ವುಮೆನ್ಸ್​ ಟಿ20 ಚಾಲೆಂಜ್​ನ 3ನೇ ಟ್ರೋಫಿ ಗೆಲ್ಲಲು ಸೂಪರ್​ನೋವಾಸ್​ಗೆ 119ರನ್​ಗಳ ಟಾರ್ಗೆಟ್​

ಮಂಧಾನ ಅವರ ಅರ್ಧಶತಕದ ಹೊರೆತಾಗಿಯೂ ಟ್ರೈಲ್ ಬ್ಲೇಜರ್ಸ್​ ತಂಡ ಕೇವಲ 119 ರನ್​ಗಳ ಸಾಧಾರಣ ಟಾರ್ಗೆಟ್​ ನೀಡಿದೆ.

ಶಾರ್ಜಾ: ರಾಧ ಯಾದವ್​ ಅವರು 5 ವಿಕೆಟ್​ ಗೊಂಚಲಿನ ನೆರವಿನಿಂದ ಹಾಲಿ ಚಾಂಪಿಯನ್ಸ್​ ಸೂಪರ್ ನೋವಾಸ್​ ವುಮೆನ್ಸ್ ಟಿ20 ಚಾಲೆಂಜ್​​ನಲ್ಲಿ ಟ್ರೈಲ್ ಬ್ಲೇಜರ್ಸ್​ ತಂಡವನ್ನು ಕೇವಲ 118 ರನ್​ಗಳಿಗೆ ನಿಯಂತ್ರಿಸಿದೆ.

ಟಾಸ್​ ಸೋತರು ಬ್ಯಾಟಿಂಗ್ ನಡೆಸಿದ ಸ್ಮೃತಿ ಮಂಧಾನ ಹಾಗೂ ದೊಟ್ಟಿನ್ ಮೊದಲ ವಿಕೆಟ್ಗೆ 71 ರನ್​ಗಳ ಜೊತೆಯಾಟ ನೀಡಿದರು. ಇಂದು ರನ್​ಗಳಿಸಲು ಪರದಾಡಿದ ದೊಟ್ಟಿನ್ 32 ಎಸೆತಗಳಲ್ಲಿ 20 ರನ್​ಗಳಿಸಿ ಔಟಾದರು. ಆದರೆ ಅಬ್ಬರದ ಬ್ಯಾಟಿಂಗ್ ಮಾಡಿದ ಮಂಧಾನ 49 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 3 ಸಿಕ್ಸರ್​ ಸಹಿತ 68 ರನ್​ಗಳಿಸಿದರು.

ಮಂಧಾನ ಔಟಾಗುತ್ತಿದ್ದಂತೆ ಟ್ರೈಲ್ ಬ್ಲೇಜರ್ಸ್​ ಪೆವಿಲಿಯನ್ ಪರೇಡ್ ನಡೆಸಿದರು. ಆದರೆ ರಿಚಾ ಘೋಷ್ 10, ದೀಪ್ತಿ ಶರ್ಮಾ 9, ಹರ್ಲೀನ್ ಡಿಯೋಲ್ 1, ಗೋಸ್ವಾಮಿ 1ರನ್​ಗಳಿಗೆ ವಿಕೆಟ್ ಒಪ್ಪಿಸಿದ್ದರಿಂದ ಟ್ರೈಲ್ ಬ್ಲೇಜರ್ಸ್​ 20 ಓವರ್​ಗಳಲ್ಲಿ 8 ವಿಕೆಟ್ ಕಳೆದುಕೊಂಡು ಕೇವಲ 118 ರನ್​ಗಳಿಸಿದರು.

ಸೂಪರ್ ನೋವಾಸ್ ಕಡೆ ರಾಧ ಯಾದವ್​ 20 ರನ್​ಗಳಿಗೆ 5 ವಿಕೆಟ್​ ಪಡೆದರೆ, ಸಿರಿವರ್ದನೆ ಮತ್ತು ಪೂನಮ್ ಯಾದವ್​ ತಲಾ ಒಂದು ವಿಕೆಟ್​ ಪಡೆದರು.