ಅಡಿಲೇಡ್‌ನಲ್ಲಿ ಅಡಿಮೇಲಾಗಿ ಗಬ್ಬಾದಲ್ಲಿ ಘರ್ಜಿಸಿದ ಆಸೀಸ್‌ ಟೂರ್ ಬಗ್ಗೆ ರವಿಶಾಸ್ತ್ರಿ ಹೇಳಿದ್ದೇನು?

ಭಾರತ ಆಸೀಸ್ ಭದ್ರಕೋಟೆಯಾಗಿದ್ದ ಬ್ರಿಸ್ಬೇನ್​ನಲ್ಲಿ ನಡೆದ ಕೊನೇಯ ಟೆಸ್ಟ್​ ಪಂದ್ಯದಲ್ಲಿ ಮಂಗಳವಾರ 3 ವಿಕೆಟ್​ಗಳ ರೋಚಕ ಜಯ ಸಾಧಿಸಿದೆ. ರವಿ ಶಾಸ್ತ್ರಿ ಪ್ರಕಾರ, ಭಾರತ ಸರಣಿ ಜಯಿಸಿದ್ದರೂ ಈ ಪ್ರವಾಸ ಭಾರತ ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಕಠಿಣವಾಗಿತ್ತು ಎಂದಿದ್ದಾರೆ.

ಬ್ರಿಸ್ಬೇನ್​: ಮೊದಲ ಪಂದ್ಯದಲ್ಲಿ 36 ರನ್​ಗಳಿಗೆ ಆಲೌಟ್​ ಆಗಿ ಹೀನಾಯ ಸೋಲು ಕಂಡ ನಂತರ ಗಾಯದಿಂದ ಹೊಡೆತ ತಿಂದು ತಂಡ ಟೆಸ್ಟ್​ ಸರಣಿ ಗೆದ್ದಿರುವುದು ನಿಜಕ್ಕೂ ಅಚ್ಚರಿ ಎನಿಸುತ್ತಿದೆ ಟೀಂ ಇಂಡಿಯಾ ಕೋಚ್​ ರವಿ ಶಾಸ್ತ್ರಿ ಅಭಿಪ್ರಾಯಪಟ್ಟಿದ್ದಾರೆ.

"ಇದು ಅತ್ಯಂತ ಕಠಿಣ ಪ್ರವಾಸ. ಇದನ್ನು ಯಾವುದರಿಂದಲೂ ಮೀರಿಸಲು ಸಾಧ್ಯವಿಲ್ಲ. ಕೇವಲ 36 ರನ್​ಗಳಿಗೆ ಆಲೌಟ್​ ಆದ ನಂತರ, ಸರಣಿ ಗೆದ್ದಿರುವುದು ರೋಚಕ. ಪಂದ್ಯವನ್ನು ಬಿಟ್ಟುಕೊಡುವುದು (ಗಿವಿಂಗ್ ಅಪ್​) ನಮ್ಮ ಶಬ್ದಕೋಶದಲ್ಲಿಲ್ಲ" ಎಂದು ಸರಣಿಯನ್ನು 2-1ರಲ್ಲಿ ಗೆದ್ದ ನಂತರ ಶಾಸ್ತ್ರಿ ಹೇಳಿದರು.

ಭಾರತೀಯ ತಂಡ ಮಂಗಳವಾರ ಆಸ್ಟ್ರೇಲಿಯಾ ನೀಡಿದ್ದ 328 ರನ್​ಗಳ ಗುರಿಯನ್ನು ಇನ್ನೂ 3 ಓವರ್​ಗಳ ಆಟ ಬಾಕಿ ಇರುವಂತೆ ಗೆದ್ದು ಬೀಗಿದೆ. ಯುವ ಆಟಗಾರರಾದ ಶುಬ್ಮನ್ ಗಿಲ್ 91 ರನ್​ ಹಾಗೂ ರಿಷಭ್ ಪಂತ್​ 89 ರನ್​ಗಳಿಸಿ 32 ವರ್ಷಗಳಿಂದ ಬ್ರಿಸ್ಬೇನ್​ನಲ್ಲಿ ಸೋಲಿಲ್ಲದೆ ಮೆರೆದಾಡಿದ್ದ ಆಸೀಸ್ ತಂಡಕ್ಕೆ ಆಘಾತ ನೀಡಿದರು.

ಇದನ್ನೂ ಓದಿ:'ಭಾರತದಲ್ಲಿ 1.5 ಬಿಲಿಯನ್‌ ಜನರಿದ್ದಾರೆ, ಅಲ್ಲಿಂದ ಬಂದಿರುವ 11 ಮಂದಿಯೆದುರು ಆಡುವುದು ಕಠಿಣ'