ನನ್ನ ಜೀವನದಲ್ಲಿ ಸದಾ ನೆನಪಿರುವ ಸಂಗತಿ ಇದು: ವಿರಾಟ್ ಕೊಹ್ಲಿ

ಅರುಣ್ ಜೇಟ್ಲಿ ಮೈದಾನದಲ್ಲಿ ನನ್ನ ಹೆಸರಿನ ಪೆವಿಲಿಯನ್ ಸ್ಟ್ಯಾಂಡ್ ಇರುವುದು ಮುಂದಿನ ಯುವ ಪೀಳಿಗೆಗೆ ಸ್ಫೂರ್ತಿ ತುಂಬಲಿದೆ ಎಂದು ವಿರಾಟ್ ಕೊಹ್ಲಿ ಹೇಳಿದ್ದಾರೆ.

ನವದೆಹಲಿ:ಅರುಣ್ ಜೇಟ್ಲಿ ಕ್ರಿಕೆಟ್ ಮೈದಾನದಲ್ಲಿ ನನ್ನ ಹೆಸರಿನ ಪೆವಿಲಿಯನ್ ಸ್ಟ್ಯಾಂಡ್‌​ ಇರುವುದು ಸಂತೋಷದ ಸಂಗತಿ. ಇದು ನನ್ನ ಜೀವನದಲ್ಲಿ ಸದಾ ನೆನಪಿನಲ್ಲಿ ಉಳಿಯುವ ವಿಚಾರವಾಗಿದೆ ಎಂದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ರು.

ಈ ಬಗ್ಗೆ ಟ್ವೀಟ್ ಮಾಡಿರುವ ವಿರಾಟ್, ಈ ಗೌರವವನ್ನು ದಯಪಾಲಿಸಿದ ದೆಹಲಿ ಮತ್ತು ಜಿಲ್ಲಾ ಕ್ರಿಕೆಟ್ ಅಸೋಸಿಯೇಷನ್ ಮತ್ತು ಬಿಸಿಸಿಐಗೆ ಧನ್ಯವಾದ. ನನ್ನ ಹೆಸರಿನಲ್ಲಿ ಪೆವಿಲಿಯನ್ ಇರುವ ಸಂಗತಿಯನ್ನು ನಾನು ಜೀವನದಲ್ಲಿ ಮರೆಯಲು ಸಾಧ್ಯವಿಲ್ಲ. ಅಲ್ಲದೇ, ಈ ಗೌರವ ನಮ್ಮ ದೇಶದ ಯುವ ಕ್ರಿಕೆಟ್ ಆಟಗಾರರಿಗೂ ಸ್ಫೂರ್ತಿಯಾಗಲಿದೆ ಎಂದು ಖುಷಿ ವ್ಯಕ್ತಪಡಿಸಿದ್ದಾರೆ.

ದೆಹಲಿ ಕ್ರಿಕೆಟ್ ಅಭಿವೃದ್ಧಿಗೆ ನೀಡಿದ ಕೊಡುಗೆ ಪರಿಗಣಿಸಿ ಫಿರೋಜ್ ಷಾ ಕೋಟ್ಲಾ ಮೈದಾನವನ್ನು ಅರುಣ್ ಜೇಟ್ಲಿ ಮೈದಾನ ಎಂದು ನಿನ್ನೆಯಷ್ಟೆ ಮರುನಾಮಕರಣ ಮಾಡಲಾಗಿತ್ತು.