ನವದೆಹಲಿ:ಜಸ್ಪ್ರೀತ್ ಬುಮ್ರಾರನ್ನು ಬೇಬಿ ಬೌಲರ್ ಎಂದು ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ಪಾಕಿಸ್ತಾನದ ಮಾಜಿ ಆಲ್ರೌಂಡರ್ ಅಬ್ದುಲ್ ರಜಾಕ್ ಇದೀಗ ಮತ್ತೆ ಭಾರತೀಯರನ್ನು ಕೆಣಕಿದ್ದಾರೆ.
ವಿಶ್ವದ ಶ್ರೀಮಂತ ಟಿ20 ಲೀಗ್ ಆಗಿರುವ ಐಪಿಎಲ್ನ ಅತ್ಯುತ್ತಮ ತಂಡವನ್ನು ಪಿಎಸ್ಎಲ್ನ ಅತ್ಯುತ್ತಮ ತಂಡ ಸೋಲಿಸಲಿದೆ ಎಂದು ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.
ಪಾಕಿಸ್ತಾನ ಪ್ರೀಮಿಯರ್ ಲೀಗ್ನಲ್ಲಿ ಅತ್ಯುತ್ತಮ ಆಟಗಾರರು ಹಾಗೂ ಐಪಿಎಲ್ನ ಅತ್ಯುತ್ತಮ ಆಟಗಾರರನ್ನು ಸ್ಪರ್ಧೆಗಿಳಿಸಿದರೆ ಪಿಎಸ್ಎಲ್ ಅತ್ಯುತ್ತಮ ತಂಡ ಸುಲಭವಾಗಿ ಗೆಲ್ಲಲಿದೆ ಎಂದು ಪಾಕಿಸ್ತಾನ ಮಾಧ್ಯಮಕ್ಕೆ ನೀಡಿದ ಸಂದರ್ಶನವೊಂದರಲ್ಲಿ ರಜಾಕ್ ತಿಳಿಸಿದ್ದಾರೆ.
ರಜಾಕ್ ಹೇಳಿಕೆಯನ್ನು ಪಾಕಿಸ್ತಾನಿ ಕ್ರೀಡಾ ಲೇಖಕರೊಬ್ಬರು ಟ್ವೀಟ್ ಮಾಡಿದ್ದು, ಇದಕ್ಕೆ ಭಾರತೀಯ ಅಭಿಮಾನಿಗಳು ಕಿಡಿಕಾರಿದ್ದಾರೆ. ಐಪಿಎಲ್ನ ಪ್ರತಿಯೊಂದು ತಂಡವೂ ಪಾಕಿಸ್ತಾನ ಪ್ರೀಮಿಯರ್ ಲೀಗ್ನ ಅತ್ಯುತ್ತಮ ತಂಡವನ್ನು ಸೋಲಿಸಲಿದೆ ಎಂದು ಟ್ವೀಟ್ಗೆ ಉತ್ತರಿಸುತ್ತಿದ್ದಾರೆ. ಇನ್ನು ಕೆಲವರು ಐಪಿಎಲ್ ವಿಶ್ವದ ಅತ್ಯುತ್ತಮ ಲೀಗ್ಗಲ್ಲಿ ಮೊದಲ ಸ್ಥಾನದಲ್ಲಿದ್ದರೆ ಪಿಎಸ್ಎಲ್ ಕೊನೆಯ ಸ್ಥಾನದಲ್ಲಿದೆ ಎಂದು ಕಾಲೆಳೆದಿದ್ದಾರೆ.
ಅಲ್ಲದೆ ಪಿಎಸ್ನಲ್ಲಿ ಆಡುತ್ತಿರುವ ಎಲ್ಲಾ ವಿದೇಶಿ ಆಟಗಾರರು ಐಪಿಎಲ್ನಲ್ಲಿ ಆಡುತ್ತಿರುವವರೇ ಆಗಿದ್ದಾರೆ. ಸ್ಪರ್ಧೆ ಏರ್ಪಟ್ಟರೆ ಪಾಕಿಸ್ತಾನ್ ಲೀಗ್ ಪರ ಆಡುವರು ಯಾರು ಎಂದು ರಜಾಕ್ ಹೇಳಿಕೆಯನ್ನು ಟ್ರೋಲ್ ಮಾಡಿದ್ದಾರೆ.
