ಡಾಕಾ: ಬಾಂಗ್ಲಾದೇಶದ ಪ್ರತಿಭಾನ್ವಿತ ಬೌಲರ್ ಮುಸ್ತಫಿಜುರ್ ರಹಮಾನ್ಗೆ ಐಪಿಎಲ್ನಲ್ಲಿ ಅವಕಾಶ ಒದಗಿ ಬಂದರೂ, ಅಲ್ಲಿನ ಕ್ರಿಕೆಟ್ ಮಂಡಳಿ ವಿಶ್ವದ ಶ್ರೀಮಂತ ಕ್ರಿಕೆಟ್ ಲೀಗ್ನಲ್ಲಿ ಆಡಲು ನಿರಪೇಕ್ಷಣಾ ಪತ್ರವನ್ನು ನೀಡಲು ಹಿಂದೇಟು ಹಾಕಿದೆ.
13ನೇ ಆವೃತ್ತಿಯ ಐಪಿಎಲ್ನಿಂದ ಗಾಯದ ಕಾರಣ ಹ್ಯಾರಿ ಗಾರ್ನಿ ಹಿಂದೆ ಸರಿದಿದ್ದು, ಅವರ ಜಾಗಕ್ಕೆ ಕೊಲ್ಕತ್ತಾ ತಂಡ ಮುಸ್ತುಫಿಜುರ್ಗೆ ಆಡಿಸಲು ಬಯಸಿತ್ತು. ಇದಕ್ಕಾಗಿ ಅವರಿಗೆ ಕರೆ ನೀಡಿದೆ. ಆದರೆ ಬಾಂಗ್ಲಾದೇಶ ಕ್ರಿಕೆಟ್ ಬೋರ್ಡ್ ನಿರಪೇಕ್ಷಣ ಪತ್ರ(ಎನ್ಒಸಿ) ಕೊಡಲು ನಿರಾಕರಿಸಿದೆ.
ಅಕ್ಟೋಬರ್ ಮತ್ತು ನವೆಂಬರ್‌ನಲ್ಲಿ ಬಾಂಗ್ಲಾ ಕ್ರಿಕೆಟ್ ತಂಡ ಶ್ರೀಲಂಕಾ ಪ್ರವಾಸ ಕೈಗೊಳ್ಳುವುದರಿಂದ ರಹಮಾನ್ಗೆ ಎನ್ಒಸಿ ನೀಡಲು ಕಾರಣ ಎಂದು ಬಿಸಿಬಿಯ ಕ್ರಿಕೆಟ್ ಕಾರ್ಯಾಚರಣೆಯ ಅಧ್ಯಕ್ಷ ಅಕ್ರಮ್ ಖಾನ್ ಹೇಳಿದ್ದಾರೆ.
"ಮುಸ್ತಫಿಜುರ್ಗಾಗಿ ಐಪಿಎಲ್ನಿಂದ ಪ್ರಸ್ತಾಪ ಬಂದಿದೆ. ಆದರೆ ನಾವು ಆ ಸಮಯದಲ್ಲಿ ಪ್ರವಾಸವನ್ನು ಹೊಂದಿರುವುದರಿಂದ ಅವರಿಗೆ ಎನ್ಒಸಿ ನೀಡಿಲ್ಲ. ಈ ಪ್ಲೇಯರ್ ನಮ್ಮ ತಂಡದ ಪ್ರಮುಖ ಕ್ರಿಕೆಟಿಗರಾಗಿದ್ದಾರೆ ಮತ್ತು ಮುಂಬರುವ ಸರಣಿ ನಮಗೆ ಮುಖ್ಯವಾಗಿದೆ" ಎಂದು ಖಾನ್ ಹೇಳಿದರು.
ಮುಸ್ತಫಿಜುರ್ ಕೊನೆಯ ಬಾರಿ 2018ರಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡಿದ್ದರು. 2016 ಮತ್ತು 2017ರಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಪರ ಆಡಿದ್ದರು. ಅವರು ಒಟ್ಟಾರೆ 24 ಪಂದ್ಯಗಳನ್ನಾಡಿದ್ದು, 24 ವಿಕೆಟ್ ಪಡೆದಿದ್ದಾರೆ.
