ದ್ವಿತೀಯ ಪಂದ್ಯದಲ್ಲೂ ಸೋಲು: ಬಾಂಗ್ಲಾ ಮಣಿಸಿ ಟಿ-20 ಸರಣಿ ಗೆದ್ದ ಪಾಕ್​​!

ಬಾಂಗ್ಲಾ ವಿರುದ್ಧದ 2ನೇ ಟಿ-20 ಪಂದ್ಯದಲ್ಲೂ ಪಾಕ್​ ಗೆಲುವು ದಾಖಲು ಮಾಡುವ ಮೂಲಕ ಒಂದು ಪಂದ್ಯ ಬಾಕಿ ಇರುವಾಗಲೇ ಸರಣಿ ಕೈವಶ ಮಾಡಿಕೊಂಡಿದೆ.

ಲಾಹೋರ್‌:ಮೊದಲ ಟಿ-20 ಪಂದ್ಯದಲ್ಲಿ ಭರ್ಜರಿ ಗೆಲುವು ದಾಖಲು ಮಾಡಿದ್ದ ಪಾಕಿಸ್ತಾನ, ಬಾಂಗ್ಲಾ ವಿರುದ್ಧದ ಎರಡನೇ ಟಿ-20 ಪಂದ್ಯದಲ್ಲೂ ಜಯ ಸಾಧಿಸುವ ಮೂಲಕ ಸರಣಿ ಕೈವಶ ಮಾಡಿಕೊಂಡಿದೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ನಡೆಸಿದ ಬಾಂಗ್ಲಾ ದೇಶ 20 ಓವರ್​​​ಗಳಲ್ಲಿ 6ವಿಕೆಟ್​​ನಷ್ಟಕ್ಕೆ 136ರನ್​ಗಳಿಕೆ ಮಾಡ್ತು. ಬಾಂಗ್ಲಾ ತಂಡದ ಪರ ಆರಂಭಿಕರಾಗಿ ಕಣಕ್ಕಿಳಿದ ತಮಿಮ್​ ಇಕ್ಬಾಲ್(65)​ ಬಿಟ್ಟು ಬೇರೆ ಯಾವುದೇ ಪ್ಲೇಯರ್​​ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಲಿಲ್ಲ. ಮಧ್ಯಮ ಕ್ರಮಾಂಕದಲ್ಲಿ ಹುಸೈನ್​​​​(21)ರನ್ ತಂಡಕ್ಕೆ ಅಸರೆಯಾದರು.

137ರನ್​ಗಳ ಗುರಿ ಬೆನ್ನತ್ತಿದ್ದ ಪಾಕ್​ 16.4 ಓವರ್‌ಗಳಲ್ಲಿ ಒಂದೇ ವಿಕೆಟಿಗೆ 137 ರನ್‌ ಬಾರಿಸಿತು. ನಾಯಕ ಬಾಬರ್‌ ಆಜಂ 66 ಹಾಗೂ ಮೊಹಮ್ಮದ್‌ ಹಫೀಜ್‌ 67 ರನ್‌ ಮಾಡಿ ಅಜೇಯರಾಗಿ ಉಳಿದರು. ಶುಕ್ರವಾರದ ಮೊದಲ ಪಂದ್ಯವನ್ನು ಪಾಕ್‌ 5 ವಿಕೆಟ್‌ಗಳಿಂದ ಜಯಿಸಿತ್ತು. ಈಗಾಗಲೇ ಸರಣಿಯನ್ನ ಪಾಕ್​ ತನ್ನದಾಗಿಸಿಕೊಂಡಿದ್ದು, ಸೋಮವಾರ ಫೈನಲ್​ ಪಂದ್ಯ ನಡೆಯಲಿವೆ.