ಮೌಂಟ್ ಮಾಂಗುನುಯ್: ಆತಿಥೇಯ ನ್ಯೂಜಿಲ್ಯಾಂಡ್ ತಂಡ ಪಾಕಿಸ್ತಾನ ವಿರುದ್ಧ ಮೊದಲ ಟೆಸ್ಟ್ನಲ್ಲಿ 101ರನ್ಗಳ ರೋಚಕ ಜಯ ಸಾಧಿಸಿದೆ. ಈ ಮೂಲಕ ತವರಿನಲ್ಲಿ ಸತತ ಮೂರನೆ ಟೆಸ್ಟ್ ಗೆದ್ದಂತಾಗಿದೆ.
ಮೊದಲ ಇನ್ನಿಂಗ್ಸ್ನಲ್ಲಿ 431 ರನ್ಗಳಿಸಿದ್ದ ನ್ಯೂಜಿಲ್ಯಾಂಡ್ ಪಾಕ್ ತಂಡವನ್ನು 239 ರನ್ಗಳಿಗೆ ಕಟ್ಟಿಹಾಕಿತ್ತು. 192 ರನ್ಗಳ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ನಲ್ಲಿ 180 ರನ್ಗಳಿಸಿ ಡಿಕ್ಲೇರ್ ಘೋಷಿಸಿಕೊಂಡ ಕಿವೀಸ್ ಪ್ರವಾಸಿ ತಂಡಕ್ಕೆ 373 ರನ್ಗಳ ಟಾರ್ಗೆಟ್ ನೀಡಿತ್ತು.
ದೊಡ್ಡ ಟಾರ್ಗೆಟ್ ಬೆನ್ನಟ್ಟಿದ ಪಾಕ್ 4ನೇ ದಿನದಂತ್ಯದಕ್ಕೆ 3 ವಿಕೆಟ್ ಕಳೆದುಕೊಂಡು 73 ರನ್ಗಳಿಸಿತ್ತು. 5ನೇ ಗೆಲುವಿಗೆ 301 ರನ್ಗಳ ಅಗತ್ಯವಿತ್ತು. ಆದರೆ, ಡ್ರಾ ಸಾಧಿಸಿಕೊಳ್ಳಲು ಪ್ರಯತ್ನಿಸಿದ ಪಾಕಿಸ್ತಾನ 5ನೇ ದಿನದ ಕೊನೆಯವರೆಗೂ ಹೋರಾಟ ನಡೆಸಿತಾದರೂ ಇನ್ನೂ 27 ಎಸೆತಗಳಿದ್ದಂತೆ 271 ರನ್ಗಳಿಗೆ ಆಲೌಟ್ ಆಗಿ 101ರನ್ಗಳ ಸೋಲು ಕಂಡಿತು.