ಕೆ.ಎಲ್.ರಾಹುಲ್​ ಮಿಂಚಿನ ಸ್ಟಂಪಿಂಗ್​: ಟ್ರೋಲ್​ಗೊಳಗಾದ ರಿಷಭ್​ ಪಂತ್

ಆಸ್ಟ್ರೇಲಿಯಾ ವಿರುದ್ಧದ 2ನೇ ಏಕದಿನ ಪಂದ್ಯದ ವೇಳೆ ಬ್ಯಾಟಿಂಗ್​ನಲ್ಲಿ ಮಿಂಚು ಹರಿಸಿದ್ದ ಕೆ.ಎಲ್.​ರಾಹುಲ್​ ವಿಕೆಟ್​ ಕೀಪಿಂಗ್​​ನಲ್ಲೂ ತಮ್ಮ ಕೈಚಳಕ ತೋರಿಸಿದ್ದಾರೆ.

ರಾಜ್​​ಕೋಟ್​​: ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಕೆ.ಎಲ್.ರಾಹುಲ್​ ವಿಕೆಟ್​ ಹಿಂದುಗಡೆ ಮಿಂಚಿನ ಸ್ಟಂಪಿಂಗ್​ ಮಾಡಿದ್ದು, ಎಲ್ಲರ ಮೆಚ್ಚುಗೆಗೆ ಕಾರಣವಾಗಿದೆ.

33 ರನ್​ಗಳಿಕೆ ಮಾಡಿದ್ದ ಕಾಂಗರೂ ತಂಡದ ಆ್ಯರೋನ್​ ಫಿಂಚ್​​ ಮುಂದುಗಡೆ ಹೋಗಿ ಬ್ಯಾಟ್​ ಮಾಡುವ ಯತ್ನ ನಡೆಸಿದ್ರು. ಈ ವೇಳೆ ವಿಕೆಟ್​ ಕೀಪಿಂಗ್​ ಮಾಡ್ತಿದ್ದ ರಾಹುಲ್​ ಕ್ಷಣಮಾತ್ರದಲ್ಲಿ ಮಿಂಚಿನ ವೇಗದಲ್ಲಿ ಸ್ಟಂಪ್​ ಮಾಡಿ ಅವರ ವಿಕೆಟ್​​ ಕಿತ್ತಿದ್ದಾರೆ. ಇದೇ ವಿಷಯವನ್ನಿಟ್ಟುಕೊಂಡು ನೆಟಿಜನ್ಸ್​ ವಿಕೆಟ್​ ಕೀಪರ್​ ರಿಷಭ್​ ಪಂತ್​ ಅವರನ್ನ ಟ್ರೋಲ್​ ಮಾಡಿದ್ದಾರೆ.

ಟೀಂ ಇಂಡಿಯಾ ಕೀಪರ್​ ಆಗಿ ಜವಾಬ್ದಾರಿ ನಿರ್ವಹಿಸುತ್ತಿರುವ ರಿಷಭ್​ ಪಂತ್​ ಅನೇಕ ಸಲ ಸ್ಟಂಪಿಂಗ್​ ಮಾಡುವ ಚಾನ್ಸ್​ ಇದ್ದರೂ ಅದನ್ನು ಮಿಸ್​ ಮಾಡಿಕೊಂಡಿದ್ದು, ಕೆಲವೊಂದು ಡಿಆರ್​​ಎಸ್​​ ಪಡೆದುಕೊಳ್ಳುವ ವೇಳೆ ಸಹ ವಿಫಲಗೊಂಡಿದ್ದಾರೆ. ಹೀಗಾಗಿ ಸಾಮಾಜಿಕ ಜಾಲತಾಣದಲ್ಲಿ ಇದೇ ವಿಷಯವನ್ನಿಟ್ಟುಕೊಂಡು ಅವರನ್ನು ಟ್ರೋಲ್​ ಮಾಡಲಾಗಿದೆ.

ಇನ್ನು ಬ್ಯಾಟಿಂಗ್​​ನಲ್ಲೂ ಮಿಂಚು ಹರಿಸಿರುವ ಕೆ.ಎಲ್. ರಾಹುಲ್​ ಕೇವಲ 52 ಎಸೆತಗಳಲ್ಲಿ ಬರೋಬ್ಬರಿ 80 ರನ್​ಗಳಿಕೆ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ.