ಬೆಂಗಳೂರು: ಭಾರತ ತಂಡದ ಹಿಟ್ಮ್ಯಾನ್ ಎಂದೇ ಖ್ಯಾತರಾಗಿರುವ ರೋಹಿತ್ ಶರ್ಮಾ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 98ನೇ ಪಂದ್ಯವಾಡುವ ಮೂಲಕ ಮಾಜಿ ನಾಯಕ ಎಂ ಎಸ್ ಧೋನಿ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ದಕ್ಷಿಣ ಅಫ್ರಿಕಾ ವಿರುದ್ಧ ರೋಹಿತ್ ಶರ್ಮಾ ವೃತ್ತಿ ಜೀವನದ 98 ಟಿ20 ಪಂದ್ಯವಾಡಿದರು. ಈ ಮೂಲಕ ಭಾರತ ತಂಡದ ಮಾಜಿ ನಾಯಕ ಎಂ ಎಸ್ ಧೋನಿ ದಾಖಲೆಯನ್ನು ಸರಿಗಟ್ಟಿ ಅತಿ ಹೆಚ್ಚು ಟಿ20 ಪಂದ್ಯವಾಡಿದ ಭಾರತೀಯ ಎಂಬ ದಾಖಲೆಯನ್ನು ಧೋನಿ ಜೊತೆ ಹಂಚಿಕೊಂಡರು. ಪಾಕಿಸ್ತಾನದ ಶೋಯಬ್ ಮಲ್ಲಿಕ್, ಶಾಹಿದ್ ಅಫ್ರಿದಿ ನಂತರದ ಸ್ಥಾನ ಪಡೆದರು. ಶೋಯಬ್ ಮಲಿಕ್ 111 ಹಾಗೂ ಅಫ್ರಿದಿ 99 ಟಿ20 ಪಂದ್ಯಗಳನ್ನಾಡಿ ಮೊದಲೆರಡು ಸ್ಥಾನದಲ್ಲಿದ್ದಾರೆ.