ಕಾಲ್ಬೆರಳು ಮುರಿದರೂ ಬೌಲಿಂಗ್ ಮಾಡಿ ಧೈರ್ಯ ತೋರಿದ್ದ ಕಿವೀಸ್​ ಬೌಲರ್​: 2ನೇ ಟೆಸ್ಟ್​ನಿಂದ ಔಟ್​

ವ್ಯಾಗ್ನರ್​ ಪಾಕ್​ ವಿರುದ್ಧದ ಮೊದಲ ಟೆಸ್ಟ್​ನಲ್ಲಿ ಒಟ್ಟು 49 ಓವರ್​ ಬೌಲಿಂಗ್ ಮಾಡಿದ್ದರು. ಒಟ್ಟು 4 ವಿಕೆಟ್​ ಪಡೆದಿದ್ದರು. ಅವರು ಎರಡನೇ ಇನ್ನಿಂಗ್ಸ್​ನಲ್ಲಿ ಶತಕ ಸಿಡಿಸಿದ್ದ ಫವಾದ್​ ಆಲಮ್ ಮತ್ತು ಆಲ್​ರೌಂಡರ್​ ಫಹೀಮ್ ಅಶ್ರಫ್​ ವಿಕೆಟ್ ಪಡೆಯುವ ಮೂಲಕ ಡ್ರಾನತ್ತ ಸಾಗುತ್ತಿದ್ದ ಪಂದ್ಯವನ್ನು ಗೆಲುವಿನತ್ತ ತಿರುಗಿಸಿದ್ದರು.

ಕ್ರೈಸ್ಟ್​ಚರ್ಚ್​: ಪಾಕಿಸ್ತಾನ ವಿರುದ್ಧದ ಟೆಸ್ಟ್​ ಪಂದ್ಯದ ವೇಳೆ ಕಾಲಿನ ಬೆರಳು ಮುರಿದರೂ ಬೌಲಿಂಗ್ ಮಾಡಿ ಕಿವೀಸ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದ ನೈಲ್​ ವ್ಯಾಗ್ನರ್​ ಕ್ರೈಸ್ಟ್​ ಚರ್ಚ್​ನಲ್ಲಿ ನಡೆಯಲಿರುವ 2ನೇ ಟೆಸ್ಟ್​ನಿಂದ ಹೊರಗುಳಿಯಲಿದ್ದಾರೆ.

ವ್ಯಾಗ್ನರ್​ ಪಾಕ್​ ವಿರುದ್ಧದ ಮೊದಲ ಟೆಸ್ಟ್​ನಲ್ಲಿ ಒಟ್ಟು 49 ಓವರ್​ ಬೌಲಿಂಗ್ ಮಾಡಿದ್ದರು ಒಟ್ಟು 4 ವಿಕೆಟ್​ ಪಡೆದಿದ್ದರು. ಅವರು ಎರಡನೇ ಇನ್ನಿಂಗ್ಸ್​ನಲ್ಲಿ ಶತಕ ಸಿಡಿಸಿದ್ದ ಫವಾದ್​ ಆಲಮ್ ಮತ್ತು ಆಲ್​ರೌಂಡರ್​ ಫಹೀಮ್ ಅಶ್ರಫ್​ ವಿಕೆಟ್ ಪಡೆಯುವ ಮೂಲಕ ಡ್ರಾನತ್ತ ಸಾಗುತ್ತಿದ್ದ ಪಂದ್ಯವನ್ನು ಗೆಲುವಿನತ್ತ ತಿರುಗಿಸಿದ್ದರು.

ನೈಲ್​ ಅದ್ಭುತ ಪ್ರದರ್ಶನ ತೋರಿದ್ದಾರೆ, ಈ ಟೆಸ್ಟ್ ಪಂದ್ಯದಲ್ಲಿ ಅವರು ಮಾಡಿದ್ದನ್ನು ಬೇರೆ ವ್ಯಕ್ತಿಗಳು ಮಾಡುತ್ತಾರೆ ಎಂದು ಭಾವಿಸಬೇಡಿ ಎಂದು ಗಾಯಗೊಂಡರು ಬೌಲಿಂಗ್ ಮಾಡಿದ ದಿಟ್ಟತನವನ್ನು ಕೋಚ್​ ಗ್ಯಾರಿ ಸ್ಟೆಡ್​ ತಿಳಿಸಿದ್ದಾರೆ.

ಇದನ್ನು ಓದಿ:ಸ್ಮಿತ್, ಕೊಹ್ಲಿ ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿದ ವಿಲಿಯಮ್ಸನ್.. 6ನೇ ಸ್ಥಾನದಲ್ಲಿ ರಹಾನೆ

ಆದರೆ, ನೈಲ್ ನಮ್ಮ ಜೊತೆ ಪ್ರಯಾಣ ಮಾಡುತ್ತಿಲ್ಲ. ಅವರು ಮೊದಲ ಪಂದ್ಯದಲ್ಲೇ ನೋವು ಕಡಿಮೆಯಾಗಲು ಇಂಜೆಕ್ಷನ್​ ಪಡೆದು ಬೌಲಿಂಗ್ ಮಾಡುತ್ತಿದ್ದರು. ಆದ್ದರಿಂದ ನಾವು ಅವರನ್ನು ಆ ಪರಿಸ್ಥಿತಿಯಲ್ಲಿ ಮತ್ತೆ ನೋಡಲು ಬಯಸುವುದಿಲ್ಲ ಎಂದು ಅವರು ಹೇಳಿದ್ದಾರೆ.

ಮೊದಲ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್​ ತಂಡ ಪಾಕಿಸ್ತಾನಕ್ಕೆ 373 ರನ್​ಗಳ ಟಾರ್ಗೆಟ್ ನೀಡಿತ್ತು. ಆದರೆ, ಪಾಕಿಸ್ತಾನ ಇನ್ನು ಕೇವಲ 5 ಓವರ್​ ಉಳಿದಿದ್ದಾಗ ಆಲೌಟ್ ಆಗುವ ಮೂಲಕ 101 ರನ್​ಗಳ ಸೋಲು ಕಂಡಿತ್ತು.