'ಮೊದಲು ಕಪ್ ಗೆಲ್ಲಿ, ಆಮೇಲೆ ಟ್ವೀಟ್ ಮಾಡಿ'..! ಆರ್​ಸಿಬಿಗೆ ನೆಟಿಜನ್ಸ್ ಬುದ್ಧಿಮಾತು

ಆರ್​ಸಿಬಿ ಟ್ವೀಟ್​ಗೆ ನೆಟಿಜನ್ಸ್ ವಿವಿಧ ರೀತಿಯಲ್ಲಿ ಕಾಲೆಳೆದಿದ್ದಾರೆ. ಚೆಂಡು ಹುಡುಕುವ ಬದಲು ಪಂದ್ಯ ಗೆಲ್ಲೋದು ಹೇಗೆ ಎಂದು ಆರ್​ಸಿಬಿಗೆ ತಿಳಿಸುವ ಅಗತ್ಯವಿದೆ ಎಂದು ಕಾಮೆಂಟ್ ಬಂದಿದೆ.

ಹೈದರಾಬಾದ್:ಎಬಿಡಿ ವಿಲಿಯರ್ಸ್​ ವಿರಾಟ್ ಕೊಹ್ಲಿ ಬಾರಿಸಿರುವ ಚೆಂಡನ್ನು ಹುಡುಕಿಕೊಡಿ ಎಂದು ನಾಸಾಗೆ ಮನವಿ ಮಾಡಿರುವ ಆರ್​ಸಿಬಿ ಟ್ವೀಟ್​ ಟ್ರೋಲಿಗರಿಗೆ ಆಹಾರವಾಗಿದೆ.

ಆರ್​ಸಿಬಿ ಆಟಗಾರರಾದ ವಿರಾಟ್ ಕೊಹ್ಲಿ ಹಾಗೀ ವಿಲಿಯರ್ಸ್​

ವಿಕ್ರಮ್ ಲ್ಯಾಂಡರ್ ಪತ್ತೆ ಮಾಡಿರುವ ಬಗ್ಗೆ ಮಂಗಳವಾರ ನಾಸಾ ಆಧಿಕೃತವಾಗಿ ಘೋಷಿಸಿಕೊಂಡಿತ್ತು. ಇದೇ ವಿಚಾರಕ್ಕೆ ಟ್ವೀಟ್ ಮಾಡಿದ್ದ ಆರ್​ಸಿಬಿ, ವಿರಾಟ್ ಹಾಗೂ ಎಬಿಡಿ ಹೊಡೆದಿರವ ಚೆಂಡನ್ನು ಪತ್ತೆ ಹಚ್ಚಲು ಸಹಕರಿಸಿ ಎಂದು ನಾಸಾಗೆ ಮನವಿ ಮಾಡಿತ್ತು.

ಆರ್​ಸಿಬಿ ಟ್ವೀಟ್​ಗೆ ನೆಟಿಜನ್ಸ್ ವಿವಿಧ ರೀತಿಯಲ್ಲಿ ಕಾಲೆಳೆದಿದ್ದಾರೆ. ಚೆಂಡು ಹುಡುಕುವ ಬದಲು ಪಂದ್ಯ ಗೆಲ್ಲೋದು ಹೇಗೆ ಎಂದು ಆರ್​ಸಿಬಿಗೆ ತಿಳಿಸುವ ಅಗತ್ಯವಿದೆ ಎಂದು ಕಾಮೆಂಟ್ ಬಂದಿದೆ.

ಆರ್​ಸಿಬಿ ಟ್ವಿಟರ್ ಅಡ್ಮಿನ್ ಬದಲಾಯಿಸಿ, ಪಂದ್ಯ ಸೋಲೋದು ಸಹ ಈ ಟ್ವೀಟ್​​ನಲ್ಲಿ ಕೆಟ್ಟದಾಗಿರುವುದಿಲ್ಲ ಎನ್ನುವುದು ಇನ್ನೊಂದು ಕಾಮೆಂಟ್. ಮೊದಲು ಕಪ್​ ಗೆಲ್ಲೋದಿಕ್ಕೆ ಸಮರ್ಥ ವ್ಯಕ್ತಿಯನ್ನು ಹುಡುಕಿ ಎಂದು ಮತ್ತೊಂದು ಕಾಮೆಂಟ್ ಬಂದಿದೆ.