ಪೃಥ್ವಿ ಶಾ ಅಬ್ಬರದ 150: ನ್ಯೂಜಿಲ್ಯಾಂಡ್​ ಎ ವಿರುದ್ಧ ಭಾರತ ಎ ತಂಡಕ್ಕೆ 12 ರನ್​ಗಳ ರೋಚಕ ಜಯ

3 ಅನಧಿಕೃತ ಏಕದಿನ ಪಂದ್ಯ, 2 ಅನಧಿಕೃತ ಟೆಸ್ಟ್​ ಪಂದ್ಯಗಳನ್ನಾಡಲು ಭಾರತ ಎ ತಂಡ ನ್ಯೂಜಿಲ್ಯಾಂಡ್ ಪ್ರವಾಸ ಕೈಗೊಂಡಿದೆ. ಈ ಸರಣಿಗಾಗಿ ನಡೆದ ಅಭ್ಯಾಸ ಪಂದ್ಯದಲ್ಲಿ ಯುವ ಆಟಗಾರರು ಕಿವೀಸ್​ ಬೌಲರ್​ಗಳನ್ನು ಚೆಂಡಾಡಿದ್ದಾರೆ. ಟಾಸ್ ​ಗೆದ್ದು ಬ್ಯಾಟಿಂಗ್​ ನಡೆಸಿದ ಶುಬ್ಮನ್​ ಗಿಲ್​ ಪಡೆ 49.2 ಓವರ್​ಗಳಲ್ಲಿ 372 ರನ್​ಗಳಿಸಿ ಆಲೌಟ್​ ಆದರೆ ಇದಕ್ಕುತ್ತರವಾಗಿ ನ್ಯೂಜಿಲ್ಯಾಂಡ್​ ಎ ತಂಡ 50 ಓವರ್​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು 360 ರನ್​ಗಳಿಸಿ 12 ರನ್​ಗಳ ಸೋಲನುಭವಿಸಿತು.

ಲಿಂಕನ್​:ಫಿಟ್​ನೆಸ್​ ಸಾಬೀತುಪಡಿಸಿ ಏಕಾಂಗಿಯಾಗಿ ಕಿವೀಸ್​ ಪ್ರವಾಸಕ್ಕೆ ತೆರಳಿದ್ದ ಪೃಥ್ವಿ ಶಾ ನ್ಯೂಜಿಲ್ಯಾಂಡ್​ ಎ ವಿರುದ್ಧದ ಎರಡನೇ ಅಭ್ಯಾಸ ಪಂದ್ಯದಲ್ಲಿ ಭರ್ಜರಿ 150 ರನ್​ಗಳಿಸಿ ಮಿಂಚಿದ್ದಾರೆ.

3 ಅನಧಿಕೃತ ಏಕದಿನ ಪಂದ್ಯ, 2 ಅನಧಿಕೃತ ಟೆಸ್ಟ್​ ಪಂದ್ಯಗಳನ್ನಾಡಲು ಭಾರತ ಎ ತಂಡ ನ್ಯೂಜಿಲ್ಯಾಂಡ್ ಪ್ರವಾಸ ಕೈಗೊಂಡಿದೆ. ಈ ಸರಣಿಗಾಗಿ ನಡೆದ ಅಭ್ಯಾಸ ಪಂದ್ಯದಲ್ಲಿ ಯುವ ಆಟಗಾರ ಕಿವೀಸ್​ ಬೌಲರ್​ಗಳನ್ನು ಚೆಂಡಾಡಿದ್ದಾರೆ. ಟಾಸ್ ​ಗೆದ್ದು ಬ್ಯಾಟಿಂಗ್​ ನಡೆಸಿದ ಶುಬ್ಮನ್​ ಗಿಲ್​ ಪಡೆ 49.2 ಓವರ್​ಗಳಲ್ಲಿ 372 ರನ್​ಗಳಿಸಿ ಆಲೌಟ್​ ಆದರೆ ಇದಕ್ಕುತ್ತರವಾಗಿ ನ್ಯೂಜಿಲ್ಯಾಂಡ್​ ಎ ತಂಡ 50 ಓವರ್​ಗಳಲ್ಲಿ 6 ವಿಕೆಟ್​ ಕಳೆದುಕೊಂಡು 360 ರನ್​ಗಳಿಸಿ 12 ರನ್​ಗಳ ಸೋಲನುಭವಿಸಿತು.

ಮೊದಲು ಬ್ಯಾಟಿಂಗ್​ ನಡೆಸಿದ ಭಾರತ ತಂಡದ ಯುವ ಬ್ಯಾಟ್ಸ್​ಮನ್​ ಪೃಥ್ವಿ ಶಾ 100 ಎಸೆತಗಳಲ್ಲಿ 22 ಬೌಂಡರಿ ಹಾಗೂ 2 ಸಿಕ್ಸರ್​ ಸಹಿತ 150 ರನ್​ಗಳಿಸಿದರೆ, ವಿಜಯ್​ ಶಂಕರ್​ 58, ಮಯಾಂಕ್​ ಅಗರ್​ವಾಲ್​ 32, ಶುಬ್ಮನ್​ ಗಿಲ್​ 24, ಸೂರ್ಯಕುಮಾರ್​ ಯಾದವ್ 26, ಕೃನಾಲ್​ ಪಾಂಡ್ಯ 32 ರನ್​ಗಳಿಸಿದರು.

373 ರನ್​ಗಳ ಗುರಿ ಪಡೆದಿದ್ದ ನ್ಯೂಜಿಲ್ಯಾಂಡ್​ ಎ ತಂಡದ ಪರ ಜಾಕ್​ ಬಾಯ್ಲ್​ 130, ಫಿನ್ ಅಲೆನ್​ 87, ಡೆರಿಲ್​ ಮಿಚೆಲ್​ 41, ಡೇನ್​ ಕ್ಲೆವರ್​ ಔಟಾಗದೆ 44 ರನ್​ಗಳಿಸಿ ಗೆಲುವಿಗಾಗಿ ಪೈಪೋಟಿ ನೀಡಿದರಾದರೂ 50 ಓವರ್​ಗಳಲ್ಲಿ 360 ರನ್​ಗಳಿಸಷ್ಟೇ ಶಕ್ತರಾಗಿ 12 ರನ್​ಗಳ ಸೋಲು ಕಂಡರು.

ಈಶಾನ್​ ಪೊರೆಲ್​ 2 ವಿಕೆಟ್​, ಕೃನಾಲ್​ ಪಾಂಡ್ಯ 2 , ಸಿರಾಜ್​ ಹಾಗೂ ಅಕ್ಷರ್​ ಪಟೇಲ್​ ತಲಾ ಒಂದು ವಿಕೆಟ್ ಪಡೆದರು.

ಭಾರತ ಮೊದಲ ಅಭ್ಯಾಸ ಪಂದ್ಯದಲ್ಲೂ 92 ರನ್​ಗಳ ಜಯ ಸಾಧಿಸಿತ್ತು.

ಎರಡು ತಂಡಗಳ ಏಕದಿನ ಸರಣಿ ಜನವರಿ 22 ರಿಂದ ಆರಂಭವಾಗಲಿದೆ.