ಶಾಸ್ತ್ರಿ ಅರ್ಧದಷ್ಟಿಲ್ಲ ಪಾಕ್​ ಕೋಚ್​ ಮಿಸ್ಬಾ ಸಂಬಳ... ಆದ್ರೂ ನಿಬಾಯಿಸ್ತಾರೆ ಎರಡು ಕೆಲಸ!

ಪಾಕಿಸ್ತಾನ ಕ್ರಿಕೆಟ್​ ತಂಡದ ಮುಖ್ಯ ಕೋಚ್​ ಮಿಸ್ಬಾ ಉಲ್​ ಹಕ್​ ಇದೇ ಮೊದಲ ಬಾರಿಗೆ ತಮ್ಮ ಸಂಬಳದ ವಿಚಾರವಾಗಿ ಬಹಿರಂಗವಾಗಿ ಮಾತನಾಡಿದ್ದಾರೆ.

ಇಸ್ಲಾಮಾಬಾದ್​​:ಪಾಕ್​ ಕ್ರಿಕೆಟ್​ ತಂಡದ ಮುಖ್ಯ ಕೋಚ್​ ಆಗಿ ಆಯ್ಕೆಯಾಗಿರುವ ಮಿಸ್ಬಾ ಉಲ್​ ಹಕ್​ ಇದೇ ಮೊದಲ ಬಾರಿಗೆ ತಮ್ಮ ಸ್ಯಾಲರಿ ವಿಷಯವಾಗಿ ಬಹಿರಂಗವಾಗಿ ಮಾತನಾಡಿದ್ದಾರೆ. ಲಭ್ಯವಾಗಿರುವ ಮಾಹಿತಿ ಪ್ರಕಾರ ಪಾಕ್​ ಕ್ರಿಕೆಟ್​ ಮಂಡಳಿ ಅವರಿಗೆ ವರ್ಷಕ್ಕೆ 3.4ಕೋಟಿ ರೂ ಹಣ ನೀಡುತ್ತಿದೆ ಎಂದು ತಿಳಿದು ಬಂದಿದೆ. ಹೀಗಾಗಿ ಪ್ರತಿ ತಿಂಗಳು 28 ಲಕ್ಷ ರೂ ಸಂಬಳ ಪಡೆದುಕೊಳ್ಳುತ್ತಿದ್ದಾರೆ.

ಶ್ರೀಲಂಕಾ ವಿರುದ್ಧ ಆರಂಭಗೊಳ್ಳಲಿರುವ ಕ್ರಿಕೆಟ್​ ಸರಣಿಗೂ ಮುಂಚಿತವಾಗಿ ಸುದ್ದಿಗೋಷ್ಠಿಯಲ್ಲಿ ಭಾಗಿಯಾಗಿ ಮಾತನಾಡಿರುವ ಮಿಸ್ಬಾ, ಈ ಹುದ್ದೆ ಪಡೆದುಕೊಳ್ಳಲು ನಾನು ಯಾವುದೇ ರೀತಿಯ ಮ್ಯಾಜಿಕ್​ ನಡೆಸಿಲ್ಲ. ಸ್ಯಾಲರಿ ವಿಷಯವಾಗಿ ಬೋರ್ಡ್​ ಮುಂದೆ ಯಾವುದೇ ಬೇಡಿಕೆ ಸಹ ಇಟ್ಟಿಲ್ಲ. ಆದರೆ, ಈ ಹಿಂದಿನ ಕೋಚ್​​ ಮಿಕ್ಕಿ ಆರ್ಥರ್​ಗೆ ನೀಡುತ್ತಿದ್ದ ಸಂಬಳವನ್ನೇ ತಮಗೂ ನೀಡುವಂತೆ ತಿಳಿಸಿದ್ದಾಗಿ ಹೇಳಿದ್ದಾರೆ.

ಮಿಸ್ಬಾ ಉಲ್​ ಹಕ್​ ಪಾಕ್​ ತಂಡದ ಕೋಚ್​ ಜತೆಗೆ ಆಯ್ಕೆ ಸಮಿತಿ ಅಧ್ಯಕ್ಷರಾಗಿ ಸಹ ಸೇವೆ ಸಲ್ಲಿಸಬೇಕಾಗಿದ್ದು, ಅದಕ್ಕಾಗಿ ಯಾವುದೇ ರೀತಿಯ ಹೆಚ್ಚುವರಿ ಸಂಬಳ ಪಡೆದುಕೊಳ್ಳುತ್ತಿಲ್ಲ. ಇನ್ನು ಟೀಂ ಇಂಡಿಯಾದ ಮುಖ್ಯ ಕೋಚ್​​ ರವಿಶಾಸ್ತ್ರಿ ವರ್ಷಕ್ಕೆ 9.5ಕೋಟಿ ರೂದಿಂದ 10 ಕೋಟಿ ರೂವರೆಗೆ ಸ್ಯಾಲರಿ ಪಡೆದುಕೊಳ್ಳುತ್ತಿದ್ದಾರೆ.