ಕೇಪ್ಟೌನ್:ಇತ್ತೀಚೆಗೆ ನಡೆದ ಭಾರತ ಹಾಗೂ ಶ್ರೀಲಂಕಾ ವಿರುದ್ಧದ ಟೆಸ್ಟ್ ಸರಣಿಗಳಲ್ಲಿ ಮುಖಭಂಗ ಅನುಭವಿಸಿರುವ ದಕ್ಷಿಣ ಆಫ್ರಿಕಾದ ಮುಂದಿನ ಟೆಸ್ಟ್ ಸರಣಿಗೆ 6 ಹೊಸ ಆಟಗಾರರನ್ನು ತಂಡಕ್ಕೆ ಸೇರ್ಪಡೆಗೊಳಿಸಿಕೊಂಡಿದೆ.
ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿ ಇಂಗ್ಲೆಂಡ್ ವಿರುದ್ಧ ನಡೆಯುವ 4 ಪಂದ್ಯಗಳ ಟೆಸ್ಟ್ ಸರಣಿಗಾಗಿ 17 ಸದಸ್ಯರ ತಂಡವನ್ನು ಸೋಮವಾರ ಪ್ರಕಟಿಸಿದ್ದು, ಇದರಲ್ಲಿ 6 ಹೊಸ ಆಟಗಾರರನ್ನು ಆಯ್ಕೆಮಾಡಿದ್ದಾರೆ.
ಇದೇ ವರ್ಷ ದಕ್ಷಿಣ ಆಫ್ರಿಕಾದ ಲೆಜೆಂಡರಿ ಕ್ರಿಕೆಟಿಗರಾದ ಹಾಶಿಮ್ ಆಮ್ಲಾ, ಡೇಲ್ ಸ್ಟೈನ್ ಹಾಗೂ ಗಾಯದ ಕಾರಣ ವೇಗಿ ಲುಂಗಿ ಎಂಗಿಡಿ ಹಾಗೂ ವೈನ್ ಮಲ್ಡರ್ ತಂಡದಿಂದ ಹೊರಬಿದ್ದಿರುವುದರಿಂದ ಹೊಸದಾಗಿ ನೇಮಕಗೊಂಡಿರುವ ಕೋಚ್ ಮಾರ್ಕ್ ಬೌಷರ್ ಹರಿಣ ಪಡೆಯನ್ನು ಮತ್ತೆ ಪುನರ್ರಚಿಸಲು 6 ಹೊಸ ಸಾಮರ್ಥ್ಯವುಳ್ಳ ಆಟಗಾರರನ್ನು ತಂಡಕ್ಕೆ ಆಯ್ಕೆ ಮಾಡಿದ್ದಾರೆ.
ಬ್ಯಾಟ್ಸ್ಮನ್ಗಳಾದ ಪೀಟರ್ ಮಲಾನ್, ರಾಸ್ಸಿ ವಾನ್ ಡರ್ ಡಾಸ್ಸೆನ್, ವೇಗದ ಬೌಲರ್ಗಳಾದ ಡೇನ್ ಪ್ಯಾಟರ್ಸನ್ ಹಾಗೂ ಬಿಯುರಾನ್ ಹೆಂಡ್ರಿಕ್ಸ್, ಆಲ್ರೌಂಡರ್ಗಳಲ್ಲಿ ಡ್ವೇನ್ ಪ್ರಿಟೋರಿಯಸ್ ಮತ್ತು ವಿಕೆಟ್ ಕೀಪರ್ ರುಡಿ ಸೆಕೆಂಡ್ ಮುಂಬರುವ ಟೆಸ್ಟ್ ಸರಣಿಯಲ್ಲಿ ಪದಾರ್ಪಣೆ ಮಾಡಲಿದ್ದಾರೆ.