ಲಾಹೋರ್: ನವೆಂಬರ್ 22ರಿಂದ ಡಿಸೆಂಬರ್ 1ರವರೆಗೆ ರಾವಲ್ಪಿಂಡಿಯ ಪಿಂಡಿ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ವುಮೆನ್ಸ್ ಟಿ-20 ಚಾಂಪಿಯನ್ಶಿಪ್ ನಡೆಯಲಿದೆ. 1.7 ಮಿಲಿಯನ್ ಪಾಕಿಸ್ತಾನ ರೂಪಾಯಿ ಬಹುಮಾನವುಳ್ಳ ರಾಷ್ಟ್ರೀಯ ತ್ರಿಕೋನ ಟಿ-20 ಮಹಿಳಾ ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ 42 ಮಹಿಳಾ ಕ್ರಿಕೆಟಿಗರು ಕಾರ್ಯಪ್ರವೃತ್ತರಾಗಲಿದ್ದಾರೆ.
ಮಹಿಳೆಯರ ಕ್ರಿಕೆಟ್ಗೆ ಪ್ರೋತ್ಸಾಹ ಮತ್ತು ಅವರ ಸಾಮರ್ಥ್ಯ ಸಾಬೀತುಪಡಿಸಲು ಅವಕಾಶ ನೀಡುವ ದೃಷ್ಟಿಯಲ್ಲಿ ಪಿಸಿಬಿ ಮೂರು ತಂಡಗಳ ಟೂರ್ನಿಗೆ ಚಾಲನೆ ನೀಡುತ್ತಿದೆ. 10 ದಿನಗಳ ಕಾಲ ನಡೆಯುವ ಈ ಟೂರ್ನಿಯಲ್ಲಿ ಪಿಸಿಬಿ ಬ್ಲಾಸ್ಟರ್ಸ್, ಪಿಸಿಬಿ ಚಾಂಲೆಂಜರ್ಸ್ ಮತ್ತು ಪಿಸಿಬಿ ಡೈನಾಮೈಟ್ಸ್ ತಂಡಗಳು ಸ್ಪರ್ಧಿಸಲಿವೆ.