೋಹಿತ್​ ಶರ್ಮಾ ಕಳೆದ ವರ್ಷ ಇಂಗ್ಲೆಂಡ್​ ವಿರುದ್ಧ ಟೆಸ್ಟ್​ ಸರಣಿಯಲ್ಲಿ ಅವಕಾಶ ಕಳೆದುಕೊಂಡ ಹತಾಶೆಯಲ್ಲಿ 'ಸೂರ್ಯ ನಾಳೆ ಮತ್ತೆ ಹುಟ್ಟುತ್ತಾನೆಂದು' ಟ್ವೀಟ್​ ಮಾಡಿದ್ದರು.

ಮುಂಬೈ: ಭಾರತದ ಬ್ಯಾಟಿಂಗ್​ ಶಕ್ತಿಯಾಗಿರುವ ರೋಹಿತ್​ ಶರ್ಮಾ ಕಳೆದ ವರ್ಷ ಇಂಗ್ಲೆಂಡ್​ ವಿರುದ್ಧ ಟೆಸ್ಟ್​ ಸರಣಿಯಲ್ಲಿ ಅವಕಾಶ ಕಳೆದುಕೊಂಡ ಹತಾಶೆಯಲ್ಲಿ 'ಸೂರ್ಯ ನಾಳೆ ಮತ್ತೆ ಹುಟ್ಟುತ್ತಾನೆಂದು' ಟ್ವೀಟ್​ ಮಾಡಿ ನೋವು ತೋಡಿಕೊಂಡಿದ್ದರು,

ರೋಹಿತ್​ ಇಂಗ್ಲೆಂಡ್​ ಪ್ರವಾಸದ ವೇಳೆ ಟಿ-20 ಹಾಗೂ ಟೆಸ್ಟ್​ ಸರಣಿಯಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿದ್ದರು. ಟಿ20ಯಲ್ಲಿ ತಮ್ಮ 3ನೇ ಶತಕ ಬಾರಿಸಿದ್ದ ರೋಹಿತ್​, ಏಕದಿನ ಕ್ರಿಕೆಟ್​ನಲ್ಲೂ ತಮ್ಮ ಪ್ರಾಬಲ್ಯವನ್ನು ಮುಂದುವರಿಸಿ ಮೊದಲ ಪಂದ್ಯದಲ್ಲಿಯೇ 137 ರನ್​ಗಳಿಸಿ ಮಿಂಚಿದ್ದರು. ಆದರೆ, ಅಂದೇ ಮೊದಲ 3 ಟೆಸ್ಟ್​ ಪಂದ್ಯಗಳಿಗೆ ಆಯ್ಕೆ ಮಾಡಿದ್ದ ಟೆಸ್ಟ್​ ತಂಡದಲ್ಲಿ ಮಾತ್ರ ರೋಹಿತ್​ರನ್ನು ಆಯ್ಕೆ ಮಾಡಿರಲಿಲ್ಲ.

ತಮ್ಮನ್ನು ಟೆಸ್ಟ್​ಗೆ ಪರಿಗಣಿಸದಿದ್ದರಿಂದ ಕೋಪಗೊಂಡಿದ್ದ ರೋಹಿತ್​ ಟ್ವೀಟ್​ ಮೂಲಕ ತಮ್ಮ ಅಕ್ರೋಶ ವ್ಯಕ್ತಪಡಿಸಿದ್ದರು. ಅಂದು ರೋಹಿತ್​ "sun will rise again tomorrow" ಎಂದು ಟ್ವೀಟ್​ ಮಾಡಿದ್ದರು. ಅಲ್ಲಿಂದೀಚೆಗೆ ರೋಹಿತ್​ ಒಂದು ವರ್ಷದಲ್ಲಿ ಏಕದಿನ ಕ್ರಿಕೆಟ್​ನ ಬಾದ್​ ಶಾ ಆಗಿ ಮೆರೆದಾಡಿದ್ದಾರೆ. ನಾಯಕನಾಗಿ, ಬ್ಯಾಟ್ಸ್​ಮನ್​ ಆಗಿಯೂ ಯಶಸ್ಸು ಕಾಣುವ ಮೂಲಕ ಅಂದು ಮಾಡಿದ್ದ ಟ್ವೀಟ್​ಗೆ ಒಂದು ವರ್ಷ ಕಳೆದಿದ್ದು ತಾವೇನೆಂದೂ ಕ್ರಿಕೆಟ್​ ಜಗತ್ತಿಗೆ ತೋರಿಸಿಕೊಟ್ಟಿದ್ದಾರೆ.

ಒಂದು ವರ್ಷದಲ್ಲಿ ರೋಹಿತ್​ ಬ್ಯಾಟಿಂಗ್​ ದಾಖಲೆ

ಏಕದಿನ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ರನ್​(1910)
ಏಕದಿನ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಶತಕ (09)
ಏಕದಿನ ಕ್ರಿಕೆಟ್​ನಲ್ಲಿ ಹೆಚ್ಚು 50+ ಸ್ಕೋರ್​(17)
ಏಕದಿನ ಕ್ರಿಕೆಟ್​ನಲ್ಲಿ ಹೆಚ್ಚು ಬೌಂಡರಿ(179)
ಏಕದಿನ ಕ್ರಿಕೆಟ್​ನಲ್ಲಿ ಹೆಚ್ಚು ಸಿಕ್ಸರ್​(59 ಕ್ರಿಸ್​ ಗೇಲ್​ ಕೂಡ 59)
ಬ್ಯಾಟಿಂಗ್​ ಸರಾಸರಿ (70.74)
ವಿಶ್ವಕಪ್​ನಲ್ಲಿ ಗರಿಷ್ಠ ಸ್ಕೋರರ್​(648)

ಇಷ್ಟೆಲ್ಲ ಸಾಧನೆ ಮಾಡಿರುವ ರೋಹಿತ್​ ಶರ್ಮಾರ ನಾಯಕನಾಗಿಯೂ ಕೂಡ ಮಿಂಚಿದ್ದು, ಏಷ್ಯಾಕಪ್​ ಹಾಗೂ 12ನೇ ಆವೃತ್ತಿಯ ಐಪಿಎಲ್​ ಟ್ರೋಫಿಗಳನ್ನು ಜಯಿಸಿದ್ದಾರೆ. ಇದೀಗ ವಿಂಡೀಸ್​ ಪ್ರವಾಸಕ್ಕೆ ಟೆಸ್ಟ್​ ತಂಡಕ್ಕೆ ರೋಹಿತ್​ಗೆ ಅವಕಾಶ ಸಿಗುವುದೇ ಎಂದು ಕಾದುನೋಡಬೇಕಿದೆ.