ಲಂಡನ್:ಇಂಗ್ಲೆಂಡ್ ವಿರುದ್ಧ ಮೂರು ಮಾದರಿಯ ಕ್ರಿಕೆಟ್ನಲ್ಲೂ ಅದ್ಭುತ ಪ್ರದರ್ಶನ ತೋರಿರುವ ರಿಷಭ್ ಪಂತ್ ಒಬ್ಬ 'ಅಪರೂಪದ ಪ್ರತಿಭೆ' ಎಂದು ಕರೆದಿರುವ ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗ ಇಯಾನ್ ಬೆಲ್, ಆತನಿಲ್ಲದ ಭಾರತ ತಂಡವನ್ನು ಊಹಿಸಿಕೊಳ್ಳಲು ಸಾಧ್ಯವಿಲ್ಲ ಎಂದಿದ್ದಾರೆ.
ಟೆಸ್ಟ್ ಸರಣಿಯ ನಂತರ ಸೀಮಿತ ಓವರ್ಗಳ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ್ದ ಪಂತ್ ಕೊನೆಯ 2 ಏಕದಿನ ಪಂದ್ಯಗಳಲ್ಲಿ 4ನೇ ಕ್ರಮಾಂಕಕ್ಕೆ ಬಡ್ತಿ ಪಡೆದಿದ್ದರು. ಎರಡೂ ಪಂದ್ಯಗಳಲ್ಲೂ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಅರ್ಧಶತಕ ದಾಖಲಿಸಿ 2-1ರಲ್ಲಿ ಏಕದಿನ ಸರಣಿ ಗೆಲ್ಲಲು ನೆರವಾಗಿದ್ದರು.
"ನಾವು ಪ್ರಬುದ್ಧ ಸರಣಿಯನ್ನು ನೋಡಿದ್ದೇವೆ. ಈ ಕ್ಷಣಗಳಲ್ಲಿ ಪಂತ್ ರೀತಿ ಆಡಿದವರನ್ನು ನೋಡಿದ್ದು ಅಪರೂಪ. ಇದು ಅವರ ಯಶಸ್ವಿ ವೃತ್ತಿಜೀವನದ ಆರಂಭ. ಆತನದು ನಂಬಲಸಾಧ್ಯವಾದ ಆಟ, ನಿಜವಾದ ಮ್ಯಾಚ್ ವಿನ್ನರ್" ಎಂದು ಯುವ ಆಟಗಾರನನ್ನು ಗುಣಗಾನ ಮಾಡಿದ್ದಾರೆ.