ಜಿಂಬಾಬ್ವೆ ವಿರುದ್ಧ 2ನೇ ಟೆಸ್ಟ್​ ಗೆದ್ದು ಸರಣಿಯನ್ನು 1-1ರಲ್ಲಿ ಡ್ರಾ ಸಾಧಿಸಿದ ಆಫ್ಘಾನಿಸ್ತಾನ

ಅದ್ಭುತ ಬೌಲಿಂಗ್ ನಡೆಸಿದ ರಶೀದ್ ಖಾನ್​ 7 ವಿಕೆಟ್ ಪಡೆದರೆ, ಅಮೀರ್ ಹಂಝಾ, ಶಿರ್ಜಾದ್ ಮತ್ತು ಜಾವೇದ್ ಅಹ್ಮದಿ ತಲಾ ಒಂದು ವಿಕೆಟ್​ ಪಡೆದರು. 108 ರನ್​ಗಳ ಗುರಿಯನ್ನು ಆಫ್ಘಾನಿಸ್ತಾನ 26.1 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿತು. ಅಲ್ಲದೆ 2 ಪಂದ್ಯಗಳ ಟೆಸ್ಟ್​ ಸರಣಿಯನ್ನು 1-1ರಲ್ಲಿ ಸಮಬಲ ಸಾಧಿಸಿತು..

ದುಬೈ :ಜಿಂಬಾಬ್ವೆ ವಿರುದ್ಧ ಆಲ್​ರೌಂಡ್ ಪ್ರದರ್ಶನ ತೋರಿದ ಆಫ್ಘಾನಿಸ್ತಾನ ತಂಡ 2ನೇ ಟೆಸ್ಟ್​ ಪಂದ್ಯವನ್ನು 6 ವಿಕೆಟ್​ಗಳಿಂದ ಗೆಲ್ಲುವ ಮೂಲಕ ಸರಣಿಯನ್ನು 1-1ರಲ್ಲಿ ಸಮಬಲ ಸಾಧಿಸಿದೆ.

ಮೊದಲ ಇನ್ನಿಂಗ್ಸ್​ನಲ್ಲಿ ಆಫ್ಘಾನಿಸ್ತಾನ 545 ರನ್​ ಗಳಿಸಿತ್ತು. ಇದಕ್ಕುತ್ತರವಾಗಿ ಜಿಂಬಾಬ್ವೆ ಮೊದಲ ಇನ್ನಿಂಗ್ಸ್​ನಲ್ಲಿ 287 ರನ್​ಗಳಿಗೆ ಆಲೌಟ್​ ಆಗಿದ್ದರಿಂದ ಆಫ್ಘಾನಿಸ್ತಾನ, ಜಿಂಬಾಬ್ವೆ ಮೇಲೆ ಫಾಲೋ ಆನ್ ಹೇರಿತ್ತು.

258 ರನ್​ಗಳ ಹಿನ್ನಡೆಯೊಂದಿಗೆ 2ನೇ ಇನ್ನಿಂಗ್ಸ್​ ಆರಂಭಿಸಿದ ಜಿಂಬಾಬ್ವೆ 4ನೇ ದಿನ 266 ರನ್​ ಗಳಿಸಿತ್ತು. 5ನೇ ದಿನ ಈ ಮೊತ್ತಕ್ಕೆ 85 ರನ್​ ಸೇರಿಸಿ 365ರನ್‌ಗಳಿಗೆ ಆಲೌಟ್​ ಆಗುವ ಮೂಲಕ ಅತಿಥೇಯ ಆಫ್ಘಾನಿಸ್ತಾನಕ್ಕೆ ಗೆಲ್ಲಲು 108 ರನ್​ಗಳ ಗುರಿ ನೀಡಿತ್ತು.

ಅದ್ಭುತ ಬೌಲಿಂಗ್ ನಡೆಸಿದ ರಶೀದ್ ಖಾನ್​ 7 ವಿಕೆಟ್ ಪಡೆದರೆ, ಅಮೀರ್ ಹಂಝಾ, ಶಿರ್ಜಾದ್ ಮತ್ತು ಜಾವೇದ್ ಅಹ್ಮದಿ ತಲಾ ಒಂದು ವಿಕೆಟ್​ ಪಡೆದರು. 108 ರನ್​ಗಳ ಗುರಿಯನ್ನು ಆಫ್ಘಾನಿಸ್ತಾನ 26.1 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು ಗೆಲುವಿನ ನಗೆ ಬೀರಿತು. ಅಲ್ಲದೆ 2 ಪಂದ್ಯಗಳ ಟೆಸ್ಟ್​ ಸರಣಿಯನ್ನು 1-1ರಲ್ಲಿ ಸಮಬಲ ಸಾಧಿಸಿತು.

ಸಂಕ್ಷಿಪ್ತ ಸ್ಕೋರ್ :

• ಆಫ್ಘಾನಿಸ್ತಾನ ಮೊದಲ ಇನ್ನಿಂಗ್ಸ್​: 545-4 ಡಿಕ್ಲೇರ್ : ಶಾಹಿದಿ 200*, ಅಸ್ಗರ್ ಆಫ್ಘನ್​ 164, ಇಬ್ರಾಹಿಂ ಜಾಡ್ರನ್ 72, ನಾಸಿರ್ ಜಮಲ್ 55
• ಜಿಂಬಾಬ್ವೆ ಮೊದಲ ಇನ್ನಿಂಗ್ಸ್​ 287-10 : ಮಸ್ವರೆ 65, ಕೆವಿನ್ ಕಸುಜಾ 41, ಮುಸಕಂಡ 41, ಸಿಕಂದರ್ ರಾಜಾ 85, ರಶೀದ್ ಖಾನ್ 138ಕ್ಕೆ4, ಅಮೀರ್ ಹಂಝಾ 73ಕ್ಕೆ3, ಶಿರ್ಜಾದ್​ 48ಕ್ಕೆ2
• ಜಿಂಬಾಬ್ವೆ 2ನೇ ಇನ್ನಿಂಗ್ಸ್​ 365ಕ್ಕೆ ಆಲೌಟ್ : ಸೀನ್ ವಿಲಿಯಮ್ಸ್​ ಅಜೇಯ 151, ಟ್ರಿಪಾನೋ 95, ರಶೀದ್ ಖಾನ್ 137ಕ್ಕೆ 7
• ಆಫ್ಘಾನಿಸ್ತಾನ 2ನೇ ಇನ್ನಿಂಗ್ಸ್​ 26.1 ಓವರ್​ಗಳಲ್ಲಿ 108-4: ರಹ್ಮತ್ ಶಾ 58, ಇಬ್ರಾಹಿಮ್ ಜಾಡ್ರನ್ 28, ಮುಜರಬನಿ 25ಕ್ಕೆ 2, ರಿಯಾನ್ ಬರ್ಲ್​ 16ಕ್ಕೆ 2