ರೋಹಿತ್​,ಧವನ್​,ರಾಹುಲ್​​ಗೋಸ್ಕರ ತಮ್ಮ ಸ್ಥಾನವನ್ನೆ ತ್ಯಾಗ ಮಾಡಲಿದ್ದಾರೆ ಕ್ಯಾಪ್ಟನ್​ ಕೊಹ್ಲಿ!

ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯಲ್ಲಿ ಆರಂಭಿದ ಮೂರು ಕ್ರಮಾಂಕದಲ್ಲಿ ರೋಹಿತ್​, ಧವನ್​ ಹಾಗೂ ರಾಹುಲ್​ ಆಡಲಿದ್ದು ತಾವೂ ಕೆಳ ಕ್ರಮಾಂದಲ್ಲಿ ಆಡುವುದಾಗಿ ಕೊಹ್ಲಿ ತಿಳಿಸಿದ್ದಾರೆ.

ಮುಂಬೈ: ಮಂಗಳವಾರದಿಂದ ನಡೆಯಲಿರುವ ಆಸ್ಟ್ರೇಲಿಯಾ ವಿರುದ್ಧದ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ರಾಹುಲ್​, ಧವನ್​ ಹಾಗೂ ರೋಹಿತ್​ ಶರ್ಮಾ ಮೂವರು ಆಡಲಿದ್ದಾರೆ ಎಂದು ಭಾರತ ತಂಡದ ನಾಯಕ ವಿರಾಟ್​ ಕೊಹ್ಲಿ ತಿಳಿಸಿದ್ದಾರೆ.

ಗಾಯದಿಂದ ಚೇತರಿಸಿಕೊಂಡಿದ್ದ ಶಿಖರ್​ ಧವನ್​ ಶ್ರೀಲಂಕಾ ವಿರುದ್ಧದ ಟಿ20 ಸರಣಿಯಲ್ಲಿ ಉತ್ತಮವಾಗಿ ಬ್ಯಾಟಿಂಗ್ ನಡೆಸಿ ತಮ್ಮ ಸಾಮರ್ಥ್ಯ ಸಾಭೀತುಪಡಿಸಿದ್ದಾರೆ. ಇನ್ನು ರಾಹುಲ್​ ಕಳೆದ ಎರಡು ಮೂರು ಸರಣಿಗಳಲ್ಲಿ ಧವನ್​- ರೋಹಿತ್​ ಅನುಪಸ್ಥಿತಿಯಲ್ಲಿ ಆರಂಭಿಕನಾಗಿ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ. ಆದರೆ ರೋಹಿತ್​-ಧವನ್ ಇಬ್ಬರೂ​ ತಂಡಕ್ಕೆ ಆಗಮಿಸಿರುವುದರಿಂದ ರಾಹುಲ್​ ತಂಡದಿಂದ ಹೊರಬೀಳಬಹುದು ಎಂಬ ಗೊಂದಲಕ್ಕೆ ಕೊಹ್ಲಿ ತೆರೆ ಎಳೆದಿದ್ದು ತಾವೇ 3ನೇ ಕ್ರಮಾಂಕವನ್ನು ಬಿಟ್ಟುಕೊಡಲು ನಿರ್ಧರಿಸಿರುವುದಾಗಿ ತಿಳಿಸಿದ್ದಾರೆ.

" ಫಾರ್ಮ್​ನಲ್ಲಿರುವ ಒಬ್ಬ ಆಟಗಾರ ತಂಡಕ್ಕೆ ಉತ್ತಮ ಕೊಡುಗೆ ನೀಡಿದ್ದಾನೆಂದರೆ, ಅಂತಹ ಆಟಗಾರರನ್ನು ನೀವು ಖಂಡಿತ ತಂಡದಲ್ಲಿ ಉಳಿಸಿಕೊಳ್ಳಬೇಕಾಗುತ್ತದೆ ಹಾಗೂ ತಂಡಕ್ಕೆ ಅಗತ್ಯವಾದ ಸಂಯೋಜನೆಯನ್ನು ಆಯ್ಕೆ ಮಾಡಬೇಕಾಗುತ್ತದೆ. ಹೀಗಾಗಿ ಆ ಮೂವರು(ರೋಹಿತ್,​ ಧವನ್​, ರಾಹುಲ್​)ಮುಂದಿನ ಪಂದ್ಯಗಳಲ್ಲಿ ಆಡುವ ಸಾಧ್ಯತೆ ಇದೆ. ಅಲ್ಲದೆ ಮೂವರು ಆಡುವುದರಿಂದ ಮೈದಾನದಲ್ಲಿನ ಸಮತೋಲನೆ ಯಾವ ರೀತಿ ಇರಲಿದೆ ಎಂಬುದೇ ಆಸಕ್ತಿಕರವಾಗಿರಲಿದೆ" ಎಂದು ಕೊಹ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ವೈಟ್​ಬಾಲ್​ ಕ್ರಿಕೆಟ್​ನಲ್ಲಿ ಆರಂಭಿಕ ಸ್ಥಾನಕ್ಕೆ ಪ್ರಬಲ ಪೈಪೋಟಿ ಕಂಡುಬರುತ್ತಿದೆ. ರೋಹಿತ್​ ಶರ್ಮಾ 2019ರಲ್ಲಿ ಆರಂಭಿಕನಾಗಿ 2442 ಅಂತಾರಾಷ್ಟ್ರೀಯ ರನ್​ಗಳಿಸಿದ್ದಾರೆ. ಇನ್ನು ಟಿ20ಯಲ್ಲಿ ರಾಹುಲ್​ 44.17 ಸರಾಸರಿಯೊಂದಿಗೆ ರನ್​ಗಳಿಸುತ್ತಿದ್ದು ಧವನ್​ರನ್ನು ಹಿಂದಿಕ್ಕಿದ್ದಾರೆ. ಆದರೆ ಧವನ್​ ಕಳೆದ ಶ್ರೀಲಂಕಾ ವಿರುದ್ಧ ಟಿ20 ಸರಣಿಯಲ್ಲಿ 2 ಪಂದ್ಯಗಳಲ್ಲಿ ಕ್ರಮವಾಗಿ 32 ಹಾಗೂ 52 ರನ್​ಗಳಿಸಿ ಸರಣಿ ಗೆಲುವಿಗೆ ಪ್ರಮುಖ ಪಾತ್ರವಹಿಸಿದ್ದರು.

ಇದೀಗ ಯಾರನ್ನು ತಂಡದಿಂದ ಬಿಡಲಾಗದ ಸ್ಥಿತಿಯಲ್ಲಿರುವ ಕೊಹ್ಲಿ ಆ ಮೂವರನ್ನು ಮೊದಲ 3 ಕ್ರಮಾಂಕದಲ್ಲಿ ಆಡಿಸಲು ತೀರ್ಮಾನಿಸಿದ್ದಾರೆ." ನನಗೆ ಕೆಳ ಕ್ರಮಾಂಕದಲ್ಲಿ ಬ್ಯಾಟಿಂಗ್​ ಮಾಡುವುದಕ್ಕೆ ಬಹಳ ಖುಷಿಯಿದೆ. 3ನೇ ಕ್ರಮಾಂಕವೇ ಬೇಕೆಂಬ ಆಸೆಯಿಲ್ಲ. ಬ್ಯಾಟಿಂಗ್​ ಮಾಡಲು ಕ್ರಮಾಂಕ ಸರಿಯಿಲ್ಲ ಎಂಬ ಭಾವನೆ ನನಗಿಲ್ಲ" ಎಂದು ಕೊಹ್ಲಿ ತಿಳಿಸಿದ್ದಾರೆ.

ನಾನೊಬ್ಬ ನಾಯಕನಾಗಿ ಭವಿಷ್ಯದ ತಮ್ಮ ಸ್ಥಾನಕ್ಕೆ ಮತ್ತೊಬ್ಬನನ್ನು ಸಿದ್ಧಪಡಿಸುವುದು ನನ್ನ ಕೆಲಸವಾಗಿದೆ. ಬಹಳಷ್ಟು ಜನರು ಈ ರೀತಿ ಆಲೋಚನೆ ಮಾಡದಿರಬಹುದು. ಆದre ನಾಯಕನಾಗಿ ನಿಮ್ಮ ನಂತರ ಸುಭದ್ರ ತಂಡವನ್ನು ಸಿದ್ದಪಡಿಸಿ ನೀವು ನಿರ್ಗಮಿಸಬೇಕಾಗುತ್ತದೆ ಎಂದು ಕೊಹ್ಲಿ ಅಭಿಪ್ರಾಯಪಟ್ಟಿದ್ದಾರೆ.